- Кирсизни – саны таза, халалны – къаны таза.
- Окъумагъан сокъурду, сокъур ташха абыныр!
- Кёб къычыргъандан – къоркъма, тынч олтургъандан – къоркъ.
- Мени джылытмагъан кюн, меннге тиймесин!
- Къобан да къуру да къобханлай турмайды, адам да къуру да патчахлай турмайды.
- Уллу сёзде уят джокъ.
- Биреуню къыйынлыгъы бла кесинге джол ишлеме.
- Чабакъ башындан чирийди.
- Акъыл бла адеб эгизледиле.
- Аджал соруб келмез, келсе, къайтыб кетмез.
- Эл тойса, тоймагъан, эл къойса, къоймагъан.
- Шайтан алдады, тюзлюк къаргъады.
- Сыфатында болмагъаны, суратында болмаз.
- Джарлы эскисин джамаса, къууаныр.
- Хансыз джомакъ болмаз.
- Тюз сёз баргъан сууну тыяр.
- Эл бла кёргенинг эрелей.
- Акъыл сабырлыкъ берир.
- Азыкълы ат арымаз, къатыны аман джарымаз.
- Тойну къарнашы – харс, джырны къарнашы – эжиу.
- Ашхы адам – халкъ байлыгъы, ашхы джер – джашау байлыгъы.
- Иги джашны ышаны – аз сёлешиб, кёб тынгылар.
- Мал ёлсе, сюек къалыр, адам ёлсе, иши къалыр.
- Тил бла келеди джыр да.
- Ариу сёз – къылычдан джити.
- Рысхы джалгъанды: келген да этер, кетген да этер.
- Кёлсюзден сёзсюз тууар.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бет бетге къараса, бет да джерге къарар.
- Ойнай билмеген, оюн бузар.
- Тойгъан джерден туугъан джер игиди.
- Тулпарлыкъ, билекден тюл – джюрекден.
- Бети – къучакълар, джюреги – бычакълар.
- Чомартны къолу берекет.
- Уясында не кёрсе, учханында аны этер.
- Дуния малгъа сатылма, кесингден телиге къатылма.
- Къызын тута билмеген, тул этер, джашын тута билмеген, къул этер.
- Къаллай салам берсенг, аллай джууаб алырса.
- Чоюнну башы ачыкъ болса, итге уят керекди.
- Кёрмегеннге кебек – танг, битмегеннге сакъал – танг.
- Юре билмеген ит, къонакъ келтирир.
- Ауузу бла къуш тута айланады.
- Билгенни къолу къарны джандырыр.
- Мухардан ач ычхынмаз.
- Юреннген ауруу къалмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Миллетни бойну – базыкъ, аны бла кюрешген – джазыкъ.
- Ач келгенни – тойдур, кеч келгенни – къондур.
- Оюмсуз атлагъан, аджалсыз ёлюр.
- Рысхысына кёре, джаш ёсер, къышлыгъына кёре, мал ёсер.
Ошибка!
Для просмотра темы введите ваши логин и пароль.Пожалуйста, авторизуйтесь: