- Окъумагъан сокъурду, сокъур ташха абыныр!
- Джол бла сёзню къыйыры джокъ.
- Ишлемеген – тишлемез.
- Къыйынлы джети элге оноу этер.
- Эртде тургъан бла эртде юйленнген сокъуранмаз.
- Сескекли кесин билдирир.
- Тау башында, тау болмаз, джангыз терек, бау болмаз.
- Сангырау къулакъ эл бузар.
- Кёб къычыргъандан – къоркъма, тынч олтургъандан – къоркъ.
- Ачыу алгъа келсе, акъыл артха къалады.
- Ёлген аслан – сау чычхан.
- Айыбны суу бла джууалмазса.
- Тил бла келеди джыр да.
- Таякъ этден ётер, тил сюекден ётер.
- Терек ауса, отунчу – кёб.
- Кёл ашады да, кеси ашады.
- Рысхы джалгъанды: келген да этер, кетген да этер.
- Намыс болмагъан джерде, насыб болмаз.
- Атлыны ашхысы, ат тизгининден билинир
- Атынг аманнга чыкъгъандан эсе, джанынг тамагъынгдан чыкъсын.
- Ишлерге уял да, ашаргъа табма.
- Минг тенг да азды, бир джау да кёбдю.
- Джаным-тиним – окъуу, билим.
- Эл ауузу – элек, анга ийнаннган – халек.
- Биреу ашаб къутулур, биреу джалаб тутулур.
- Ашыкъгъанны этеги бутуна чырмалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ата Джуртун танымагъан, атасын да танымаз.
- Къуллукъчума, деб махтанма, къуллукъ – хаух джамчыды!
- Джумушакъ терекни къурт ашар.
- Ишге юренсин къоллары, халкъ бла болсун джоллары.
- Хата – гитчеден.
- Къулакъдан эсе, кёзге ышан.
- Узун джолну барсанг, бюгюн келирсе, къысха джолну барсанг, тамбла келирсе.
- Рысхы – сют юсюнде кёмюк кибикди.
- Айранын берсенг, челегин да къызгъанма.
- Адеб базарда сатылмаз.
- Кёбню кёрген – кёб билир.
- Аман эсирсе, юйюн ояр.
- Джеринден айырылгъан – джети джылар, джуртундан айырылгъан – ёлгюнчю джылар.
- Ачлыкъ отха секиртир.
- Тай асырагъан, атха минер.
- Нарт сёз къарт болмаз.
- Къарт бла баш аша, джаш бла аякъ аша.
- Къумурсхала джыйылсала, пилни да джыгъадыла.
- Къонакъ кёб келюучю юйню, къазаны отдан тюшмез.
- Берекет берсин деген джерде, берекет болур.
- Бойнуму джети джерден кессенг да, мен ол ишни этеллик тюлме.
- Къанны къан бла джуума, аманны аман бла къуума.
- Билген билмегенни юретген адетди.
Ошибка!
Для просмотра темы введите ваши логин и пароль.Пожалуйста, авторизуйтесь: