- Къонакъ болсанг, ийнакъ бол.
- Къыз келсе, джумуш эте келеди, къатын келсе, ушакъ эте келеди.
- Сабий болмагъан джерде, мёлек болмаз.
- Мал ёлсе, сюек къалыр, адам ёлсе, иши къалыр.
- Азыкълы ат арымаз, къатыны аман джарымаз.
- Айранны сюйген, ийнек тутар.
- Байлыкъдан саулукъ ашхыды.
- Билимли ёлмез, билимсиз кёрмез.
- Сакъламагъан затынга джолукъсанг, не бек къууанаса, не бек ачыйса.
- Телини эшигин, махтау джабар.
- Къуллукъчума, деб махтанма, къуллукъ – хаух джамчыды!
- Керти сёзге тёре джокъ.
- Хар сёзню орну барды.
- Къайтырыкъ эшигинги, къаты уруб чыкъма.
- Миллетни бойну – базыкъ, аны бла кюрешген – джазыкъ.
- Тенгни тенглиги джашай барсанг билинир.
- Чомартха Тейри да борчлуду.
- Сёз сёзню айтдырыр.
- Ёлген аслан – сау чычхан.
- Акъыл неден да кючлюдю.
- Билим – акъылны чырагъы.
- Эм уллу байлыкъ – джан саулукъ.
- Ашхы адам – халкъ байлыгъы, ашхы джер – джашау байлыгъы.
- Ач, тоймам, дейди, тойгъан, ач болмам, дейди.
- Кёкдеги болмаса, джердегин кёрмейди.
- Билген билмегенни юретген адетди.
- Чабакъсыз кёлге къармакъ салгъанлыкъгъа, чабакъ тутмазса.
- Аман къатын алгъан, арыр, иги къатын алгъан джарыр.
- Окъ къызбайны джокълайды.
- Джан саулукъ бермей, сан саулукъ бермезсе.
- Окъугъан – асыу, окъумагъан – джарсыу.
- Ашхы атаны – джашы ашхы, ашхы ананы – къызы ашхы.
- Къолунгдан къуймакъ ашатсанг да, атаны борчундан къутулмазса.
- Ач – эснер, ат – кишнер.
- «Ма», - дегенни билмесенг, «бер», - дегенни билмезсе.
- Ариу – кёзге, акъыл – джюрекге.
- Адам боллукъ, атламындан белгили болур.
- Аманны тукъумуна къарама, игини тукъумун сорма.
- Джарлыны эшигин махтагъан джабар.
- Къарнынг бла ёч алма.
- Халкъны юйю – туугъан джери.
- Айтхан сёзюне табылгъан.
- Ариу сёз – къылычдан джити.
- Тёрдеги кюлсе, эшикдеги ышарыр.
- Келинни – келгинчи, бёркню кийгинчи кёр.
- Къарт айтханны этмеген, къартаймаз.
- Джырчы ёлсе, джыры къалыр.
- Джети тилни билген джети кишиди.
- Къартны бурнун сюрт да, оноугъа тут.
- Эм ашхы къайын ана мамукъ бла башынгы тешер.
Ошибка!
Для просмотра темы введите ваши логин и пароль.Пожалуйста, авторизуйтесь: