- Ишни ахырын ойламай, аллын башлама.
- Терслик кетер, тюзлюк джетер.
- Ашхы болсанг, атынг чыгъар, аман болсанг, джанынг чыгъар.
- Аманнга игилик этсенг, юйюнге сау бармазса.
- Хоншуну тауугъу къаз кёрюнюр, келини къыз кёрюнюр.
- Мадар болса, къадар болур.
- Туз, гырджын аша, тюзлюк бла джаша.
- Элде адам къалмаса, ит тахтагъа минер.
- Намысы болмагъанны, сыйы болмаз.
- Джумушакъ терекни къурт ашар.
- Атлыны ашхысы, ат тизгининден билинир
- Тюзлюк шохлукъну бегитир.
- Джаралыны джастыгъында сау ёлюр.
- Ашыкъгъанны этеги бутуна чырмалыр.
- Чомартха хар кюн да байрамды.
- Аджал соруб келмез, келсе, къайтыб кетмез.
- Къаллай салам берсенг, аллай джууаб алырса.
- Байлыкъ адамны сокъур этер.
- Къуру гыбыт бек дыгъырдар.
- Къайтырыкъ эшигинги, къаты уруб чыкъма.
- Джаз бир кюнню джатсанг, къыш талай кюнню абынырса.
- Байлыкъдан саулукъ ашхыды.
- Ишлегенде эринме, ишде чолакъ кёрюнме.
- Зар адамны насыбы болмаз.
- Тенгни тенглиги джашай барсанг билинир.
- Эм уллу байлыкъ – джан саулукъ.
- Акъыллы башны – тили къысха.
- Айтхан – тынч, этген – къыйын.
- Тил – кесген бычакъ, сёз – атылгъан окъ.
- Джырына кёре эжиую.
- Билмезни кёзю кёрмез, этмезни къулагъы эшитмез.
- Сескекли кесин билдирир.
- Акъыллы айтыр эди, акъылсыз къоймайды.
- Къуллукъчума, деб махтанма, къуллукъ – хаух джамчыды!
- Атадан ёксюз – бир ёксюз, анадан ёксюз – эки ёксюз.
- Алтыннга тот къонмаз.
- Соргъан айыб тюлдю, билмеген айыбды.
- Кесине оноу эте билмеген, халкъына да эте билмез.
- Иги сёз – джаннга азыкъ, аман сёз башха – къазыкъ.
- Аллахдан тилесенг, кёб тиле.
- Гитче джилтин уллу элни джандырыр.
- Сабыр джетер муратха, сабырсыз къалыр уятха.
- Ойнаб айтсанг да, эслеб айт.
- Хатерли къул болур.
- «Ма», - дегенни билмесенг, «бер», - дегенни билмезсе.
- Акъыллы – эл иеси, тели – эл баласы.
- Къарнынг бла ёч алма.
- Окъугъан озар, окъумагъан тозар.
- Ата Джуртча джер болмаз, туугъан элча эл болмаз.
- Тынгылагъан тынгы бузар.
Ошибка!
Для просмотра темы введите ваши логин и пароль.Пожалуйста, авторизуйтесь: