- Ханы къызы буюгъа-буюгъа киштик болду.
- Тюзню ётмеги тюзде къалса да, тас болмаз.
- От этилмеген джерден тютюн чыкъмайды.
- Ишлегенден, къарагъан уста.
- Баланы адам этген анады.
- Чакъырылмагъан къонакъ къачан кетерин сормаз.
- Аз сёлеш, кёб ишле.
- Джюрекден джюрекге джол барды.
- Джашны джигитлиги сорулур, къызны джигерлиги сорулур.
- Айныгъанлы алты кюн, тогъайгъанлы тогъуз кюн.
- Суугъа – таянма, джаугъа – ийнанма.
- Огъурлуну сёзю – суу, огъурсузну сёзю – уу.
- Ачыу алгъа келсе, акъыл артха къалады.
- Къонакъ аман болса, къонакъбай джунчур
- Бойнуму джети джерден кессенг да, мен ол ишни этеллик тюлме.
- Айтханы чапыракъдан ётмеген.
- Ач келгенни – тойдур, кеч келгенни – къондур.
- Ёзденликни джайгъан – джокълукъ.
- Къайтырыкъ эшигинги, къаты уруб чыкъма.
- Ашатыргъа иш – ашхы, ишлетирге аш – ашхы.
- Кёпюр салгъан кеси ётер, уру къазгъан кеси кетер.
- Кёл – къызбай, къол – батыр.
- Башы джабылгъан челекге, кир тюшмез.
- Чомартха хар кюн да байрамды.
- Кёзю сокъурдан – къоркъма, кёлю сокъурдан – къоркъ.
- Иги адам абынса да, джангылмаз.
- Ана кёлю – балада, бала кёлю – талада.
- Намыс болмагъан джерде, насыб болмаз.
- Аманны эки битли тону болур, бирин сеннге кийдирир, бирин кеси киер.
- Ашхы – джыяр, аман – джояр.
- Аманнга да, игиге да оноусуз къатышма.
- Тёгюлген тюгел джыйылмайды.
- Магъанасыз сёз – тауушсуз сыбызгъы.
- Къарын къуру болса, джюрек уру болур.
- Окъуусуз билим – джокъ, билимсиз кюнюнг – джокъ.
- Ата – билек, ана – джюрек!
- Чакъырылмагъан къонакъ тёрге атламаз.
- Телиге от эт десенг, юйюнге от салыр.
- Атлыны кёрсе, джаяуну буту талыр.
- Окъдан джара эртде-кеч болса да бителир, сёз джара, ёмюрге къалыр.
- Ашаса, ашамаса да, бёрюню ауузу – къан.
- Ашлыкъ – бюртюкден, джюн – тюкден.
- Этни да ашады, бетни да ашады.
- Ач да бол, токъ да бол – намысынга бек бол.
- Сабийликде юретмесенг, уллу болса – тюзелмез.
- Айран ичген – къутулду, джугъусун джалагъан – тутулду.
- Керти сёзге тёре джокъ.
- Болджал ишни бёрю ашар.
- Адамны джюреги нени кёрюрге сюйсе, кёзю да аны кёрюрге ёч болады.
- Ишлерге уял да, ашаргъа табма.
Ошибка!
Для просмотра темы введите ваши логин и пароль.Пожалуйста, авторизуйтесь: