- Этни да ашады, бетни да ашады.
- Аллахдан тилесенг, кёб тиле.
- Ашын ашагъанынгы, башын да сыйла.
- Джогъун бар этген, барын бал этген.
- Иги – алгъыш этер, аман – къаргъыш этер.
- Бет бетге къараса, бет да джерге къарар.
- Аджал соруб келмез, келсе, къайтыб кетмез.
- Джангызны оту джарыкъ джанмаз!
- Зар адамны насыбы болмаз.
- Ёксюзню тилеги къабыл болур.
- Тиширыусуз юй – отсуз от джагъа.
- Аман къатын сабий табса, бий болур…
- Ач къарынны, токъ билмез
- Кёрмегеннге кебек – танг, битмегеннге сакъал – танг.
- Къозулугъунда тоймагъан, къойлугъунда тоймаз.
- Тёзген – тёш ашар!
- Ханы къызы буюгъа-буюгъа киштик болду.
- Арба аугъандан сора, джол кёргюзтюучю кёб болур.
- Садакъачыны джаны – къапчыгъында.
- Сабий болмагъан джерде, мёлек болмаз.
- Джаш болсун, къыз болсун, акъылы, саны тюз болсун.
- Биреуге аманлыкъ этиб, кесинге игилик табмазса.
- Джарлыны эшигин махтагъан джабар.
- Гугук кесини атын айтыб къычыргъанча, мен, мен деб нек тураса?
- Чёбню кёлтюрсенг, тюбюнден сёз чыгъар.
- Керек ташны ауурлугъу джокъ.
- Уллу атлама – абынырса, уллу къабма – къарылырса.
- Тамчы таш тешер.
- Къайгъыны сюйген, къайгъы табар.
- Ишни аллы бла къууанма да, арты бла къууан.
- Ашхы атаны – джашы ашхы, ашхы ананы – къызы ашхы.
- Иги адамны бир сёзю эки болмаз.
- Чомартха хар кюн да байрамды.
- Хазыр ашха – терен къашыкъ.
- Юйюнг бла джау болгъандан эсе, элинг бла джау бол.
- Окъ къызбайны джокълайды.
- Ашарыкъда сайлагъаннга – чий гырджын.
- Сабыр джетер муратха, сабырсыз къалыр уятха.
- Туз, гырджын аша, тюзлюк бла джаша.
- Ойнай билмеген, уруб къачар.
- Байны къызы баймакъ болса да, юйде къалмаз!
- Ушамагъан – джукъмаз.
- Атлыны кёрсе, джаяуну буту талыр.
- Бир абыннган – минг сюрюнюр.
- Тилчи тилден къаныкъмаз.
- Босагъа таш юйге кирмей эди, тыбыр таш эшикге чыкъмай эди.
- Мал ёлсе, сюек къалыр, адам ёлсе, иши къалыр.
- Чомарт джарлы болмаз.
- Дуния мал дунияда къалады.
- Кёбден умут этиб, аздан къуру къалма.
Ошибка!
Для просмотра темы введите ваши логин и пароль.Пожалуйста, авторизуйтесь: