- Азыкъ аз болса, эртде орун сал.
- Сибиртки да сыйлы болду, кюрек да кюнлю болду.
- Эр сокъур болсун, къатын тилсиз болсун.
- Мал кёб болса, джууукъ кёб болур.
- Таукел адам тау тешер.
- Джылкъыдан – ат чыгъар, тукъумдан – джаш чыгъар.
- Иги сёз – джаннга азыкъ, аман сёз башха – къазыкъ.
- Алим болгъандан эсе, адам болгъан къыйынды.
- Халкъны юйю – туугъан джери.
- Чабакъсыз кёлге къармакъ салгъанлыкъгъа, чабакъ тутмазса.
- Эки ойлашыб, бир сёлешген.
- Ауругъанны сау билмез, ач къарынны токъ билмез.
- Къарнынг бла ёч алма.
- Садакъачыны джаны – къапчыгъында.
- Акъылсызны джууукъгъа алма, акъыллыны кенгнге салма.
- Ётюрюкчюню шагъаты – къатында.
- Адамны адамлыгъы къыйынлыкъда айгъакъланады.
- Адам къыйынлыгъын кёлтюрюр, зауукълугъун кёлтюрмез.
- Аджашханны ызындагъы кёреди, джангылгъанны джанындагъы биледи.
- Джарлыны эшигин махтагъан джабар.
- Кесине гебен этелмеген, биреуге черен эте эди.
- Хантына кёре тузу, юйюне кёре къызы.
- Эртде тургъан джылкъычыны эркек аты тай табар.
- Кесинге джетмегенни, кёб сёлешме.
- Джукъу тёшек сайламайды.
- Къалгъан ишге къар джауар.
- Ачлыкъда тары гырджын халыуадан татлы.
- Таякъ этден ётер, тил сюекден ётер.
- Адебни адебсизден юрен.
- Къайгъы тюбю – тенгиз.
- Джети тилни билген джети кишиди.
- Тенгни тенглиги джашай барсанг билинир.
- Кесинг сынамагъан затны, адамгъа буюрма.
- Мал тутхан – май джалар.
- Уллу сёзде уят джокъ.
- Юйлю уругъа ит чабмаз.
- Агъач – джерни чырайы, кийим – эрни чырайы.
- Тюзню ётмеги тюзде къалса да, тас болмаз.
- Баш болса, бёрк табылыр.
- Миллетни бойну – базыкъ, аны бла кюрешген – джазыкъ.
- Ата Джуртуму башы болмасам да, босагъасында ташы болайым.
- Байлыкъдан саулукъ ашхыды.
- Ачыу алгъа келсе, акъыл артха къалады.
- Ойнай-ойнай кёз чыгъар.
- Дуния мал дунияда къалады.
- Адамны сабийин сюйген джюреги, бычакъча, джитиди.
- Къатыны харакетли болса, эри къымсыз болур.
- Уясында не кёрсе, учханында аны этер.
- Кесине оноу эте билмеген, халкъына да эте билмез.
- Ханнга да келеди хариблик.
Ошибка!
Для просмотра темы введите ваши логин и пароль.Пожалуйста, авторизуйтесь: