- Этни да ашады, бетни да ашады.
- Кирсизни – саны таза, халалны – къаны таза.
- Атлыны ашхысы, ат тизгининден билинир
- Сабийликде юретмесенг, уллу болса – тюзелмез.
- Аманнга игилик этсенг, юйюнге сау бармазса.
- Керти сёзге тёре джокъ.
- Ургъан суудан башынгы сакъла.
- Ач къарным, тынч къулагъым.
- Башланнган иш битер, къымылдагъан тиш тюшер.
- Акъыллы айтыр эди, акъылсыз къоймайды.
- Аллахдан тилесенг, кёб тиле.
- Ариу – кёзге, акъыл – джюрекге.
- Накъырданы арты керти болур.
- Алма терегинден кери кетмез.
- Намысы джокъну – дуниясы джокъ.
- Къууут – джелге, берне – бошха.
- Борчунг бар эсе, хурджунунга ойлаб узал.
- Тик ёргени, тик энгишгеси да болады.
- Сакъламагъан затынга джолукъсанг, не бек къууанаса, не бек ачыйса.
- Суугъа – чабакъ, къаягъа – ыргъакъ.
- Ёмюрлюк шохлукъну джел элтмез.
- Джылар джаш, атасыны сакъалы бла ойнар.
- Ойнаб айтсанг да, эслеб айт.
- Эркиши – от, тиширыу – суу.
- Байлыкъ адамны сокъур этер.
- Эри аманны, къатыны – аман.
- Эм ашхы къайын ана мамукъ бла башынгы тешер.
- Бозаны арты дауур болур.
- Къанны къан бла джуума, аманны аман бла къуума.
- Этек чакъмакълары баш джаргъан, сёлешген сёзлери таш джаргъан.
- Джаш болсун, къыз болсун, акъылы, саны тюз болсун.
- Эл ауузу – элек, анга ийнаннган – халек.
- От кюйдюрген, сау болса да, тот кюйдюрген, сау болмаз.
- Ач бёрюге мекям джокъ.
- Нёгер болсанг, тенг бол, тенг болмасанг, кенг бол.
- Суу кетер, таш къалыр.
- Адам боллукъ, атламындан белгили болур.
- «Ма», - дегенни билмесенг, «бер», - дегенни билмезсе.
- Эски джаугъа ышанма.
- Шекер бла туз – бир болмаз, ушамагъан – юй болмаз.
- Джюрекден джюрекге джол барды.
- Чоюнну башы ачыкъ болса, итге уят керекди.
- Акъыл неден да кючлюдю.
- Ётген ёмюр – акъгъан суу.
- Аз сёлеш, кёб ишле.
- Тюз сёз баргъан сууну тыяр.
- Телини эшигин, махтау джабар.
- Джыйырма къойну юч джыйырма эбзе кюте эди.
- Мухардан ач ычхынмаз.
- «Ёгюз, джаргъа джууукъ барма, меннге джюк боллукъса», - дегенди эшек.
Ошибка!
Для просмотра темы введите ваши логин и пароль.Пожалуйста, авторизуйтесь: