- Ариу сёзде ауруу джокъ.
- Адамны адамлыгъы къыйынлыкъда айгъакъланады.
- Ишленмеклик адамлыкъды.
- Ата джурт – алтын бешик.
- Атынг аманнга чыкъгъандан эсе, джанынг тамагъынгдан чыкъсын.
- Мухар, кеси тойса да, кёзю тоймаз.
- Харам къарнашдан, халал тенг ашхы.
- Тешик этген тынчды, аны джамагъан къыйынды.
- Эшекни не къадар тюйсенг да, ат болмаз.
- Аманны тукъумуна къарама, игини тукъумун сорма.
- Билгенни къолу къарны джандырыр.
- Къарыусузгъа кюлме, онгсузгъа тийме.
- Бир абыннган – минг сюрюнюр.
- «Ёгюз, джаргъа джууукъ барма, меннге джюк боллукъса», - дегенди эшек.
- Ана къолу ачытмаз.
- Ауурну тюбю бла, дженгилни башы бла джюрюген.
- Тойгъа алгъа да барма, тойда артха да къалма.
- Къарт айтханны этмеген, къартаймаз.
- Джол бла сёзню къыйыры джокъ.
- Окъугъан – асыу, окъумагъан – джарсыу.
- Кёбден умут этиб, аздан къуру къалма.
- Хар сёзню орну барды.
- Къарны аманнга къазан такъдырма, къолу аманнга от джакъдырма.
- Иесиз малны бёрю ашар.
- Билим насыб берир, билим джолну керир.
- Джарлыны эшигин махтагъан джабар.
- Ойнай билмеген, уруб къачар.
- Кёб къычыргъандан – къоркъма, тынч олтургъандан – къоркъ.
- Ашарыкъда сайлагъаннга – чий гырджын.
- Ишге юренсин къоллары, халкъ бла болсун джоллары.
- Биреуге аманлыкъны тилеме да, кесинге ашхылыкъны тиле.
- Аз сёлешген, къайгъысыз турур.
- Къолунгдан къуймакъ ашатсанг да, атаны борчундан къутулмазса.
- Уруну арты – къуру.
- Эринчекни аурууу – кёб.
- Керти сёзге тёре джокъ.
- Алма терегинден кери кетмез.
- Элиб деген, элге болушур.
- Сабийликде юретмесенг, уллу болса – тюзелмез.
- Хар адамгъа кеси миннген тау кибик.
- Босагъагъа джууукъ орун болса, ашыгъыб тёрге озма.
- Босагъа таш юйге кирмей эди, тыбыр таш эшикге чыкъмай эди.
- Аджаллыгъа окъсуз шкок атылыр.
- Тил бла келеди джыр да.
- Адамны аты башхача, акъылы да башхады.
- Джырына кёре эжиую.
- Аурууну келиую тынч, кетиую – къыйын.
- Биреуню эскиси биреуге джангы болмайды.
- Къуллукъчума, деб махтанма, къуллукъ – хаух джамчыды!
- Итли къонакъ джарашмаз.
Ошибка!
Для просмотра темы введите ваши логин и пароль.Пожалуйста, авторизуйтесь: