- Эки элинги тыйсанг, джети элде махталырса.
- «Ма», - дегенни билмесенг, «бер», - дегенни билмезсе.
- Айран тёгюлсе, джугъусу къалыр.
- Ариу – кёзге, акъыл – джюрекге.
- Рысхы – сют юсюнде кёмюк кибикди.
- Ёпкелегенни ашы татлы болады.
- Джырчы джырчыгъа – къарнаш.
- Юйюнг бла джау болгъандан эсе, элинг бла джау бол.
- Къарыусузгъа кюлме, онгсузгъа тийме.
- Таукел къуру къалмаз.
- Аллахдан тилесенг, кёб тиле.
- Баланы адам этген анады.
- Сёз садакъдан кючлюдю.
- Къонакъ кёб келюучю юйню, къазаны отдан тюшмез.
- Биреуню эскиси биреуге джангы болмайды.
- Эртде тургъан бла эртде юйленнген сокъуранмаз.
- Берекет берсин деген джерде, берекет болур.
- Бал ашаргъа сюе эсенг, чибин ургъаннга тёз.
- Телини эшигин, махтау джабар.
- Адебни адебсизден юрен.
- Биреуню къыйынлыгъы бла кесинге джол ишлеме.
- Джангыз торгъай джырламаз.
- Джахил болса анасы, не билликди баласы?
- Эл элде бирер малынг болгъандан эсе, бирер тенгинг болсун.
- Айранын берсенг, челегин да къызгъанма.
- Байлыкъ адамны сокъур этер.
- Юре билмеген ит, къонакъ келтирир.
- Игиге айтсанг – билир, аманнга айтсанг – кюлюр.
- Атынг аманнга чыкъгъандан эсе, джанынг тамагъынгдан чыкъсын.
- Гугурук къычырмаса да, тангны атары къалмаз.
- Иги джашны ышаны – аз сёлешиб, кёб тынгылар.
- Мен да «сен», дейме, сен да «кесим», дейсе.
- Ашыкъгъанны этеги бутуна чырмалыр.
- Къыз келсе, джумуш эте келеди, къатын келсе, ушакъ эте келеди.
- Ата Джуртча джер болмаз, туугъан элча эл болмаз.
- Эки ойлашыб, бир сёлешген.
- Бозаны арты дауур болур.
- Къыз тиширыу кеси юйюнде да къонакъды.
- Сютден ауузу кюйген, суугъа юфгюре эди.
- Башы джабылгъан челекге, кир тюшмез.
- Окъдан джара эртде-кеч болса да бителир, сёз джара, ёмюрге къалыр.
- Джарлы эскисин джамаса, къууаныр.
- Ариу сёз – къылычдан джити.
- Булут кёкге джарашыу, уят бетге джарашыу.
- Ишлемеген – тишлемез.
- Къууут – джелге, берне – бошха.
- Къайгъы тюбю – тенгиз.
- Эм уллу байлыкъ – джан саулукъ.
- Кёлсюзден сёзсюз тууар.
- Чыкълы кюнде чыкъмагъан, чыкъса къуру кирмеген.
Ошибка!
Для просмотра темы введите ваши логин и пароль.Пожалуйста, авторизуйтесь: