- Кёбден умут этиб, аздан къуру къалма.
- Уллу атлама – абынырса, уллу къабма – къарылырса.
- Аз сёлешген, къайгъысыз турур.
- Ойнай-ойнай кёз чыгъар.
- Ёлмесенг да, къарт дамы болмазса?
- Ата Джуртуму башы болмасам да, босагъасында ташы болайым.
- Иги болса, тамадама – махтау, аман болса, меннге – айыб.
- Агъач халкъгъа алтынды, иссиликге салкъынды.
- Ат да турмайды бир териде.
- Эли джокъну – кёлю джокъ.
- Билими азны – ауузунда кирит.
- Намысы джокъну – дуниясы джокъ.
- Ёксюзню къалачы уллу кёрюнюр.
- Байдан умут эте, джарлыдан ёгюз багъасы къорады.
- Суугъа – таянма, джаугъа – ийнанма.
- Къыз келсе, джумуш эте келеди, къатын келсе, ушакъ эте келеди.
- Эшекге миннген – биринчи айыб, андан джыгъылгъан – экинчи айыб.
- Агъач – джерни чырайы, кийим – эрни чырайы.
- Этни бети бла шорпасы.
- Билимсиз иш бармаз.
- Кесинг сынамагъан затны, адамгъа буюрма.
- Насыб бютеу халкъны юлюшюдю.
- Суу кетер, таш къалыр.
- Ач бёрюге мекям джокъ.
- Джаз бир кюнню джатсанг, къыш талай кюнню абынырса.
- Чакъырылмагъан джерге барма, чакъырылгъан джерден къалма.
- Окъдан джара эртде-кеч болса да бителир, сёз джара, ёмюрге къалыр.
- Билген билмегенни юретген адетди.
- Кесине оноу эте билмеген, халкъына да эте билмез.
- Джарлы эскисин джамаса, къууаныр.
- Элиб деген, элге болушур.
- Байлыкъ болгъан джерде, тынчлыкъ джокъду.
- Кёбге таш атма.
- Чарсда алчыны эл кёреди.
- Намыс болмагъан джерде, насыб болмаз.
- Ач уят къоймаз.
- Къарт бла баш аша, джаш бла аякъ аша.
- Ашда уялгъан – мухар, ишде уялгъан – хомух.
- Насыблы элин сюер, насыбсыз кесин сюер.
- Тилчи бир сагъатха айлыкъ хата этер.
- Джырына кёре эжиую.
- Эл элде бирер малынг болгъандан эсе, бирер тенгинг болсун.
- Тойгъа барсанг, тоюб бар, эски тонунгу къоюб бар.
- Бал ашаргъа сюе эсенг, чибин ургъаннга тёз.
- Къобан да къуру да къобханлай турмайды, адам да къуру да патчахлай турмайды.
- Джигер – джаннга къыйынлыкъ.
- Юйлю уругъа ит чабмаз.
- Болджал ишни бёрю ашар.
- Ана кёлю – балада, бала кёлю – талада.
- Биреу къой излей, биреу той излей.
Ошибка!
Для просмотра темы введите ваши логин и пароль.Пожалуйста, авторизуйтесь: