- Ишлерге уял да, ашаргъа табма.
- Босагъа таш юйге кирмей эди, тыбыр таш эшикге чыкъмай эди.
- Кюн – узун, ёмюр – къысха.
- Къыз тиширыу кеси юйюнде да къонакъды.
- Эм уллу байлыкъ – джан саулукъ.
- Адебсиз адам – джюгенсиз ат.
- Садакъачыны джаны – къапчыгъында.
- Джырына кёре эжиую.
- Тамбла алтындан бюгюн багъыр ашхы.
- Сескекли кесин билдирир.
- Чыбыкълыкъда бюгюлмеген, къазыкълыкъда бюгюлмей эди.
- Ач къарынны, токъ билмез
- Тешигини къатында, чычхан да батыр болур.
- Чабар ат – джетген къыз.
- Хансыз джомакъ болмаз.
- Аз сёлешген, къайгъысыз турур.
- Тели турса – той бузар.
- Тойну къарнашы – харс, джырны къарнашы – эжиу.
- Ишленмеклик адамлыкъды.
- Тенги кёбню джау алмаз, акъылы кёбню дау алмаз.
- Элни кючю – эмеген.
- Акъыллы айтыр эди, акъылсыз къоймайды.
- Бал чибинни ургъаны – ачы, балы – татлы.
- Ашхы болсанг, атынг чыгъар, аман болсанг, джанынг чыгъар.
- Сабий кёргенин унутмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Намыс болмагъан джерде, насыб болмаз.
- Эл ауузу – элек, анга ийнаннган – халек.
- Ашлыкъ – бюртюкден, джюн – тюкден.
- Ишленмеген джаш – джюгенсиз ат, ишленмеген къыз – тузсуз хант.
- Айтылгъан сёз ызына къайтмаз.
- Юре билмеген ит, къонакъ келтирир.
- Тыш элде солтан болгъандан эсе, кесинги элде олтан болгъан игиди!
- Таукел адам тау тешер.
- Акъыл къартда, джашда тюйюлдю – башдады.
- Джогъун бар этген, барын бал этген.
- Зарда марда джокъ.
- Акъылсызны джууукъгъа алма, акъыллыны кенгнге салма.
- Суу да къайтады чыкъгъан джерине.
- Къарыусузгъа кюлме, онгсузгъа тийме.
- Терек ауса, отунчу – кёб.
- Уруну арты – къуру.
- Тойгъандан сора, ашны сёкме.
- Ёксюзню къалачы уллу кёрюнюр.
- Тилсиз миллет джокъ болур.
- Суу ичген шауданынга тюкюрме.
- Оюмсуз атлагъан, аджалсыз ёлюр.
- Битмегеннге сакъал – танг.
- Гугурук къычырмаса да, тангны атары къалмаз.
- Акъыл сабырлыкъ берир.
Ошибка!
Для просмотра темы введите ваши логин и пароль.Пожалуйста, авторизуйтесь: