- Акъыл неден да кючлюдю.
- Джетген къыз джерли эшекни танымаз.
- Чомартха хар кюн да байрамды.
- Окъуу – билимни ачхычы, окъуу – дунияны бачхычы.
- Айранны сюйген, ийнек тутар.
- Чыбыкълыкъда бюгюлмеген, къазыкълыкъда бюгюлмей эди.
- Тай асырагъан, атха минер.
- Ач да бол, токъ да бол – намысынга бек бол.
- Къууут – джелге, берне – бошха.
- Дженгил джетерикме деб, узун джолну къоюб, къысхасын барма.
- Бал ашаргъа сюе эсенг, чибин ургъаннга тёз.
- Ариу – кёзге, акъыл – джюрекге.
- Иги – алгъыш этер, аман – къаргъыш этер.
- Ауузу аманнга «иги», деме.
- Ёзденликни джайгъан – джокълукъ.
- Арба аугъандан сора, джол кёргюзтюучю кёб болур.
- Хар зат кесини орнуна иги.
- Джюрекден джюрекге джол барды.
- Къарын къуру болса, джюрек уру болур.
- Къартны сыйын кёрмеген, къартлыгъында сыйлы болмаз.
- Къралынгы – душмандан, башынгы от бла суудан сакъла.
- Адам къаллай бир ишленмесе, аллай бир кесин уллу кёреди.
- Тюзлюк шохлукъну бегитир.
- Агъач халкъгъа алтынды, иссиликге салкъынды.
- Таукелге нюр джауар.
- Ётген ёмюр – акъгъан суу.
- Айырылгъанланы айю ашар, бёлюннгенлени бёрю ашар.
- Бети къызарыучу адамны, джюреги харам болмаз.
- Эл элде бирер малынг болгъандан эсе, бирер тенгинг болсун.
- Кесине оноу эте билмеген, халкъына да эте билмез.
- Тёрде – темир таякълы, къаяда – чыпчыкъ аякълы.
- Этек чакъмакълары баш джаргъан, сёлешген сёзлери таш джаргъан.
- Эки къатын алгъанны къулагъы тынгнгаймаз.
- Къаллай салам берсенг, аллай джууаб алырса.
- Шайтан алдады, тюзлюк къаргъады.
- Азыкъ аз болса, эртде орун сал.
- Джукъу тёшек сайламайды.
- Хатерли къул болур.
- Бичгенде ашыкъма, тикгенде ашыкъ.
- Ойнай-ойнай кёз чыгъар.
- Адамгъа аман кюн соруб келмейди.
- Ётюрюкню къуйругъу – бир тутум.
- Аллахдан тилесенг, кёб тиле.
- Телиге акъыл салгъандан эсе, ёлгеннге джан салырса.
- Бети бедерден, намыс сакълама.
- Кесинг сынамагъан затны, адамгъа буюрма.
- Оюмсуз атлагъан, аджалсыз ёлюр.
- Кирсизни – саны таза, халалны – къаны таза.
- Байлыкъ адамны сокъур этер.
- Ханы къызы буюгъа-буюгъа киштик болду.
Ошибка!
Для просмотра темы введите ваши логин и пароль.Пожалуйста, авторизуйтесь: