- Киштикге къанат битсе, чыпчыкъ къалмаз эди.
- Кесинге джетмегенни, кёб сёлешме.
- Бек ашыкъгъан меннге джетсин, дегенди аракъы.
- Джангыз терек къынгыр ёсер.
- Къыйынлы джети элни къайгъысын этер.
- Тели турса – той бузар.
- Кюл тюбюндеги от кёрюнмейди.
- Ана кёлю – балада, бала кёлю – талада.
- Къыйынлы джети элге оноу этер.
- Нафысынгы айтханын этме, намысынгы айтханын эт.
- Ач да бол, токъ да бол – намысынга бек бол.
- Суу кетер, таш къалыр.
- Айранын берсенг, челегин да къызгъанма.
- Къызын тута билмеген, тул этер, джашын тута билмеген, къул этер.
- Тенгни тенглиги джашай барсанг билинир.
- Кесине гебен этелмеген, биреуге черен эте эди.
- Сютню башын джалагъан къутулур, тюбюн ичген тутулур.
- Тойгъандан сора, ашны сёкме.
- Кёб джашагъан – кёб билир.
- Юй кюйдю да, кюйюз чыкъды, ортасындан тюйюш чыкъды.
- Хоншуну тауугъу къаз кёрюнюр, келини къыз кёрюнюр.
- Къызны минг тилер, бир алыр.
- Бети къызарыучу адамны, джюреги харам болмаз.
- Сабий болмагъан джерде, мёлек болмаз.
- Джангызны оту джарыкъ джанмаз!
- Кюлме джашха – келир башха.
- Ариу сёз – джаннга азыкъ, аман сёз – башха къазыкъ.
- Джырчы джырчыгъа – къарнаш.
- Окъугъан – асыу, окъумагъан – джарсыу.
- Бетинги сатма, малынгы сат.
- Ётюрюкден тюбю джокъ, кёлтюрюрге джиби джокъ.
- Сёз къанатсыз учар.
- Кёрмегеннге кебек – танг, битмегеннге сакъал – танг.
- Чомарт джарлы болмаз.
- Келинни – келгинчи, бёркню кийгинчи кёр.
- Ханнга да келеди хариблик.
- Башынга джетмегенни сорма.
- Агъач халкъгъа алтынды, иссиликге салкъынды.
- Тёрде – темир таякълы, къаяда – чыпчыкъ аякълы.
- Арпа, будай – ащды, алтын, кюмюш а – ташды.
- Атлыны ашхысы, ат тизгининден билинир
- Айтылгъан буйрукъ, сёгюлмез
- Сабийликде юретмесенг, уллу болса – тюзелмез.
- Эки къатын алгъан – эки ташны ортасына башын салгъан.
- Ышармагъан – кюлмез, кюлмеген – къууанчны билмез.
- Илму – джашауну джолу.
- Къуллукъчума, деб махтанма, къуллукъ – хаух джамчыды!
- Тиширыусуз юй – отсуз от джагъа.
- Къатын къылыкъсыз, эр тынчлыкъсыз.
- Къонакъны къачан кетерин сорма, къачан келлигин сор.
Ошибка!
Для просмотра темы введите ваши логин и пароль.Пожалуйста, авторизуйтесь: