- Тик ёргени, тик энгишгеси да болады.
- Къатын байлыкъны сюер, эр саулукъну сюер.
- Джумушакъ сёз къаты таякъны сындырыр.
- Ата джурт – алтын бешик.
- Ышармагъан – кюлмез, кюлмеген – къууанчны билмез.
- Джогъун бар этген, барын бал этген.
- Бойнуму джети джерден кессенг да, мен ол ишни этеллик тюлме.
- Иги адамны бир сёзю эки болмаз.
- Келгинчи, къонакъ уялыр, келгенден сора, къонакъбай уялыр.
- Адам къыйынлыгъын кёлтюрюр, зауукълугъун кёлтюрмез.
- Кесинг сынамагъан затны, адамгъа буюрма.
- Накъырданы арты керти болур.
- Чоюнну башы ачыкъ болса, итге уят керекди.
- Ётген ёмюр – акъгъан суу.
- Тенги кёбню джау алмаз, акъылы кёбню дау алмаз.
- Билим ат болуб да чабар, къуш болуб да учар.
- Къонагъы джокъну – шоху джокъ.
- Аллахдан тилесенг, кёб тиле.
- Элге къуллукъ этмеген, элге ие болмаз.
- Чакъырылмай келген къонакъ сыйланмай кетер.
- Хоншуну тауугъу къаз кёрюнюр, келини къыз кёрюнюр.
- Сютню башын джалагъан къутулур, тюбюн ичген тутулур.
- Кёзюнде тереги болгъан, чёбю болгъаннга кюле эди.
- Кютгени беш эчки, сызгъыргъаны уа, джерни джарады.
- Тойгъан джерден туугъан джер игиди.
- Эшекге миннген – биринчи айыб, андан джыгъылгъан – экинчи айыб.
- Аджал соруб келмез, келсе, къайтыб кетмез.
- Окъуусуз билим – джокъ, билимсиз кюнюнг – джокъ.
- Джаным-тиним – окъуу, билим.
- Эл бла кёргенинг эрелей.
- Эрни эр этерик да, къара джер этерик да, тиширыуду.
- Тёрени джагъы джокъ.
- Ач къалгъандан, кеч къалгъан къолай.
- Джарлы тюеге минсе да, ит къабар.
- Термилгенинги табмазса, кюлгенинге тюберсе.
- Уллу сёзде уят джокъ.
- Эки ойлашыб, бир сёлешген.
- Байлыкъ келсе, акъыл кетер.
- Тай асырагъан, атха минер.
- Атлыны кёрсе, джаяуну буту талыр.
- Ойнаб айтсанг да, эслеб айт.
- Ачлыкъ отха секиртир.
- Ашхы – джыяр, аман – джояр.
- Джашда акъыл джокъ, къартда къарыу джокъ.
- Эркиши – от, тиширыу – суу.
- Тура эдим джата, къайдан чыкъды хата?
- Ургъан суудан башынгы сакъла.
- Ауурну тюбю бла, дженгилни башы бла джюрюген.
- Байлыкъ тауусулур, билим тауусулмаз.
- Кечеси – аяз, кюню – къыш, джарлы къаргъагъа бир аш тюш!
Ошибка!
Для просмотра темы введите ваши логин и пароль.Пожалуйста, авторизуйтесь: