- Билим къая тешер.
- Ашха уста, юйюнде болсун
- Адам къаллай бир ишленмесе, аллай бир кесин уллу кёреди.
- Къыз келсе, джумуш эте келеди, къатын келсе, ушакъ эте келеди.
- Эр абынмай, эл танымаз.
- Аурууну келиую тынч, кетиую – къыйын.
- Аджашхан тёгерек айланыр.
- Кирсизни – саны таза, халалны – къаны таза.
- Ач къалгъандан, кеч къалгъан къолай.
- Киштикге къанат битсе, чыпчыкъ къалмаз эди.
- Джолунга кёре – джюрюшюнг, джагъанга кёре – юлюшюнг.
- Бёрю да ач къалмасын, эчки да ашалмасын.
- Сабий кёргенин унутмаз.
- Ашхы тенг джолгъа салыр, аман тенг джолдан тайдырыр.
- Бир онгсуз адам адет чыгъарды, деб эштирик тюлсе.
- Ана – юйню кюн джарыгъы.
- Окъ къызбайны джокълайды.
- Атадан ёксюз – бир ёксюз, анадан ёксюз – эки ёксюз.
- Элни кючю – эмеген.
- Ачыу алгъа келсе, акъыл артха къалады.
- Ауузу аманнга «иги», деме.
- Уллу суу бла уллу ауруудан башынгы сакъла.
- Къазанда болса, чолпугъа чыгъар.
- Къонагъы джокъну – шоху джокъ.
- Юреннген ауруу къалмаз.
- Чёбню кёлтюрсенг, тюбюнден сёз чыгъар.
- Байлыкъ келсе, акъыл кетер.
- Сибиртки да сыйлы болду, кюрек да кюнлю болду.
- Зар адам ашынгы ашар, кесинги сатар.
- Башынга джетмегенни сорма.
- Ауругъаннга – кийик саулукъ, джетген къызгъа – чилле джаулукъ.
- Къолу уллу – асыу, аягъы уллу – джарсыу.
- Этни бети бла шорпасы.
- Ата – билек, ана – джюрек!
- Окъуу – билимни ачхычы, окъуу – дунияны бачхычы.
- Тойгъа барсанг, тоюб бар, эски тонунгу къоюб бар.
- Игиге айтсанг – билир, аманнга айтсанг – кюлюр.
- Джиби бир къат джетмей эди да, эки къат тарта эди.
- Башланнган иш битер, къымылдагъан тиш тюшер.
- Ишге юренсин къоллары, халкъ бла болсун джоллары.
- Уллу сёлешме да, уллу къаб.
- Азыкълы ат арымаз, къатыны аман джарымаз.
- Къан бла кирген, джан бла чыгъар.
- Хар сёзню орну барды.
- Аз сёлешген, къайгъысыз турур.
- Рысхы – сют юсюнде кёмюк кибикди.
- Башы ишлегенни, ауузу да ишлер.
- Джангызны оту джарыкъ джанмаз!
- Ашатыргъа иш – ашхы, ишлетирге аш – ашхы.
- Ач да бол, токъ да бол – намысынга бек бол.
Ошибка!
Для просмотра темы введите ваши логин и пароль.Пожалуйста, авторизуйтесь: