- Бети бедерден, намыс сакълама.
- Джашны джигитлиги сорулур, къызны джигерлиги сорулур.
- Иги болса, тамадама – махтау, аман болса, меннге – айыб.
- Айырылмаз джууугъунга, унутмаз сёзню айтма.
- Сёз къанатсыз учар.
- Телиге от эт десенг, юйюнге от салыр.
- Къонагъы джокъну – шоху джокъ.
- Аманны къуугъан, аманлыкъ табар.
- Джашынгы кесинг юретмесенг, джашау юретир.
- Кёзюнде тереги болгъан, чёбю болгъаннга кюле эди.
- Арбаз сайлама да, хоншу сайла.
- Иги адам абынса да, джангылмаз.
- Дуния аламаты сен эсенг да, игиме деб айтма.
- Чакъырылмагъан джерге барма, чакъырылгъан джерден къалма.
- Эр сокъур болсун, къатын тилсиз болсун.
- Тюкюрюк баш джармаз, налат кёз чыгъармаз!
- Мени джылытмагъан кюн, меннге тиймесин!
- Тулпарлыкъ, билекден тюл – джюрекден.
- Къарт бла баш аша, джаш бла аякъ аша.
- Чалманны аллы къалай башланса, арты да алай барады.
- Окъугъанны бети джарыкъ.
- Джылар джаш, атасыны сакъалы бла ойнар.
- Атынг аманнга чыкъгъандан эсе, джанынг тамагъынгдан чыкъсын.
- Адеб джокъда, намыс джокъ.
- Уллу къашыкъ эрин джыртар.
- Эм ашхы къайын ана мамукъ бла башынгы тешер.
- Чёбню кёлтюрсенг, тюбюнден сёз чыгъар.
- Адеб базарда сатылмаз.
- Насыблы элин сюер, насыбсыз кесин сюер.
- Эллинг бла джау болсанг да, юйюнг бла джау болма.
- Джаным-тиним – окъуу, билим.
- Къартны сыйын кёрмеген, къартлыгъында сыйлы болмаз.
- Экиндини кеч къылсанг, чабыб джетер ашхам.
- Иги сёз – джаннга азыкъ, аман сёз башха – къазыкъ.
- Аманны эки битли тону болур, бирин сеннге кийдирир, бирин кеси киер.
- Адеб этмеген, адеб кёрмез.
- Къыз келсе, джумуш эте келеди, къатын келсе, ушакъ эте келеди.
- Адам сёзюнден белгили.
- Къарны аманнга къазан такъдырма, къолу аманнга от джакъдырма.
- Джырына кёре эжиую.
- Игилик игилик бла сингдирилиучю затды.
- Къазанчы аман болса, къазаны къайнамаз.
- Ёнгкюч къууана барыр, джылай келир.
- Кёбню кёрген – кёб билир.
- Ашын ашагъанынгы, башын да сыйла.
- Дженгил джетерикме деб, узун джолну къоюб, къысхасын барма.
- Ашлыкъ – бюртюкден, джюн – тюкден.
- Бастасын ашагъан, хантусун да ичер.
- Айтылгъан буйрукъ, сёгюлмез
- Бети – къучакълар, джюреги – бычакълар.
Ошибка!
Для просмотра темы введите ваши логин и пароль.Пожалуйста, авторизуйтесь: