- Тёгюлген тюгел джыйылмайды.
- Ушамагъан – джукъмаз.
- Джырына кёре эжиую.
- Аманны эки битли тону болур, бирин сеннге кийдирир, бирин кеси киер.
- Таукелге нюр джауар.
- Адам сёзге тынгыла, акъыл сёзню ангыла.
- Кёзюнде тереги болгъан, чёбю болгъаннга кюле эди.
- Хантына кёре тузу, юйюне кёре къызы.
- Къыз тиширыу кеси юйюнде да къонакъды.
- Мал тутхан – май джалар.
- Биреуню тёрюнден, кесинги эшик артынг игиди.
- Сёз – кюмюш, джыр – алтын.
- Ёзденликни кёбю ётюрюк.
- Ашхы адам – халкъ байлыгъы, ашхы джер – джашау байлыгъы.
- Тенги кёбню джау алмаз, акъылы кёбню дау алмаз.
- Мадар болса, къадар болур.
- Татлы сёз – балдан татлы.
- Адам къыйынлыгъын кёлтюрюр, зауукълугъун кёлтюрмез.
- Тилчи бир сагъатха айлыкъ хата этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Билим къая тешер.
- Орундукъ тюбюнде атылсам да, орта джиликме, де да айлан.
- Зарда марда джокъ.
- Ата Джуртуму башы болмасам да, босагъасында ташы болайым.
- Дженгил джетерикме деб, узун джолну къоюб, къысхасын барма.
- Адам къаллай бир ишленмесе, аллай бир кесин уллу кёреди.
- Къызгъанчдан ычхыныр, мухардан ычхынмаз.
- Бозанг болмагъан джерге, къалагъынгы сукъма.
- Киштикге къанат битсе, чыпчыкъ къалмаз эди.
- Кёзю сокъурдан – къоркъма, кёлю сокъурдан – къоркъ.
- Эл элде бирер малынг болгъандан эсе, бирер тенгинг болсун.
- Аууз сакълагъан – джан сакълар.
- Акъыллы – эл иеси, тели – эл баласы.
- Ач къарным, тынч къулагъым.
- Къарнынг ауруса, ауузунгу тый
- Джаханимни кёрмей, джандетге кёл салмазса.
- Хатерли къул болур.
- Тойгъан антын унутур.
- Чомартны къолу берекет.
- Къонакъ аман болса, къонакъбай джунчур
- Кёпюр салгъан кеси ётер, уру къазгъан кеси кетер.
- Сибиртки да сыйлы болду, кюрек да кюнлю болду.
- Къоркъакъны кёзю экили кёрюр.
- Арпа, будай – ащды, алтын, кюмюш а – ташды.
- Баланы адам этген анады.
- Чыкълы кюнде чыкъмагъан, чыкъса къуру кирмеген.
- Биреуге кёлтюрген таягъынг, кесинги башынга урур.
- Чакъырылмагъан къонакъ къачан кетерин сормаз.
- Къатын къылыкъсыз, эр тынчлыкъсыз.
- Аш хазыр болса, иш харам болур.
Ошибка!
Для просмотра темы введите ваши логин и пароль.Пожалуйста, авторизуйтесь: