- Эрине къаргъыш этген къатын, эрнин къабар.
- Джаралыны джастыгъында сау ёлюр.
- Нёгер болсанг, тенг бол, тенг болмасанг, кенг бол.
- Айтхан сёзюне табылгъан.
- Тилсиз миллет джокъ болур.
- Ариу джол аджал келтирмез.
- Акъыллы башны – тили къысха.
- Чабар ат – джетген къыз.
- Уруну арты – къуру.
- Къайгъыны сюйген, къайгъы табар.
- Тёгюлген тюгел джыйылмайды.
- Чарсда алчыны эл кёреди.
- Уясында не кёрсе, учханында аны этер.
- Босагъагъа джууукъ орун болса, ашыгъыб тёрге озма.
- Тёрени джагъы джокъ.
- Сабийни джумушха джибер да, ызындан бар.
- Джангызны оту джарыкъ джанмаз!
- Ёпкелегенни ашы татлы болады.
- Эркишини аманы тиширыуну джылатыр.
- От кюйдюрген, сау болса да, тот кюйдюрген, сау болмаз.
- Эки итни арасына сюек атма, эки адамны арасында сёз чыгъарма.
- Кенгеш болса, уруш болмаз.
- Ач къалгъандан, кеч къалгъан къолай.
- Кесине гебен этелмеген, биреуге черен эте эди.
- Ишин билген, аны сыйын чыгъарады.
- Джуртун къоругъан озар.
- Къартны сыйын кёрмеген, къартлыгъында сыйлы болмаз.
- Юре билмеген ит, къонакъ келтирир.
- Арбаз къынгырды да, ийнек сауалмайма.
- Ётген ёмюр – акъгъан суу.
- Телиге акъыл салгъандан эсе, ёлгеннге джан салырса.
- Суу ичген шауданынга тюкюрме.
- Къарнынг ауруса, ауузунгу тый
- Юйюнг бла джау болгъандан эсе, элинг бла джау бол.
- Билеги кючлю, бирни джыгъар, билими кючлю, мингни джыгъар.
- Чабакъгъа акъыл, табагъа тюшсе келеди.
- Тиширыусуз юй – отсуз от джагъа.
- Джюрекге ариу – кёзге да ариу.
- Къонагъынгы артмагъын алма да, алгъышын ал.
- Онгсузну – джакъла, тенгликни – сакъла.
- Экеу тутушса, биреу джыгъылыр.
- Терслик кетер, тюзлюк джетер.
- Этни да ашады, бетни да ашады.
- Ауругъан – джашаудан умутчу.
- Кёб ант этген, кёб ётюрюк айтыр.
- Шапа кёб болса, аш татымсыз болур.
- Бичгенде ашыкъма, тикгенде ашыкъ.
- Джыланны къуйругъундан басарынг келсе, аны башы болгъанын унутма.
- Къонакъ аз олтурур, кёб сынар.
- Намысы джокъну – дуниясы джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: