- Хар ишни да аллы къыйынды.
- Кёбден умут этиб, аздан къуру къалма.
- Чакъырылгъанны аты, чакъырылмагъанны багъасы болур.
- Харам къарнашдан, халал тенг ашхы.
- Ёлген ийнек сютлю болур.
- Дуния аламаты сен эсенг да, игиме деб айтма.
- Ат басханны джер билед.
- Адамны аманы адамны бети бла ойнар.
- Аман къатын сабий табса, бий болур…
- Иши джокъну, сыйы джокъ.
- Биреуню эскиси биреуге джангы болмайды.
- От кюйдюрген, сау болса да, тот кюйдюрген, сау болмаз.
- Уллу къашыкъ эрин джыртар.
- Эл ауузу – элия.
- Джарлы джети элни сёзюн этер.
- Экеулен сёлеше тура эселе, орталарына барыб кирме.
- Джаш болсун, къыз болсун, акъылы, саны тюз болсун.
- Окъуу – билимни ачхычы, окъуу – дунияны бачхычы.
- Ашхы сёз таш тешер.
- Акъыллы башны – тили къысха.
- Тели турса – той бузар.
- Рысхы джалгъанды: келген да этер, кетген да этер.
- Ётюрюк хапар аякъ тюбю бла джюрюйдю.
- Бал – татлы, балдан да бала – татлы.
- Керти сёзге тёре джокъ.
- Башы джабылгъан челекге, кир тюшмез.
- Къуру гыбыт бек дыгъырдар.
- Эки элинги тыйсанг, джети элде махталырса.
- Бек ашыкъгъан меннге джетсин, дегенди аракъы.
- Чёбню кёлтюрсенг, тюбюнден сёз чыгъар.
- Тюзню ётмеги тюзде къалса да, тас болмаз.
- Джаханимни кёрмей, джандетге кёл салмазса.
- Джашынгы кесинг юретмесенг, джашау юретир.
- Аман къатын алгъан, арыр, иги къатын алгъан джарыр.
- Элни кючю – эмеген.
- Арбаз къынгырды да, ийнек сауалмайма.
- Кёбге таш атма.
- Тин – байлыгъынг, терен саулугъунг.
- Къазанны башы ачыкъ болса, итге уят керекди.
- Тилчиден кери бол.
- Акъдан къара болмаз.
- Башда акъыл болмаса, эки аякъгъа кюч джетер.
- Тамчы таш тешер.
- Ач, тоймам, дейди, тойгъан, ач болмам, дейди.
- Хар зат кесини орнуна иги.
- Адамны сыфатына къарама, сёзюне къара.
- Кёпюр салгъан кеси ётер, уру къазгъан кеси кетер.
- Мал ёлсе, сюек къалыр, адам ёлсе, иши къалыр.
- Бир онгсуз адам адет чыгъарды, деб эштирик тюлсе.
- Аш кетер да бет къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: