- Атынг аманнга чыкъгъандан эсе, джанынг тамагъынгдан чыкъсын.
- Кёзню ачылгъаны – иги, ауузну джабылгъаны – иги.
- Иги сеники эсе да, сюйген кесимикин этеме.
- Окъуусуз билим – джокъ, билимсиз кюнюнг – джокъ.
- Халкъгъа джарагъан, джарлы къалмаз.
- Ариу джол аджал келтирмез.
- Тас болгъан бычакъны сабы – алтын.
- Арба аугъандан сора, джол кёргюзтюучю кёб болур.
- Айтханы чапыракъдан ётмеген.
- Кийиминг бла танылма, адамлыкъ бла таныл.
- Аууздан келген, къолдан келсе, ким да патчах болур эди.
- Биреуню эскиси биреуге джангы болмайды.
- Къызын тута билмеген, тул этер, джашын тута билмеген, къул этер.
- Тенгни тенглиги джашай барсанг билинир.
- Хантына кёре тузу, юйюне кёре къызы.
- Ёксюзню къалачы уллу кёрюнюр.
- Чалманны аллы къалай башланса, арты да алай барады.
- Окъугъан озар, окъумагъан тозар.
- Керилген да, ургъан кибикди.
- Узун джолну барсанг, бюгюн келирсе, къысха джолну барсанг, тамбла келирсе.
- Къар – келтирди, суу – элтди.
- Сууда джау джокъ, кёб сёзде магъана джокъ.
- Аякъларынгы джууургъанынга кёре узат.
- Сакъламагъан затынга джолукъсанг, не бек къууанаса, не бек ачыйса.
- Артына баргъанны, къатына барма.
- Дуния мал дунияда къалады.
- Мени джылытмагъан кюн, меннге тиймесин!
- Къатын байлыкъны сюер, эр саулукъну сюер.
- Ханы къызы буюгъа-буюгъа киштик болду.
- Ёнгкюч къууана барыр, джылай келир.
- Адамны джюреги нени кёрюрге сюйсе, кёзю да аны кёрюрге ёч болады.
- Биреуню къыйынлыгъы бла кесинге джол ишлеме.
- Хар ишни да аллы къыйынды.
- Тюзню ётмеги тюзде къалса да, тас болмаз.
- Чабакъгъа акъыл, табагъа тюшсе келеди.
- Эки къатын алгъанны къулагъы тынгнгаймаз.
- Окъдан джара эртде-кеч болса да бителир, сёз джара, ёмюрге къалыр.
- Къонакъ хазыр болгъанлыкъгъа, къонакъбай хазыр тюлдю.
- Сормай – алма, чакъырылмай – барма.
- Къыйынлы джети элге оноу этер.
- Сёз садакъдан кючлюдю.
- Джангыз торгъай джырламаз.
- Хунаны тюбюн къазсанг, юсюнге ауар.
- Халкъны джырын джырласанг, халкъ санга эжиу этер.
- Борчунг бар эсе, хурджунунга ойлаб узал.
- Джолда аягъынга сакъ бол, ушакъда тилинге сакъ бол.
- Нарт сёз – тилни бети.
- Къонакъ аз олтурур, кёб сынар.
- Джашлыкъ этмеген, башлыкъ этмез.
- Джарлы эскисин джамаса, къууаныр.
Ошибка!
Для просмотра темы введите ваши логин и пароль.Пожалуйста, авторизуйтесь: