- Алим болгъандан эсе, адам болгъан къыйынды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Суу кетер, таш къалыр.
- Дууулдаса – бал чибин, къонса – къара чибин.
- Кёб къычыргъандан – къоркъма, тынч олтургъандан – къоркъ.
- Къозулугъунда тоймагъан, къойлугъунда тоймаз.
- Билимден уллу байлыкъ джокъду.
- Кёзю сокъурдан – къоркъма, кёлю сокъурдан – къоркъ.
- Аман къатын алгъан, арыр, иги къатын алгъан джарыр.
- Билим – акъылны чырагъы.
- Джылыгъа джылан илешир.
- Эркишиге тары кебек танг кёрюнюр.
- Акъыл сабырлыкъ берир.
- Ашхы сёз таш тешер.
- Элге къуллукъ этмеген, элге ие болмаз.
- Чыбыкълыкъда бюгюлмеген, къазыкълыкъда бюгюлмей эди.
- Байма, деб да, къууанма, джарлыма, деб да, джылама.
- Къоркъакъны кёзю экили кёрюр.
- Джумушакъ сёз къаты таякъны сындырыр.
- Къыйынлы джети элге оноу этер.
- Къарнынг бла ёч алма.
- Эки итни арасына сюек атма, эки адамны арасында сёз чыгъарма.
- Чабакъсыз кёлге къармакъ салгъанлыкъгъа, чабакъ тутмазса.
- Ойнаб айтсанг да, эслеб айт.
- Джангызны оту джарыкъ джанмаз!
- Бек ашыкъгъан меннге джетсин, дегенди аракъы.
- Игилик игилик бла сингдирилиучю затды.
- Ариу джол аджал келтирмез.
- Насыблы элин сюер, насыбсыз кесин сюер.
- Тёзгеннге, джабылгъан эшик ачылыр.
- Сыфатында болмагъаны, суратында болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Баш – акъыл ючюн, акъылман – халкъ ючюн.
- Ёзденликни кёбю ётюрюк.
- Азыгъы аз, алгъа къабар, аты аман, алгъа чабар.
- Урунуу – насыбны анасы.
- Къралынгы – душмандан, башынгы от бла суудан сакъла.
- Тамчы таш тешер.
- Къалгъан ишге къар джауар.
- Айран тёгюлсе, джугъусу къалыр.
- Сабийликде юретмесенг, уллу болса – тюзелмез.
- Киштикге къанат битсе, чыпчыкъ къалмаз эди.
- Эки ойлашыб, бир сёлешген.
- Хантына кёре тузу, юйюне кёре къызы.
- Къыз чыгъаргъан – къызыл къымжа.
- От кюйдюрген, сау болса да, тот кюйдюрген, сау болмаз.
- Урама да – ёледи, сатама да – келеди.
- Аманны къуугъан, аманлыкъ табар.
- Босагъагъа джууукъ орун болса, ашыгъыб тёрге озма.
- Кютгени беш эчки, сызгъыргъаны уа, джерни джарады.
Ошибка!
Для просмотра темы введите ваши логин и пароль.Пожалуйста, авторизуйтесь: