- Сыфатында болмагъаны, суратында болмаз.
- Адеб джокъда, намыс джокъ.
- Къарнынг ауруса, ауузунгу тый
- Ашыкъгъан cуу, тенгизге джетмез.
- Ана кёлю – балада, бала кёлю – талада.
- Тили узунну, намысы – къысха.
- Къарт бла баш аша, джаш бла аякъ аша.
- Гырджын – тепсини тамадасы.
- Болджал ишни бёрю ашар.
- Аманнга игилик этсенг, юйюнге сау бармазса.
- Ётюрюкню къуйругъу – бир тутум.
- Аш кетер да бет къалыр.
- Джарлыны эшигин махтагъан джабар.
- Уллу атлама – абынырса, уллу къабма – къарылырса.
- Джашлыкъ этмеген, башлыкъ этмез.
- Арпа, будай – ащды, алтын, кюмюш а – ташды.
- Тёзгеннге, джабылгъан эшик ачылыр.
- Бал – татлы, балдан да бала – татлы.
- Джангыз терек къынгыр ёсер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сангырау къулакъ эл бузар.
- Элде адам къалмаса, ит тахтагъа минер.
- Джиби бир къат джетмей эди да, эки къат тарта эди.
- Джахил болса анасы, не билликди баласы?
- Тели турса – той бузар.
- Ишни ахырын ойламай, аллын башлама.
- Ашарыкъда сайлагъаннга – чий гырджын.
- Нарт сёз – тилни бети.
- Эркиши – от, тиширыу – суу.
- Аджалсыз ёлюм болмаз.
- Кёл ашады да, кеси ашады.
- Эринчекге кюн узун.
- Шайтан алдады, тюзлюк къаргъады.
- Тик ёргени, тик энгишгеси да болады.
- Азыкъ аз болса, эртде орун сал.
- Чомарт къонакъ юй иесин сыйлар.
- Иги сёз – джаннга азыкъ, аман сёз башха – къазыкъ.
- Къонакъ кёб келюучю юйню, къазаны отдан тюшмез.
- Аман адамны тепсинге олтуртсанг, къызынгы тилер.
- Терек ауса, отунчу – кёб.
- Къарнынг тойгъунчу аша да, белинг талгъынчы ишле.
- Гитче джилтин уллу элни джандырыр.
- Билеги кючлю, бирни джыгъар, билими кючлю, мингни джыгъар.
- Чомарт джарлы болмаз.
- Ёксюзню тилеги къабыл болур.
- Акъыл къартда, джашда тюйюлдю – башдады.
- Къан бла кирген, джан бла чыгъар.
- Бюгюн дуния кибик, тамбла ахыратды.
- Рысхысына кёре, джаш ёсер, къышлыгъына кёре, мал ёсер.
- Биреу ашаб къутулур, биреу джалаб тутулур.
Ошибка!
Для просмотра темы введите ваши логин и пароль.Пожалуйста, авторизуйтесь: