- Башланнган иш битер, къымылдагъан тиш тюшер.
- Ёнгкюч къууана барыр, джылай келир.
- Тойгъандан сора, ашны сёкме.
- Эринчекни аурууу – кёб.
- Адамны артындан къара сабан сюрме.
- Тели турса – той бузар.
- Келлик заман – къартлыкъ келтирир, кетген заман – джашлыкъ ёлтюрюр.
- Мал тутхан – май джалар.
- Эл ауузу – элия.
- Чабакъгъа акъыл, табагъа тюшсе келеди.
- Ёзденликни джайгъан – джокълукъ.
- Сакъламагъан затынга джолукъсанг, не бек къууанаса, не бек ачыйса.
- Джюрек кёзден алгъа кёрюр.
- Туз, гырджын аша, тюзлюк бла джаша.
- Байны къызы баймакъ болса да, юйде къалмаз!
- Кенгеш болса, уруш болмаз.
- Ёгюзню мюйюзлери ауурлукъ этмейдиле.
- Ауругъаннга – кийик саулукъ, джетген къызгъа – чилле джаулукъ.
- Ачны эсинде – аш.
- Сибиртки да сыйлы болду, кюрек да кюнлю болду.
- Ашхы атаны – джашы ашхы, ашхы ананы – къызы ашхы.
- Эл элде бирер малынг болгъандан эсе, бирер тенгинг болсун.
- Болджал ишни бёрю ашар.
- Ёксюзню къалачы уллу кёрюнюр.
- Байлыкъдан саулукъ ашхыды.
- Агъач халкъгъа алтынды, иссиликге салкъынды.
- Ишлерге уял да, ашаргъа табма.
- Душманны тышы – акъ, ичи – къара.
- Юйлю уругъа ит чабмаз.
- Ана къойну – балагъа джандет.
- Джангыз торгъай джырламаз.
- Окъугъан озар, окъумагъан тозар.
- Чабакъсыз кёлге къармакъ салгъанлыкъгъа, чабакъ тутмазса.
- Тёрдеги кюлсе, эшикдеги ышарыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Джырчы ёлсе, джыры къалыр.
- Аманны къуугъан, аманлыкъ табар.
- Сабийни джумушха джибер да, ызындан бар.
- Эл бла кёргенинг эрелей.
- Джогъун бар этген, барын бал этген.
- Къарнынг ауруса, ауузунгу тый
- Ат да турмайды бир териде.
- Кёбню кёрген – кёб билир.
- Итли къонакъ джарашмаз.
- Намысы болмагъанны, сыйы болмаз.
- Кёл ашады да, кеси ашады.
- Хар сёзню орну барды.
- Эли джокъну – кёлю джокъ.
- Къыйынлы джети элге оноу этер.
- Накъырданы арты керти болур.
Ошибка!
Для просмотра темы введите ваши логин и пароль.Пожалуйста, авторизуйтесь: