- Къарын къуру болса, джюрек уру болур.
- Ач къарынны, токъ билмез
- Хар адамгъа кеси миннген тау кибик.
- Босагъагъа джууукъ орун болса, ашыгъыб тёрге озма.
- Илму – джашауну джолу.
- Ачны эсинде – аш.
- Шайтан алдады, тюзлюк къаргъады.
- Аджашханны ызындагъы кёреди, джангылгъанны джанындагъы биледи.
- Чалманны аллы къалай башланса, арты да алай барады.
- Нарт сёз къарт болмаз.
- Иги джашны ышаны – аз сёлешиб, кёб тынгылар.
- Джыланны къуйругъундан басарынг келсе, аны башы болгъанын унутма.
- Къарт болгъан джерде, берекет болур, сабий болгъан джерде, оюн болур.
- Джол бла сёзню къыйыры джокъ.
- Азыкълы ат арымаз, къатыны аман джарымаз.
- Ёлюк кебинсиз къалмаз.
- Бир онгсуз адам адет чыгъарды, деб эштирик тюлсе.
- Олтуруб кёрюнмей эди да, ёрге туруб кёрюне эди.
- Кютгени беш эчки, сызгъыргъаны уа, джерни джарады.
- Къонагъынгы артмагъын алма да, алгъышын ал.
- Адамны адамлыгъы къыйынлыкъда айгъакъланады.
- Дженгил джетерикме деб, узун джолну къоюб, къысхасын барма.
- Джуртун къоругъан озар.
- Ана къойну – балагъа джандет.
- Арбаз сайлама да, хоншу сайла.
- Уллу айтханны этмеген – уллаймаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёзденликни кёбю ётюрюк.
- Сакъалы текени да бар, мыйыгъы киштикни да бар.
- Джукъу тёшек сайламайды.
- Таукел адам тау тешер.
- Айран ичген – къутулду, джугъусун джалагъан – тутулду.
- Ауругъаннга – кийик саулукъ, джетген къызгъа – чилле джаулукъ.
- Ётюрюкчюню шагъаты – къатында.
- Зар адамны насыбы болмаз.
- Кёз – сюйген джерде, къол – ауругъан джерде.
- Уллу къашыкъ эрин джыртар.
- Кёзден кетген, кёлден да кетеди.
- Ишни аллы бла къууанма да, арты бла къууан.
- Адамгъа аман кюн соруб келмейди.
- Юй кюйдю да, кюйюз чыкъды, ортасындан тюйюш чыкъды.
- Гугук кесини атын айтыб къычыргъанча, мен, мен деб нек тураса?
- Ашха уста, юйюнде болсун
- Джангыз терек къынгыр ёсер.
- Ёгюзню мюйюзлери ауурлукъ этмейдиле.
- Арба аугъандан сора, джол кёргюзтюучю кёб болур.
- Билген билмегенни юретген адетди.
- Чакъырылмагъан къонакъ тёрге атламаз.
- Тюзлюк тас болмайды.
- Ата Джуртуму башы болмасам да, босагъасында ташы болайым.
Ошибка!
Для просмотра темы введите ваши логин и пароль.Пожалуйста, авторизуйтесь: