- Нёгер болсанг, тенг бол, тенг болмасанг, кенг бол.
- Ата Джуртун танымагъан, атасын да танымаз.
- Игини сыйлагъан адетди.
- Джыйырма къойну юч джыйырма эбзе кюте эди.
- Ач бёрюге мекям джокъ.
- Билимли ёлмез, билимсиз кёрмез.
- Ариу сёз – къылычдан джити.
- Джаралыны джастыгъында сау ёлюр.
- Ач уят къоймаз.
- Келинни – келгинчи, бёркню кийгинчи кёр.
- Тил бла келеди джыр да.
- Босагъа таш юйге кирмей эди, тыбыр таш эшикге чыкъмай эди.
- Къанны къан бла джуума, аманны аман бла къуума.
- Аджаллыгъа окъсуз шкок атылыр.
- Къарнынг тойгъунчу аша да, белинг талгъынчы ишле.
- Ханы къызы буюгъа-буюгъа киштик болду.
- Сормай – алма, чакъырылмай – барма.
- Тюзню ётмеги тюзде къалса да, тас болмаз.
- Аууздан келген, къолдан келсе, ким да патчах болур эди.
- Баш болса, бёрк табылыр.
- Джашынгы кесинг юретмесенг, джашау юретир.
- Таякъ этден ётер, тил сюекден ётер.
- Эри аманны, къатыны – аман.
- Адам къыйынлыгъын кёлтюрюр, зауукълугъун кёлтюрмез.
- Мухарны эси – ашарыкъда.
- Аз айтсам, кёб ангылагъыз.
- Ашаса, ашамаса да, бёрюню ауузу – къан.
- Урама да – ёледи, сатама да – келеди.
- Ариу сёзде ауруу джокъ.
- Алтыда кюлмеген, алтмышда кюлмез.
- Экеу тутушса, биреу джыгъылыр.
- Бал ашаргъа сюе эсенг, чибин ургъаннга тёз.
- Ёлюк кебинсиз къалмаз.
- Алтыннга тот къонмаз.
- Накъырданы арты керти болур.
- Окъумагъан сокъурду, сокъур ташха абыныр!
- Уллу сёлешме да, уллу къаб.
- Къарт бла баш аша, джаш бла аякъ аша.
- Кёлю джокъну – джолу джокъ.
- Ашын ашагъанынгы, башын да сыйла.
- Джарашыу сюйген – джалынчакъ.
- Билгенни къолу къарны джандырыр.
- Ёлген ийнек сютлю болур.
- Илму – джашауну джолу.
- Джарлы тюеге минсе да, ит къабар.
- Чабакъ башындан чирийди.
- Сагъыш – къартлыкъгъа сюйюмчю.
- Махтаннган къыз, тойда джукълар.
- Айырылмаз джууугъунга, унутмаз сёзню айтма.
- Кёл – къызбай, къол – батыр.
Ошибка!
Для просмотра темы введите ваши логин и пароль.Пожалуйста, авторизуйтесь: