- Сабийликде юретмесенг, уллу болса – тюзелмез.
- Къарны аманнга къазан такъдырма, къолу аманнга от джакъдырма.
- Биреуге аманлыкъ этиб, кесинге игилик табмазса.
- Адамны джюреги нени кёрюрге сюйсе, кёзю да аны кёрюрге ёч болады.
- Джауумдан сора, кюн кюйдюрюр, ётюрюкден сора, айыб кюйдюрюр.
- Мураты болгъанны джюрек тебюую башхады.
- Уллу сёзде уят джокъ.
- Адеб базарда сатылмаз.
- Ачыкъ джюрекге джол – ачыкъ.
- Джылкъыдан – ат чыгъар, тукъумдан – джаш чыгъар.
- Ата Джуртуму башы болмасам да, босагъасында ташы болайым.
- Кютгени беш эчки, сызгъыргъаны уа, джерни джарады.
- Башы ишлегенни, ауузу да ишлер.
- Итли къонакъ джарашмаз.
- Босагъагъа джууукъ орун болса, ашыгъыб тёрге озма.
- Къонагъы джокъну – шоху джокъ.
- Къызгъанчдан ычхыныр, мухардан ычхынмаз.
- Атадан ёксюз – бир ёксюз, анадан ёксюз – эки ёксюз.
- Чыбыкълыкъда бюгюлмеген, къазыкълыкъда бюгюлмей эди.
- Джогъун бар этген, барын бал этген.
- Адебни адебсизден юрен.
- Берекет берсин деген джерде, берекет болур.
- Джыланны къуйругъундан басарынг келсе, аны башы болгъанын унутма.
- Джигер – джаннга къыйынлыкъ.
- Айтхан – тынч, этген – къыйын.
- Ашын ашагъанынгы, башын да сыйла.
- Джол бла сёзню къыйыры джокъ.
- Ушамагъан – джукъмаз.
- Бет бетге къараса, бет да джерге къарар.
- Юй кюйдю да, кюйюз чыкъды, ортасындан тюйюш чыкъды.
- Мен да «сен», дейме, сен да «кесим», дейсе.
- Аман къатын алгъан, арыр, иги къатын алгъан джарыр.
- Хатерли къул болур.
- Джиби бир къат джетмей эди да, эки къат тарта эди.
- Сёз – кюмюш, джыр – алтын.
- Эки элинги тыйсанг, джети элде махталырса.
- Акъыл аздырмаз, билим тоздурмаз.
- Арыгъан къош чамчы болур.
- Сабыр джетер муратха, сабырсыз къалыр уятха.
- Болджал ишни бёрю ашар.
- Джарлыны тону джаз битер.
- Тёрде – темир таякълы, къаяда – чыпчыкъ аякълы.
- Ойнай билмеген, оюн бузар.
- Зар адам ашынгы ашар, кесинги сатар.
- Бюгюн дуния кибик, тамбла ахыратды.
- Сангырау къулакъ эл бузар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аджалсыз ёлюм болмаз.
- Эл бла кёргенинг эрелей.
- Ёксюзню тилеги къабыл болур.
Ошибка!
Для просмотра темы введите ваши логин и пароль.Пожалуйста, авторизуйтесь: