- Таула не мийик болсала да, аууш табылыр.
- Адебсиз адам – джюгенсиз ат.
- Бети – къучакълар, джюреги – бычакълар.
- Келинни – келгинчи, бёркню кийгинчи кёр.
- Ёнгкюч къууана барыр, джылай келир.
- Къайтырыкъ эшигинги, къаты уруб чыкъма.
- Окъугъан – асыу, окъумагъан – джарсыу.
- Ата Джуртуму башы болмасам да, босагъасында ташы болайым.
- Иги болса, тамадама – махтау, аман болса, меннге – айыб.
- Сескекли кесин билдирир.
- Чакъырылмагъан къонакъ къачан кетерин сормаз.
- Джыйырма къойну юч джыйырма эбзе кюте эди.
- Экеу тутушса, биреу джыгъылыр.
- Мухар, кеси тойса да, кёзю тоймаз.
- Сабийликде юретмесенг, уллу болса – тюзелмез.
- Къоркъакъны кёзю экили кёрюр.
- Ишни аллы бла къууанма да, арты бла къууан.
- Билмезни кёзю кёрмез, этмезни къулагъы эшитмез.
- Ата Джуртун танымагъан, атасын да танымаз.
- Къартны бурнун сюрт да, оноугъа тут.
- Чомартха хар кюн да байрамды.
- Ашын ашагъанынгы, башын да сыйла.
- Къарт айтханны этмеген, къартаймаз.
- Эл элде бирер малынг болгъандан эсе, бирер тенгинг болсун.
- Джарлы джети элни сёзюн этер.
- Тилсиз миллет джокъ болур.
- Игилик игилик бла сингдирилиучю затды.
- Орундукъ тюбюнде атылсам да, орта джиликме, де да айлан.
- Сёз къанатсыз учар.
- Ичимден чыкъды хата, къайры барайым сата?
- Ёлген ийнек сютлю болур.
- Тёзген – тёш ашар!
- Джашынгы кесинг юретмесенг, джашау юретир.
- Ач отунчуну ачыуу – бурнунда.
- Аз сёлеш, кёб ишле.
- Бойнуму джети джерден кессенг да, мен ол ишни этеллик тюлме.
- Уруну арты – къуру.
- Тешигини къатында, чычхан да батыр болур.
- Къар – келтирди, суу – элтди.
- Чомарт бергенин айтмаз.
- Джумушакъ терекни къурт ашар.
- Акъыллы башны – тили къысха.
- Окъуусуз билим – джокъ, билимсиз кюнюнг – джокъ.
- Юре билмеген ит, къонакъ келтирир.
- Агъач – джерни чырайы, кийим – эрни чырайы.
- Эшекни не къадар тюйсенг да, ат болмаз.
- Рысхы джалгъанды: келген да этер, кетген да этер.
- Ашарыкъда сайлагъаннга – чий гырджын.
- Эл ауузу – элек, анга ийнаннган – халек.
- Олтуруб кёрюнмей эди да, ёрге туруб кёрюне эди.
Ошибка!
Для просмотра темы введите ваши логин и пароль.Пожалуйста, авторизуйтесь: