- Атлыны ашхысы, ат тизгининден билинир
- Къаллай салам берсенг, аллай джууаб алырса.
- Биреуге аманлыкъны тилеме да, кесинге ашхылыкъны тиле.
- Таукел тауну аудурур.
- Эли джокъну – кёлю джокъ.
- Тамбла алтындан бюгюн багъыр ашхы.
- Джарлыны эшигин махтагъан джабар.
- Аз айтсам, кёб ангылагъыз.
- Чомартха Тейри да борчлуду.
- Юйюнг бла джау болгъандан эсе, элинг бла джау бол.
- Иги бла джюрюсенг, джетерсе муратынга, аман бла джюрюсенг, къалырса уятха.
- Сескекли кесин билдирир.
- Билимли ёлмез, билимсиз кёрмез.
- Кесине гебен этелмеген, биреуге черен эте эди.
- Къошда джокъгъа – юлюш джокъ.
- Кёбню кёрген – кёб билир.
- Онгсузну – джакъла, тенгликни – сакъла.
- Ойнай билмеген, оюн бузар.
- Шайтан алдады, тюзлюк къаргъады.
- Адеб джокъда, намыс джокъ.
- Тил бла келеди джыр да.
- Итли къонакъ джарашмаз.
- Татлы сёз – балдан татлы.
- Айтханы чапыракъдан ётмеген.
- Джангыз торгъай джырламаз.
- Ашыкъгъан cуу, тенгизге джетмез.
- Чакъырылгъанны аты, чакъырылмагъанны багъасы болур.
- Ашда уялгъан – мухар, ишде уялгъан – хомух.
- Харам къарнашдан, халал тенг ашхы.
- Къонагъы джокъну – шоху джокъ.
- Нарт сёз къарт болмаз.
- Аманнга да, игиге да оноусуз къатышма.
- Эки къатын алгъанны къулагъы тынгнгаймаз.
- Гырджын – тепсини тамадасы.
- Минг тенг да азды, бир джау да кёбдю.
- Сагъыш – къартлыкъгъа сюйюмчю.
- Билеги кючлю, бирни джыгъар, билими кючлю, мингни джыгъар.
- Юй кюйдю да, кюйюз чыкъды, ортасындан тюйюш чыкъды.
- Суугъа – таянма, джаугъа – ийнанма.
- Билмейме деген – бир сёз
- Адам боллукъ, атламындан белгили болур.
- Магъанасыз сёз – тауушсуз сыбызгъы.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашына кёре табагъы, балына кёре къалагъы.
- Халкъгъа джарагъан, джарлы къалмаз.
- Аманны къуугъан, аманлыкъ табар.
- Огъурлуну сёзю – суу, огъурсузну сёзю – уу.
- Сибиртки да сыйлы болду, кюрек да кюнлю болду.
- Ата Джуртун танымагъан, атасын да танымаз.
- Алим болгъандан эсе, адам болгъан къыйынды.
Ошибка!
Для просмотра темы введите ваши логин и пароль.Пожалуйста, авторизуйтесь: