- Хар сёзню орну барды.
- Аман къатын сабий табса, бий болур…
- Ач къалгъандан, кеч къалгъан къолай.
- Сёз садакъдан кючлюдю.
- Ишни ахырын ойламай, аллын башлама.
- Дженгил джетерикме деб, узун джолну къоюб, къысхасын барма.
- Чалманны аллы къалай башланса, арты да алай барады.
- Къызгъанчдан ычхыныр, мухардан ычхынмаз.
- Экеулен сёлеше тура эселе, орталарына барыб кирме.
- Зар адам ашынгы ашар, кесинги сатар.
- Ашхы – джыяр, аман – джояр.
- Бастасын ашагъан, хантусун да ичер.
- Сабий болмагъан джерде, мёлек болмаз.
- Ишлегенде эринме, ишде чолакъ кёрюнме.
- Хаухну атма, ёнгкючню сатма.
- Босагъа таш юйге кирмей эди, тыбыр таш эшикге чыкъмай эди.
- Билмезни кёзю кёрмез, этмезни къулагъы эшитмез.
- Тюзню ётмеги тюзде къалса да, тас болмаз.
- Хар ишни да аллы къыйынды.
- Тили узунну, намысы – къысха.
- Къартны бурнун сюрт да, оноугъа тут.
- Эм ашхы къайын ана мамукъ бла башынгы тешер.
- Арба аугъандан сора, джол кёргюзтюучю кёб болур.
- Алим болгъандан эсе, адам болгъан къыйынды.
- Гыдай эчки суугъа къараб, мюйюзле кёрмесе, джашма алкъын, дегенди.
- Баланы адам этген анады.
- Ишлерге уял да, ашаргъа табма.
- Кёл ашады да, кеси ашады.
- Тин – байлыгъынг, терен саулугъунг.
- Атлыны ашхысы, ат тизгининден билинир
- Ана къолу ачытмаз.
- Таукелге нюр джауар.
- Терслик кетер, тюзлюк джетер.
- Тамырсыз терекге таянма – джыгъылырса.
- Арбаз къынгырды да, ийнек сауалмайма.
- Сютден ауузу кюйген, суугъа юфгюре эди.
- Чомартны къолу берекет.
- Окъуусуз билим – джокъ, билимсиз кюнюнг – джокъ.
- Кийимни бир кюнню аясанг, минг кюннге джарар.
- Хар зат кесини орнуна иги.
- Ашхылыкъ джерде джатмайды, аманлыкъ суугъа батмайды.
- Къумурсхала джыйылсала, пилни да джыгъадыла.
- Чакъырылгъанны аты, чакъырылмагъанны багъасы болур.
- Алгъанда – джууукъ, бергенде – джау.
- Къарт айтханны этмеген, къартаймаз.
- Мадар болса, къадар болур.
- Ишлемеген – тишлемез.
- Джумушакъ терекни къурт ашар.
- Тулпарлыкъ, билекден тюл – джюрекден.
- Ауругъан – джашаудан умутчу.
Ошибка!
Для просмотра темы введите ваши логин и пароль.Пожалуйста, авторизуйтесь: