- Эркишиге тары кебек танг кёрюнюр.
- Ата джурт – алтын бешик.
- Адамны бетине къарама, адетине къара.
- Джаралыны джастыгъында сау ёлюр.
- Акъыллы башны – тили къысха.
- Адам туугъан джеринде, ит тойгъан джеринде.
- Аз айтсам, кёб ангылагъыз.
- Чомарт къонакъ юй иесин сыйлар.
- Ариу джол аджал келтирмез.
- Азыгъы аз, алгъа къабар, аты аман, алгъа чабар.
- Сагъыш – къартлыкъгъа сюйюмчю.
- Ачыу алгъа келсе, акъыл артха къалады.
- Ёзденликни кёбю ётюрюк.
- Келгинчи, къонакъ уялыр, келгенден сора, къонакъбай уялыр.
- Джылкъыдан – ат чыгъар, тукъумдан – джаш чыгъар.
- Кийим тукъум сордурур.
- Джарлыны тону джаз битер.
- Къартны сыйын кёрмеген, къартлыгъында сыйлы болмаз.
- Дууулдаса – бал чибин, къонса – къара чибин.
- Келлик заман – къартлыкъ келтирир, кетген заман – джашлыкъ ёлтюрюр.
- Сангырау къулакъ эл бузар.
- Эринчекге кюн узун.
- Къолу уллу – асыу, аягъы уллу – джарсыу.
- Баланы адам этген анады.
- Тиширыусуз юй – отсуз от джагъа.
- Уллу суу бла уллу ауруудан башынгы сакъла.
- Болджал ишни бёрю ашар.
- Эр абынмай, эл танымаз.
- Алгъанда – джууукъ, бергенде – джау.
- Джерни букъусу кёкге къонмаз.
- Джашда акъыл джокъ, къартда къарыу джокъ.
- Джетген къыз джерли эшекни танымаз.
- Тилчи бир сагъатха айлыкъ хата этер.
- Тенгинг джокъ эсе – изле, бар эсе – сакъла!
- Ариу сёзде ауруу джокъ.
- Кесинг сынамагъан затны, адамгъа буюрма.
- Юйюнгден чыкъдынг – кюнюнгден чыкъдынг.
- Къар – келтирди, суу – элтди.
- Арба аугъандан сора, джол кёргюзтюучю кёб болур.
- Эртде тургъан бла эртде юйленнген сокъуранмаз.
- Юйлю уругъа ит чабмаз.
- Уллу къашыкъ эрин джыртар.
- Аджашханны ызындагъы кёреди, джангылгъанны джанындагъы биледи.
- Кёзю сокъурдан – къоркъма, кёлю сокъурдан – къоркъ.
- Телини эшигин, махтау джабар.
- Ёнгкюч къууана барыр, джылай келир.
- Этек чакъмакълары баш джаргъан, сёлешген сёзлери таш джаргъан.
- Ётюрюкден тюбю джокъ, кёлтюрюрге джиби джокъ.
- Эрине къаргъыш этген къатын, эрнин къабар.
- Къуллукъчума, деб махтанма, къуллукъ – хаух джамчыды!
Ошибка!
Для просмотра темы введите ваши логин и пароль.Пожалуйста, авторизуйтесь: