- Окъумагъан сокъурду, сокъур ташха абыныр!
- Джарлыны эшигин махтагъан джабар.
- Билмейме деген – бир сёз
- Ауузу аманнга «иги», деме.
- Ётюрюкден тюбю джокъ, кёлтюрюрге джиби джокъ.
- Тин – байлыгъынг, терен саулугъунг.
- Зар адам ашынгы ашар, кесинги сатар.
- Керилген да, ургъан кибикди.
- Ачыу алгъа келсе, акъыл артха къалады.
- Тойну къарнашы – харс, джырны къарнашы – эжиу.
- Иги – алгъыш этер, аман – къаргъыш этер.
- Тау башында, тау болмаз, джангыз терек, бау болмаз.
- Атлыны кёрсе, джаяуну буту талыр.
- Шайтан алдады, тюзлюк къаргъады.
- Элге къуллукъ этмеген, элге ие болмаз.
- Къайтырыкъ эшигинги, къаты уруб чыкъма.
- Къарнынг тойгъунчу аша да, белинг талгъынчы ишле.
- Джюз элде джюз ёгюзюм болгъандан эсе, джюз джууугъум болсун.
- Эркиши – от, тиширыу – суу.
- Аджашхан тёгерек айланыр.
- Окъуу – билимни ачхычы, окъуу – дунияны бачхычы.
- Ашхы атаны – джашы ашхы, ашхы ананы – къызы ашхы.
- Узун джолну барсанг, бюгюн келирсе, къысха джолну барсанг, тамбла келирсе.
- Билмезни кёзю кёрмез, этмезни къулагъы эшитмез.
- Адам сёзюнден белгили.
- Айтханы чапыракъдан ётмеген.
- Джашынгы кесинг юретмесенг, джашау юретир.
- Башы ишлегенни, ауузу да ишлер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къарын къуру болса, джюрек уру болур.
- Эри аманны, къатыны – аман.
- Чалманны аллы къалай башланса, арты да алай барады.
- Эм ашхы къайын ана мамукъ бла башынгы тешер.
- Тёгюлген тюгел джыйылмайды.
- Къыз тиширыу кеси юйюнде да къонакъды.
- Чомартха Тейри да борчлуду.
- Чомарт бергенин айтмаз.
- Ач бёрюге мекям джокъ.
- Джангызны оту джарыкъ джанмаз!
- Керек ташны ауурлугъу джокъ.
- Уллу сёлешме да, уллу къаб.
- Тамчы таш тешер.
- Ат басханны джер билед.
- Бал чибинни ургъаны – ачы, балы – татлы.
- Эринчекни аурууу – кёб.
- Сабий кёргенин унутмаз.
- Къарнынг къанлынга кийирир.
- Игини сыйлагъан адетди.
- Адам къаллай бир ишленмесе, аллай бир кесин уллу кёреди.
- Окъ къызбайны джокълайды.
Ошибка!
Для просмотра темы введите ваши логин и пароль.Пожалуйста, авторизуйтесь: