- Сютню башын джалагъан къутулур, тюбюн ичген тутулур.
- Къая джолда джортма, ачыкъ сёзден къоркъма.
- Къуру гыбыт бек дыгъырдар.
- Уллу айтханны этмеген – уллаймаз.
- Ауругъаннга – кийик саулукъ, джетген къызгъа – чилле джаулукъ.
- Бети къызарыучу адамны, джюреги харам болмаз.
- Адебни адебсизден юрен.
- Кесине гебен этелмеген, биреуге черен эте эди.
- Тели турса – той бузар.
- Борчунг бар эсе, хурджунунга ойлаб узал.
- Тамчы таш тешер.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашлыкъны арба юйге келтирир, чана базаргъа элтир.
- Тилсиз миллет джокъ болур.
- Билим къая тешер.
- Къолу уллу – асыу, аягъы уллу – джарсыу.
- Бал – татлы, балдан да бала – татлы.
- Айтхан сёзюне табылгъан.
- Билмейме деген – бир сёз
- Эки элинги тыйсанг, джети элде махталырса.
- Сескекли кесин билдирир.
- Ишлегенде эринме, ишде чолакъ кёрюнме.
- Биреуге кёлтюрген таягъынг, кесинги башынга урур.
- Мал кёб болса, джууукъ кёб болур.
- Болджал ишни бёрю ашар.
- Тил джюрекге джол ишлейди.
- Эл элде бирер малынг болгъандан эсе, бирер тенгинг болсун.
- Гугурук къычырмаса да, тангны атары къалмаз.
- Чалманны аллы къалай башланса, арты да алай барады.
- Биреу къой излей, биреу той излей.
- Ёлмесенг да, къарт дамы болмазса?
- Юреннген ауруу къалмаз.
- Нарт сёз къарт болмаз.
- Айран ичген – къутулду, джугъусун джалагъан – тутулду.
- Ачлыкъда тары гырджын халыуадан татлы.
- Къонакъны къачан кетерин сорма, къачан келлигин сор.
- Джолда аягъынга сакъ бол, ушакъда тилинге сакъ бол.
- Гугук кесини атын айтыб къычыргъанча, мен, мен деб нек тураса?
- Къыйынлы джети элни къайгъысын этер.
- Ашына кёре табагъы, балына кёре къалагъы.
- Ишлерге уял да, ашаргъа табма.
- Гыдай эчки суугъа къараб, мюйюзле кёрмесе, джашма алкъын, дегенди.
- Бойнуму джети джерден кессенг да, мен ол ишни этеллик тюлме.
- Аманнга алтын чыдамаз.
- Алтыннга тот къонмаз.
- Сабий кёргенин унутмаз.
- Урунуу – насыбны анасы.
- Алгъанда – джууукъ, бергенде – джау.
- Ашхы болсанг, атынг чыгъар, аман болсанг, джанынг чыгъар.
- Ата Джуртуму башы болмасам да, босагъасында ташы болайым.
Ошибка!
Для просмотра темы введите ваши логин и пароль.Пожалуйста, авторизуйтесь: