- Зар адам ашынгы ашар, кесинги сатар.
- Аш иеси бла татлыды.
- Чыбыкълыкъда бюгюлмеген, къазыкълыкъда бюгюлмей эди.
- Нарт сёз къарт болмаз.
- Адеб базарда сатылмаз.
- Экеу тутушса, биреу джыгъылыр.
- Тойгъан джерден туугъан джер игиди.
- Ач уят къоймаз.
- Сакъалы текени да бар, мыйыгъы киштикни да бар.
- Ашха уста, юйюнде болсун
- Ашхы тенг джолгъа салыр, аман тенг джолдан тайдырыр.
- Кесинг сынамагъан затны, адамгъа буюрма.
- Тик ёргени, тик энгишгеси да болады.
- Ашхы атаны – джашы ашхы, ашхы ананы – къызы ашхы.
- Къонакъ хазыр болгъанлыкъгъа, къонакъбай хазыр тюлдю.
- Эл ауузу – элек, анга ийнаннган – халек.
- Сакъ юйюне сау барыр.
- Билими азны – ауузунда кирит.
- Кюн – узун, ёмюр – къысха.
- Окъугъан – асыу, окъумагъан – джарсыу.
- Сёз садакъдан кючлюдю.
- Намыс болмагъан джерде, насыб болмаз.
- Джан саулукъ бермей, сан саулукъ бермезсе.
- Кимни – тили, тиши онглу, кимни – къолу, иши онглу.
- Къонакъ аман болса, къонакъбай джунчур
- Кёрмегеннге кебек – танг, битмегеннге сакъал – танг.
- Къайтырыкъ эшигинги, къаты уруб чыкъма.
- Садакъачыны джаны – къапчыгъында.
- Ётюрюкчюню шагъаты – къатында.
- Кирсизни – саны таза, халалны – къаны таза.
- Тиширыусуз юй – отсуз от джагъа.
- Ичимден чыкъды хата, къайры барайым сата?
- Ана кёлю – балада, бала кёлю – талада.
- Айтхан сёзюне табылгъан.
- Аман хансны – урлугъу кёб.
- Тёгюлген тюгел джыйылмайды.
- Эки итни арасына сюек атма, эки адамны арасында сёз чыгъарма.
- Джахил болса анасы, не билликди баласы?
- Абынмазлыкъ аякъ джокъ, джангылмазлыкъ джаякъ джокъ.
- Бети къызарыучу адамны, джюреги харам болмаз.
- Байлыкъ келсе, акъыл кетер.
- Тешигини къатында, чычхан да батыр болур.
- Байны оноуу, джарлыгъа джарамаз.
- Асхат ашлыкъ сата, юйдегиси ачдан къата.
- Къалгъан ишге къар джауар.
- Окъуусуз билим – джокъ, билимсиз кюнюнг – джокъ.
- Джюз элде джюз ёгюзюм болгъандан эсе, джюз джууугъум болсун.
- Бетинги сатма, малынгы сат.
- Байлыкъ болгъан джерде, тынчлыкъ джокъду.
- Ётюрюкню къуйругъу – бир тутум.
Ошибка!
Для просмотра темы введите ваши логин и пароль.Пожалуйста, авторизуйтесь: