- Ишленмеклик адамлыкъды.
- Бетинги сатма, малынгы сат.
- Ауурну тюбю бла, дженгилни башы бла джюрюген.
- Тели турса – той бузар.
- Чомарт джарлы болмаз.
- Чомарт бергенин айтмаз.
- Мал ёлсе, сюек къалыр, адам ёлсе, иши къалыр.
- Намысы болмагъанны, сыйы болмаз.
- Баланы адам этген анады.
- Ариу джол аджал келтирмез.
- Кимни – тили, тиши онглу, кимни – къолу, иши онглу.
- Ач отунчуну ачыуу – бурнунда.
- Биреуню эскиси биреуге джангы болмайды.
- Айран тёгюлсе, джугъусу къалыр.
- Чомарт къолда мал къалмаз.
- Акъыл бла адеб эгизледиле.
- Ач келгенни – тойдур, кеч келгенни – къондур.
- Эринчекни эр алмаз, эр алса да, кёл салмаз, кёл салса да, кёб бармаз!
- Гугурук къычырмаса да, тангны атары къалмаз.
- Бек анасы джыламаз.
- Кютгени беш эчки, сызгъыргъаны уа, джерни джарады.
- Аманны къуугъан, аманлыкъ табар.
- Эл ауузу – элек, анга ийнаннган – халек.
- Чакъырылмагъан къонакъ тёрге атламаз.
- Мухардан ач ычхынмаз.
- Ачылгъан эт джабылыр, кёрген кёз унутмаз.
- Уллу къазанда бишген эт, чий къалмаз.
- Борчунг бар эсе, хурджунунга ойлаб узал.
- Джогъун бар этген, барын бал этген.
- Акъылсызны джууукъгъа алма, акъыллыны кенгнге салма.
- Чомарт къонакъ юй иесин сыйлар.
- Къонакъ хазыр болгъанлыкъгъа, къонакъбай хазыр тюлдю.
- Хунаны тюбюн къазсанг, юсюнге ауар.
- Бюгюн дуния кибик, тамбла ахыратды.
- Эркиши – от, тиширыу – суу.
- Ата – билек, ана – джюрек!
- Эллинг бла джау болсанг да, юйюнг бла джау болма.
- Аман адам элни бир-бирине джау этер.
- Адеб базарда сатылмаз.
- Этек чакъмакълары баш джаргъан, сёлешген сёзлери таш джаргъан.
- Биреу къой излей, биреу той излей.
- Билимсиз иш бармаз.
- Тойгъанлыкъ къойгъа джарашады.
- Эм ашхы къайын ана мамукъ бла башынгы тешер.
- Таукел тауну аудурур.
- Киштикге къанат битсе, чыпчыкъ къалмаз эди.
- Чабар ат – джетген къыз.
- Таукел къуру къалмаз.
- Башы ишлегенни, ауузу да ишлер.
- Тынгылагъан тынгы бузар.
Ошибка!
Для просмотра темы введите ваши логин и пароль.Пожалуйста, авторизуйтесь: