- Мухардан ач ычхынмаз.
- Аман хансны – урлугъу кёб.
- Аууз сакълагъан – джан сакълар.
- Бойнуму джети джерден кессенг да, мен ол ишни этеллик тюлме.
- Сабий кёргенин унутмаз.
- Къозулугъунда тоймагъан, къойлугъунда тоймаз.
- Татлы тилде – сёз ариу, чемер къолда – иш ариу.
- Кёзюнде тереги болгъан, чёбю болгъаннга кюле эди.
- Урама да – ёледи, сатама да – келеди.
- Эки къатын алгъанны къулагъы тынгнгаймаз.
- Адамгъа аман кюн соруб келмейди.
- Джерни букъусу кёкге къонмаз.
- Аджашхан тёгерек айланыр.
- Айыбны суу бла джууалмазса.
- Сёз сёзню айтдырыр.
- Акъыл сабырлыкъ берир.
- Ач уят къоймаз.
- Уллу сёзде уят джокъ.
- Байны оноуу, джарлыгъа джарамаз.
- Тил бла келеди джыр да.
- Чабакъсыз кёлге къармакъ салгъанлыкъгъа, чабакъ тутмазса.
- Къан бла кирген, джан бла чыгъар.
- Рысхы – насыбха къор.
- Джетген къыз джерли эшекни танымаз.
- Болджал ишни бёрю ашар.
- Ётюрюкню къуйругъу – бир тутум.
- Дуния мал дунияда къалады.
- Халкъны юйю – туугъан джери.
- Джыгъылгъанны сырты джерден тоймаз.
- Аш кетер да бет къалыр.
- Биреуге аманлыкъ этиб, кесинге игилик табмазса.
- Эринчекни аурууу – кёб.
- Алгъанда – джууукъ, бергенде – джау.
- Мураты болгъанны джюрек тебюую башхады.
- Айраннга суу къош, телиге джол бош.
- Джукъу тёшек сайламайды.
- Байлыкъ тауусулур, билим тауусулмаз.
- Адамны аманы адамны бети бла ойнар.
- Тыш элде солтан болгъандан эсе, кесинги элде олтан болгъан игиди!
- Адам къаллай бир ишленмесе, аллай бир кесин уллу кёреди.
- Аллахдан тилесенг, кёб тиле.
- Огъурлуну сёзю – суу, огъурсузну сёзю – уу.
- Джарлы эскисин джамаса, къууаныр.
- Джашлыкъ этмеген, башлыкъ этмез.
- Зар адам ашынгы ашар, кесинги сатар.
- Ачлыкъда тары гырджын халыуадан татлы.
- Терек ауса, отунчу – кёб.
- Иги – алгъыш этер, аман – къаргъыш этер.
- Джыланны къуйругъундан басарынг келсе, аны башы болгъанын унутма.
- Эркишини аманы тиширыуну джылатыр.
Ошибка!
Для просмотра темы введите ваши логин и пароль.Пожалуйста, авторизуйтесь: