- Дуния малгъа сатылма, кесингден телиге къатылма.
- Адам къыйынлыгъын кёлтюрюр, зауукълугъун кёлтюрмез.
- Тойну къарнашы – харс, джырны къарнашы – эжиу.
- Къонакъны къачан кетерин сорма, къачан келлигин сор.
- Къууут – джелге, берне – бошха.
- Адамны аманы адамны бети бла ойнар.
- Тамбла алтындан бюгюн багъыр ашхы.
- Тура эдим джата, къайдан чыкъды хата?
- Айтхан сёзюне табылгъан.
- Эринчекге кюн узун.
- Къызбайны юйюне дери сюрсенг, батыр болур.
- Халкъны юйю – туугъан джери.
- Орну джокъну – сыйы джокъ.
- Къыз келсе, джумуш эте келеди, къатын келсе, ушакъ эте келеди.
- Джашынгы кесинг юретмесенг, джашау юретир.
- Уллу атлама – абынырса, уллу къабма – къарылырса.
- Джаным-тиним – окъуу, билим.
- Садакъачыны джаны – къапчыгъында.
- Къралынгы – душмандан, башынгы от бла суудан сакъла.
- Аман къатын сабий табса, бий болур…
- Адам къаллай бир ишленмесе, аллай бир кесин уллу кёреди.
- Тамчы таш тешер.
- Билмегенинги, билгеннге сор.
- Суугъа – таянма, джаугъа – ийнанма.
- Хатерли къул болур.
- Ишни ахырын ойламай, аллын башлама.
- Кёзюнде тереги болгъан, чёбю болгъаннга кюле эди.
- Ауузу аманнга «иги», деме.
- Джюрекге ариу – кёзге да ариу.
- Аман къатын алгъан, арыр, иги къатын алгъан джарыр.
- Рысхы – насыбха къор.
- Гугурук къычырмаса да, тангны атары къалмаз.
- Къоркъакъны кёзю экили кёрюр.
- Биреу ашаб къутулур, биреу джалаб тутулур.
- Аман хансны – урлугъу кёб.
- Эри аманны, къатыны – аман.
- Джолда аягъынга сакъ бол, ушакъда тилинге сакъ бол.
- Алма терегинден кери кетмез.
- Тил джюрекге джол ишлейди.
- Ойнаб айтсанг да, эслеб айт.
- Иги болса, тамадама – махтау, аман болса, меннге – айыб.
- Ач – эснер, ат – кишнер.
- Адам боллукъ, атламындан белгили болур.
- Терслик кетер, тюзлюк джетер.
- Тойгъан антын унутур.
- Ач уят къоймаз.
- Эл тойса, тоймагъан, эл къойса, къоймагъан.
- Акъыл неден да кючлюдю.
- Накъырданы арты керти болур.
- Биреуге кёлтюрген таягъынг, кесинги башынга урур.
Ошибка!
Для просмотра темы введите ваши логин и пароль.Пожалуйста, авторизуйтесь: