- Билгенни къолу къарны джандырыр.
- Джыгъылгъанны сырты джерден тоймаз.
- Чабакъ башындан чирийди.
- Эртде тургъан джылкъычыны эркек аты тай табар.
- Гитче джилтин уллу элни джандырыр.
- Мухар, кеси тойса да, кёзю тоймаз.
- Аджалсыз ёлюм болмаз.
- Тешигини къатында, чычхан да батыр болур.
- Аман адам этегингден тутса, кес да къач.
- Айырылмаз джууугъунга, унутмаз сёзню айтма.
- Чакъырылмагъан къонакъ – орунсуз.
- Тюзлюк тас болмайды.
- Сютню башын джалагъан къутулур, тюбюн ичген тутулур.
- Суугъа – чабакъ, къаягъа – ыргъакъ.
- Биреуню къыйынлыгъы бла кесинге джол ишлеме.
- Джогъун бар этген, барын бал этген.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тилде сюек болмаса да, сюек сындырыр.
- Тулпарлыкъ, билекден тюл – джюрекден.
- Адамны бетине къарама, адетине къара.
- Мухарны эси – ашарыкъда.
- Билим – акъылны чырагъы.
- Нарт сёз къарт болмаз.
- Тойгъа барсанг, тоюб бар, эски тонунгу къоюб бар.
- Аманнга игилик этсенг, юйюнге сау бармазса.
- Ашына кёре табагъы, балына кёре къалагъы.
- Къонакъ аз олтурур, кёб сынар.
- Бёрю да ач къалмасын, эчки да ашалмасын.
- Дуния малгъа сатылма, кесингден телиге къатылма.
- Уллу атлама – абынырса, уллу къабма – къарылырса.
- Мал кёб болса, джууукъ кёб болур.
- Эки элинги тыйсанг, джети элде махталырса.
- Башынга джетмегенни сорма.
- Сёз сёзню айтдырыр.
- Ата Джуртуму башы болмасам да, босагъасында ташы болайым.
- Сакъалы текени да бар, мыйыгъы киштикни да бар.
- Къатыны харакетли болса, эри къымсыз болур.
- Ауругъан – джашаудан умутчу.
- Юреннген ауруу къалмаз.
- Ашда – бёрю, ишде – ёлю.
- Ашыкъгъан cуу, тенгизге джетмез.
- Таула не мийик болсала да, аууш табылыр.
- Окъугъан озар, окъумагъан тозар.
- Бичгенде ашыкъма, тикгенде ашыкъ.
- Атлыны кёрсе, джаяуну буту талыр.
- Эки къатын алгъанны къулагъы тынгнгаймаз.
- Къралынгы – душмандан, башынгы от бла суудан сакъла.
- Баргъанынга кёре болур келгенинг.
- Хар адамгъа кеси миннген тау кибик.
- Биреуню эскиси биреуге джангы болмайды.
Ошибка!
Для просмотра темы введите ваши логин и пароль.Пожалуйста, авторизуйтесь: