- Аз сёлеш, кёб ишле.
- Айран ичген – къутулду, джугъусун джалагъан – тутулду.
- Ариу сёз – джаннга азыкъ, аман сёз – башха къазыкъ.
- Къазанны башы ачыкъ болса, итге уят керекди.
- Намысы джокъну – дуниясы джокъ.
- Ашхы – джыяр, аман – джояр.
- Акъыллы эркиши атын махтар, акъылсыз эркиши къатынын махтар.
- Тамбла алтындан бюгюн багъыр ашхы.
- Уясында не кёрсе, учханында аны этер.
- Бир абыннган – минг сюрюнюр.
- Орну джокъну – сыйы джокъ.
- Ашлыкъны арба юйге келтирир, чана базаргъа элтир.
- Дуния малгъа сатылма, кесингден телиге къатылма.
- Окъ къызбайны джокълайды.
- Кюн – узун, ёмюр – къысха.
- Тёрде – темир таякълы, къаяда – чыпчыкъ аякълы.
- Джерни букъусу кёкге къонмаз.
- Чакъырылмагъан къонакъ тёрге атламаз.
- Къыйынлы джети элге оноу этер.
- Биреуню эскиси биреуге джангы болмайды.
- Окъугъан – асыу, окъумагъан – джарсыу.
- Нёгерсизни джолу узун.
- Ашхы сёз таш тешер.
- Башсыз урчукъ тюзюне айланмаз.
- Атадан ёксюз – бир ёксюз, анадан ёксюз – эки ёксюз.
- Ашыкъгъанны этеги бутуна чырмалыр.
- Билимсиз иш бармаз.
- Ашхы болсанг, атынг чыгъар, аман болсанг, джанынг чыгъар.
- Ашхы тенг джолгъа салыр, аман тенг джолдан тайдырыр.
- Юреннген ауруу къалмаз.
- Джаш къарыу бла кючлю, къарт акъыл бла кючлю.
- Оюмсуз атлагъан, аджалсыз ёлюр.
- Дуния мал дунияда къалады.
- Ишленмеген джаш – джюгенсиз ат, ишленмеген къыз – тузсуз хант.
- Кёбге таш атма.
- Къуру гыбыт бек дыгъырдар.
- Тойгъандан сора, ашны сёкме.
- Кесине гебен этелмеген, биреуге черен эте эди.
- Чомартха Тейри да борчлуду.
- Эркишини аманы тиширыуну джылатыр.
- Элиб деген, элге болушур.
- Ашхы атаны – джашы ашхы, ашхы ананы – къызы ашхы.
- Джогъун бар этген, барын бал этген.
- Аш кетер да бет къалыр.
- Айырылмаз джууугъунга, унутмаз сёзню айтма.
- Джарлы тюеге минсе да, ит къабар.
- Эринчекге кюн узун.
- Къарнынг къанлынга кийирир.
- Эки ойлашыб, бир сёлешген.
- Сабий кёргенин унутмаз.
Ошибка!
Для просмотра темы введите ваши логин и пароль.Пожалуйста, авторизуйтесь: