- Тойгъандан сора, ашны сёкме.
- Мал тутхан – май джалар.
- Аякъларынгы джууургъанынга кёре узат.
- Аманнга алтын чыдамаз.
- Адамны джюреги нени кёрюрге сюйсе, кёзю да аны кёрюрге ёч болады.
- Аууздан келген, къолдан келсе, ким да патчах болур эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Ашлыкъ – бюртюкден, джюн – тюкден.
- Билими азны – ауузунда кирит.
- Тик ёргени, тик энгишгеси да болады.
- Келгинчи, къонакъ уялыр, келгенден сора, къонакъбай уялыр.
- Чакъырылмагъан къонакъ къачан кетерин сормаз.
- Суу да къайтады чыкъгъан джерине.
- Игини сыйлагъан адетди.
- Адамны аманы адамны бети бла ойнар.
- Ёксюзню къалачы уллу кёрюнюр.
- Сибиртки да сыйлы болду, кюрек да кюнлю болду.
- Тюзлюк тас болмайды.
- Узун джолну барсанг, бюгюн келирсе, къысха джолну барсанг, тамбла келирсе.
- Тойгъа алгъа да барма, тойда артха да къалма.
- Бозанг болмагъан джерге, къалагъынгы сукъма.
- Билим – акъылны чырагъы.
- Иги сёз – джаннга азыкъ, аман сёз башха – къазыкъ.
- Таукелге нюр джауар.
- Юреннген ауруу къалмаз.
- Иги – алгъыш этер, аман – къаргъыш этер.
- Аман хансны – урлугъу кёб.
- Тенгинг джокъ эсе – изле, бар эсе – сакъла!
- Аууз сакълагъан – джан сакълар.
- Ата Джуртуму башы болмасам да, босагъасында ташы болайым.
- Кесинг сынамагъан затны, адамгъа буюрма.
- Мадар болса, къадар болур.
- Абынмазлыкъ аякъ джокъ, джангылмазлыкъ джаякъ джокъ.
- Джолда аягъынга сакъ бол, ушакъда тилинге сакъ бол.
- Таш бла ургъанны, аш бла ур.
- Къоркъакъны кёзю экили кёрюр.
- Биреуню эскиси биреуге джангы болмайды.
- Къартны бурнун сюрт да, оноугъа тут.
- Аз сёлеш, кёб ишле.
- Гырджын – тепсини тамадасы.
- Къонагъы джокъну – шоху джокъ.
- Къулакъдан эсе, кёзге ышан.
- Аурууну келиую тынч, кетиую – къыйын.
- Игиге айтсанг – билир, аманнга айтсанг – кюлюр.
- Чарсда алчыны эл кёреди.
- Къазанчы аман болса, къазаны къайнамаз.
- Аман адамны тепсинге олтуртсанг, къызынгы тилер.
- Тил джюрекге джол ишлейди.
- Элде адам къалмаса, ит тахтагъа минер.
- Билим къая тешер.
Ошибка!
Для просмотра темы введите ваши логин и пароль.Пожалуйста, авторизуйтесь: