- Узун джолну барсанг, бюгюн келирсе, къысха джолну барсанг, тамбла келирсе.
- Къыз чыгъаргъан – къызыл къымжа.
- Къарт болгъан джерде, берекет болур, сабий болгъан джерде, оюн болур.
- Чакъырылмагъан къонакъ къачан кетерин сормаз.
- Эр абынмай, эл танымаз.
- Билмегенинги, билгеннге сор.
- Ётген ёмюр – акъгъан суу.
- Бети къызарыучу адамны, джюреги харам болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ашыкъгъанны этеги бутуна чырмалыр.
- Хар адамгъа кеси миннген тау кибик.
- Келлик заман – къартлыкъ келтирир, кетген заман – джашлыкъ ёлтюрюр.
- Мадар болса, къадар болур.
- Накъырда – кертини келечиси.
- Джарашыу сюйген – джалынчакъ.
- Къарнынг бла ёч алма.
- Таш ата билмеген, башына урур.
- Къарнынг тойгъунчу аша да, белинг талгъынчы ишле.
- Ичимден чыкъды хата, къайры барайым сата?
- Этни да ашады, бетни да ашады.
- Чакъырылмагъан къонакъ тёрге атламаз.
- Къартны бурнун сюрт да, оноугъа тут.
- Джети тилни билген джети кишиди.
- Кёл ашады да, кеси ашады.
- Бетинги сатма, малынгы сат.
- Эринчекни эр алмаз, эр алса да, кёл салмаз, кёл салса да, кёб бармаз!
- Юйюнг бла джау болгъандан эсе, элинг бла джау бол.
- Билеги кючлю, бирни джыгъар, билими кючлю, мингни джыгъар.
- Ёзденликни джайгъан – джокълукъ.
- Рысхысына кёре, джаш ёсер, къышлыгъына кёре, мал ёсер.
- Дженгил джетерикме деб, узун джолну къоюб, къысхасын барма.
- Дуния малгъа сатылма, кесингден телиге къатылма.
- Аджалсыз ёлюм болмаз.
- Хар зат кесини орнуна иги.
- Джол бла сёзню къыйыры джокъ.
- Тойгъа алгъа да барма, тойда артха да къалма.
- Ач отунчуну ачыуу – бурнунда.
- Кеси юйюмде мен да ханма.
- Аманнга игилик этсенг, юйюнге сау бармазса.
- Ачлыкъ отха секиртир.
- Ач да бол, токъ да бол – намысынга бек бол.
- Биреуню къыйынлыгъы бла кесинге джол ишлеме.
- Кюлме джашха – келир башха.
- Къолу уллу – асыу, аягъы уллу – джарсыу.
- Аман хансны – урлугъу кёб.
- Къазанда болса, чолпугъа чыгъар.
- Акъыл аздырмаз, билим тоздурмаз.
- Башынга джетмегенни сорма.
- Ёлген эшек бёрюден къоркъмайды.
- Джашны джигитлиги сорулур, къызны джигерлиги сорулур.
Ошибка!
Для просмотра темы введите ваши логин и пароль.Пожалуйста, авторизуйтесь: