- Къызбайны юйюне дери сюрсенг, батыр болур.
- Эл бла кёргенинг эрелей.
- Эр абынмай, эл танымаз.
- Кёл ашады да, кеси ашады.
- Къайгъы тюбю – тенгиз.
- Адеб базарда сатылмаз.
- Атынг аманнга чыкъгъандан эсе, джанынг тамагъынгдан чыкъсын.
- Байлыкъдан саулукъ ашхыды.
- Чомартха хар кюн да байрамды.
- Сютден ауузу кюйген, суугъа юфгюре эди.
- Тёрде – темир таякълы, къаяда – чыпчыкъ аякълы.
- Айранын берсенг, челегин да къызгъанма.
- Иги адам абынса да, джангылмаз.
- Эртде тургъан джылкъычыны эркек аты тай табар.
- Миллетни бойну – базыкъ, аны бла кюрешген – джазыкъ.
- Билимли ёлмез, билимсиз кёрмез.
- Къонакъ кёб келюучю юйню, къазаны отдан тюшмез.
- Чакъырылмагъан къонакъ – орунсуз.
- Сибиртки да сыйлы болду, кюрек да кюнлю болду.
- Терслик кетер, тюзлюк джетер.
- Нафысынгы айтханын этме, намысынгы айтханын эт.
- Бастасын ашагъан, хантусун да ичер.
- Суу да къайтады чыкъгъан джерине.
- Aдам боллукъ, сыфатындан белгили.
- Къызны минг тилер, бир алыр.
- Бойнуму джети джерден кессенг да, мен ол ишни этеллик тюлме.
- Ёнгкюч къууана барыр, джылай келир.
- Ана къойну – балагъа джандет.
- Чакъырылмагъан къонакъ тёрге атламаз.
- Ата Джуртча джер болмаз, туугъан элча эл болмаз.
- Джаз бир кюнню джатсанг, къыш талай кюнню абынырса.
- Асхат ашлыкъ сата, юйдегиси ачдан къата.
- Чакъырылгъанны аты, чакъырылмагъанны багъасы болур.
- Тойчу джашха къарама, къойчу джашха къара.
- Башсыз урчукъ тюзюне айланмаз.
- Ачылгъан эт джабылыр, кёрген кёз унутмаз.
- Алим болгъандан эсе, адам болгъан къыйынды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джырчы джырчыгъа – къарнаш.
- Кенгеш болса, уруш болмаз.
- Джыланны къуйругъундан басарынг келсе, аны башы болгъанын унутма.
- Джюрекге ариу – кёзге да ариу.
- Тилде сюек болмаса да, сюек сындырыр.
- Кёзден кетген, кёлден да кетеди.
- Къоркъакъны кёзю экили кёрюр.
- Артына баргъанны, къатына барма.
- Халкъны юйю – туугъан джери.
- Тёзгеннге, джабылгъан эшик ачылыр.
- Къонакъ болсанг, ийнакъ бол.
- Кесинге джетмегенни, кёб сёлешме.
Ошибка!
Для просмотра темы введите ваши логин и пароль.Пожалуйста, авторизуйтесь: