- Джашлыкъ этмеген, башлыкъ этмез.
- Этек чакъмакълары баш джаргъан, сёлешген сёзлери таш джаргъан.
- Адебни адебсизден юрен.
- Къарт болгъан джерде, берекет болур, сабий болгъан джерде, оюн болур.
- Аз сёлеш, кёб ишле.
- Сабийни джумушха джибер да, ызындан бар.
- Джахил болса анасы, не билликди баласы?
- Махтаннган къыз, тойда джукълар.
- Телиге от эт десенг, юйюнге от салыр.
- Бир онгсуз адам адет чыгъарды, деб эштирик тюлсе.
- Элиб деген, элге болушур.
- Атлыны кёрсе, джаяуну буту талыр.
- Адам сёзюнден белгили.
- Къызны минг тилер, бир алыр.
- Эл элде бирер малынг болгъандан эсе, бирер тенгинг болсун.
- Чомарт бергенин айтмаз.
- От кюйдюрген, сау болса да, тот кюйдюрген, сау болмаз.
- Кирсизни – саны таза, халалны – къаны таза.
- Намыс болмагъан джерде, насыб болмаз.
- Босагъа таш юйге кирмей эди, тыбыр таш эшикге чыкъмай эди.
- Ётюрюкню башын керти кесер.
- Ётюрюкчюню шагъаты – къатында.
- Къууут – джелге, берне – бошха.
- Игини сыйлагъан адетди.
- Ана къойну – балагъа джандет.
- Къайгъыны сюйген, къайгъы табар.
- Арыгъан къош чамчы болур.
- Ачыу алгъа келсе, акъыл артха къалады.
- Алма терегинден кери кетмез.
- Ойнай билмеген, уруб къачар.
- Адам туугъан джеринде, ит тойгъан джеринде.
- Бозанг болмагъан джерге, къалагъынгы сукъма.
- Уллу сёлешме да, уллу къаб.
- Къартха ушагъан джаш – акъыллы, джашха ушагъан къарт – тели.
- Ишленмеген джаш – джюгенсиз ат, ишленмеген къыз – тузсуз хант.
- Билгенни къолу къарны джандырыр.
- Аджалсыз ёлюм болмаз.
- Ач къалгъандан, кеч къалгъан къолай.
- Ашда уялгъан – мухар, ишде уялгъан – хомух.
- Эринчекге кюн узун.
- Къонагъы джокъну – шоху джокъ.
- Гырджын – тепсини тамадасы.
- Азыкълы ат арымаз, къатыны аман джарымаз.
- Акъыл сабырлыкъ берир.
- Тойгъа алгъа да барма, тойда артха да къалма.
- Ышармагъан – кюлмез, кюлмеген – къууанчны билмез.
- Кёбню кёрген – кёб билир.
- Бал ашаргъа сюе эсенг, чибин ургъаннга тёз.
- Джылыгъа джылан илешир.
- Болджал ишни бёрю ашар.
Ошибка!
Для просмотра темы введите ваши логин и пароль.Пожалуйста, авторизуйтесь: