- Къайгъыны сюйген, къайгъы табар.
- Ашха уста, юйюнде болсун
- Ишленмеген джаш – джюгенсиз ат, ишленмеген къыз – тузсуз хант.
- Иги болса, тамадама – махтау, аман болса, меннге – айыб.
- Эри аманны, къатыны – аман.
- Атлыны кёрсе, джаяуну буту талыр.
- Аджашхан тёгерек айланыр.
- Чабакъгъа акъыл, табагъа тюшсе келеди.
- Кесине оноу эте билмеген, халкъына да эте билмез.
- Джылкъыдан – ат чыгъар, тукъумдан – джаш чыгъар.
- Айтылгъан буйрукъ, сёгюлмез
- Кюл тюбюндеги от кёрюнмейди.
- Джаралыны джастыгъында сау ёлюр.
- Ишин билген, аны сыйын чыгъарады.
- Адамны аты башхача, акъылы да башхады.
- Билеги кючлю, бирни джыгъар, билими кючлю, мингни джыгъар.
- Къайтырыкъ эшигинги, къаты уруб чыкъма.
- Кийимни бир кюнню аясанг, минг кюннге джарар.
- Тыш элде солтан болгъандан эсе, кесинги элде олтан болгъан игиди!
- Къонакъ аз олтурур, кёб сынар.
- Къарнынг бла ёч алма.
- Аш хазыр болса, иш харам болур.
- Намысы джокъну – дуниясы джокъ.
- Айтханы чапыракъдан ётмеген.
- Кёкдеги болмаса, джердегин кёрмейди.
- Киштикге къанат битсе, чыпчыкъ къалмаз эди.
- Аз сёлешген, къайгъысыз турур.
- Босагъа таш юйге кирмей эди, тыбыр таш эшикге чыкъмай эди.
- Аш иеси бла татлыды.
- Ана кёлю – балада, бала кёлю – талада.
- Чакъырылмагъан къонакъ тёрге атламаз.
- Айран ичген – къутулду, джугъусун джалагъан – тутулду.
- Башынга джетмегенни сорма.
- Хар ишни да аллы къыйынды.
- Джырына кёре эжиую.
- Акъыл аздырмаз, билим тоздурмаз.
- Аманны тукъумуна къарама, игини тукъумун сорма.
- Арба аугъандан сора, джол кёргюзтюучю кёб болур.
- Окъумагъан сокъурду, сокъур ташха абыныр!
- Тёрени джагъы джокъ.
- Джарлы эскисин джамаса, къууаныр.
- Бал чибинни ургъаны – ачы, балы – татлы.
- Кёлсюзден сёзсюз тууар.
- Айырылмаз джууугъунга, унутмаз сёзню айтма.
- Къралынгы – душмандан, башынгы от бла суудан сакъла.
- Ариу сёзде ауруу джокъ.
- Джыгъылгъанны сырты джерден тоймаз.
- Сормай – алма, чакъырылмай – барма.
- Аман къатын сабий табса, бий болур…
- Иги адам абынса да, джангылмаз.
Ошибка!
Для просмотра темы введите ваши логин и пароль.Пожалуйста, авторизуйтесь: