- Аман адам элни бир-бирине джау этер.
- Сибиртки да сыйлы болду, кюрек да кюнлю болду.
- Сёз садакъдан кючлюдю.
- Игилик игилик бла сингдирилиучю затды.
- Мал ёлсе, сюек къалыр, адам ёлсе, иши къалыр.
- Ашарыкъда сайлагъаннга – чий гырджын.
- Рысхысына кёре, джаш ёсер, къышлыгъына кёре, мал ёсер.
- Джаханимни кёрмей, джандетге кёл салмазса.
- Адамны аманы адамны бети бла ойнар.
- Мадар болса, къадар болур.
- Ашхы адам – халкъ байлыгъы, ашхы джер – джашау байлыгъы.
- Аякъларынгы джууургъанынга кёре узат.
- Суу ичген шауданынга тюкюрме.
- Биреуге аманлыкъ этиб, кесинге игилик табмазса.
- Къарнынг бла ёч алма.
- Ёлген эшек бёрюден къоркъмайды.
- Тамбла алтындан бюгюн багъыр ашхы.
- Байлыкъ болгъан джерде, тынчлыкъ джокъду.
- Адамны адамлыгъы къыйынлыкъда айгъакъланады.
- Эр сокъур болсун, къатын тилсиз болсун.
- Байлыкъ тауусулур, билим тауусулмаз.
- Уллу къашыкъ эрин джыртар.
- Кёбню кёрген – кёб билир.
- Къралынгы – душмандан, башынгы от бла суудан сакъла.
- Сютден ауузу кюйген, суугъа юфгюре эди.
- Сууда джау джокъ, кёб сёзде магъана джокъ.
- Къарнынг къанлынга кийирир.
- Экиндини кеч къылсанг, чабыб джетер ашхам.
- Джерни букъусу кёкге къонмаз.
- Гугурук къычырмаса да, тангны атары къалмаз.
- Чакъырылмагъан къонакъ къачан кетерин сормаз.
- Ауругъаннга – кийик саулукъ, джетген къызгъа – чилле джаулукъ.
- Суу да къайтады чыкъгъан джерине.
- Къызны минг тилер, бир алыр.
- Акъылсызны джууукъгъа алма, акъыллыны кенгнге салма.
- Тил – кесген бычакъ, сёз – атылгъан окъ.
- Бермеген къол, алмайды.
- Ариу сёз – къылычдан джити.
- Татлы тилде – сёз ариу, чемер къолда – иш ариу.
- Айтханы чапыракъдан ётмеген.
- Ауузу бла къуш тута айланады.
- Эртде тургъан бла эртде юйленнген сокъуранмаз.
- Аурууну келиую тынч, кетиую – къыйын.
- Бичгенде ашыкъма, тикгенде ашыкъ.
- Сакъ юйюне сау барыр.
- Этим кетсе да, сюегим къалыр.
- Сабий кёргенин унутмаз.
- Ачыу алгъа келсе, акъыл артха къалады.
- Акъдан къара болмаз.
- Чыкълы кюнде чыкъмагъан, чыкъса къуру кирмеген.
Ошибка!
Для просмотра темы введите ваши логин и пароль.Пожалуйста, авторизуйтесь: