- Сёз къанатсыз учар.
- Тойгъанлыкъ къойгъа джарашады.
- Ач – эснер, ат – кишнер.
- Уллу сёзде уят джокъ.
- Чомартны къолун джокълукъ байлар.
- Бал ашаргъа сюе эсенг, чибин ургъаннга тёз.
- Къолунгдан къуймакъ ашатсанг да, атаны борчундан къутулмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эм ашхы къайын ана мамукъ бла башынгы тешер.
- Халкъны юйю – туугъан джери.
- Керти сёзге тёре джокъ.
- Этни бети бла шорпасы.
- Арпа, будай – ащды, алтын, кюмюш а – ташды.
- Джылар джаш, атасыны сакъалы бла ойнар.
- Кюл тюбюндеги от кёрюнмейди.
- Окъуу – билимни ачхычы, окъуу – дунияны бачхычы.
- Хар ишни да аллы къыйынды.
- Огъурлуну сёзю – суу, огъурсузну сёзю – уу.
- Экиндини кеч къылсанг, чабыб джетер ашхам.
- Телини эшигин, махтау джабар.
- Элге къуллукъ этмеген, элге ие болмаз.
- Гугурук къычырмаса да, тангны атары къалмаз.
- Артына баргъанны, къатына барма.
- Сёз – кюмюш, джыр – алтын.
- Танг атмайма десе да, кюн къоярыкъ тюйюлдю.
- Эри аманны, къатыны – аман.
- Суу ичген шауданынга тюкюрме.
- Биреуге кёлтюрген таягъынг, кесинги башынга урур.
- Байлыкъ тауусулур, билим тауусулмаз.
- Къарнынг къанлынга кийирир.
- Баш болса, бёрк табылыр.
- Ёлген ийнек сютлю болур.
- Къыз келсе, джумуш эте келеди, къатын келсе, ушакъ эте келеди.
- Ётюрюкден тюбю джокъ, кёлтюрюрге джиби джокъ.
- Иги адамны бир сёзю эки болмаз.
- Джангыз торгъай джырламаз.
- Къызын тута билмеген, тул этер, джашын тута билмеген, къул этер.
- Башсыз урчукъ тюзюне айланмаз.
- Акъылсызны джууукъгъа алма, акъыллыны кенгнге салма.
- Чабакъгъа акъыл, табагъа тюшсе келеди.
- Хазыр ашха – терен къашыкъ.
- Ашха уста, юйюнде болсун
- Ишлегенде эринме, ишде чолакъ кёрюнме.
- Билген билмегенни юретген адетди.
- Азыкъ аз болса, эртде орун сал.
- Ишни аллы бла къууанма да, арты бла къууан.
- Атадан ёксюз – бир ёксюз, анадан ёксюз – эки ёксюз.
- Иши джокъну, сыйы джокъ.
- Айранны сюйген, ийнек тутар.
- Туз, гырджын аша, тюзлюк бла джаша.
Ошибка!
Для просмотра темы введите ваши логин и пароль.Пожалуйста, авторизуйтесь: