- Аманны къуугъан, аманлыкъ табар.
- Эте билген, этген этеди, эте билмеген, юретген этеди!
- Джарлы эскисин джамаса, къууаныр.
- Къар – келтирди, суу – элтди.
- Хар адамгъа кеси миннген тау кибик.
- Адамны сабийин сюйген джюреги, бычакъча, джитиди.
- Биреуню эскиси биреуге джангы болмайды.
- Къызын тута билмеген, тул этер, джашын тута билмеген, къул этер.
- Нарт сёз къарт болмаз.
- Уруну арты – къуру.
- Агъач халкъгъа алтынды, иссиликге салкъынды.
- Сангырау къулакъ эл бузар.
- Ач да бол, токъ да бол – намысынга бек бол.
- Ач уят къоймаз.
- Ат да турмайды бир териде.
- Окъугъан – асыу, окъумагъан – джарсыу.
- Ётюрюкчюню шагъаты – къатында.
- Гырджын – тепсини тамадасы.
- Къозулугъунда тоймагъан, къойлугъунда тоймаз.
- Дуния малгъа сатылма, кесингден телиге къатылма.
- Ашда уялгъан – мухар, ишде уялгъан – хомух.
- Атадан ёксюз – бир ёксюз, анадан ёксюз – эки ёксюз.
- Гитче джилтин уллу элни джандырыр.
- Кёбге таш атма.
- Бал чибинни ургъаны – ачы, балы – татлы.
- Кёб джат да, бек чаб.
- Тил бла келеди джыр да.
- Къонагъы джокъну – шоху джокъ.
- Эшекге миннген – биринчи айыб, андан джыгъылгъан – экинчи айыб.
- Къайтырыкъ эшигинги, къаты уруб чыкъма.
- Огъурлуну сёзю – суу, огъурсузну сёзю – уу.
- Кирсизни – саны таза, халалны – къаны таза.
- Баргъанынга кёре болур келгенинг.
- Кимни – тили, тиши онглу, кимни – къолу, иши онглу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Окъуу – билимни ачхычы, окъуу – дунияны бачхычы.
- Билим къая тешер.
- Соргъан айыб тюлдю, билмеген айыбды.
- Акъыл неден да кючлюдю.
- Къыйынлы джети элни къайгъысын этер.
- Бек анасы джыламаз.
- Билим насыб берир, билим джолну керир.
- Билим ат болуб да чабар, къуш болуб да учар.
- Ким бла джюрюсенг, аны кёзю бла кёрюнюрсе.
- Джигер – джаннга къыйынлыкъ.
- Ёлмесенг да, къарт дамы болмазса?
- Таш ата билмеген, башына урур.
- Нарт сёз – тилни бети.
- Чомартха Тейри да борчлуду.
- Кюл тюбюндеги от кёрюнмейди.
Ошибка!
Для просмотра темы введите ваши логин и пароль.Пожалуйста, авторизуйтесь: