- Чыкълы кюнде чыкъмагъан, чыкъса къуру кирмеген.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Арпа, будай – ащды, алтын, кюмюш а – ташды.
- Билеги кючлю, бирни джыгъар, билими кючлю, мингни джыгъар.
- Кёзю сокъурдан – къоркъма, кёлю сокъурдан – къоркъ.
- Аджашханны ызындагъы кёреди, джангылгъанны джанындагъы биледи.
- Ашхы – джыяр, аман – джояр.
- Иги сёз – джаннга азыкъ, аман сёз башха – къазыкъ.
- Байлыкъ келсе, акъыл кетер.
- Ач, тоймам, дейди, тойгъан, ач болмам, дейди.
- Биреуню тёрюнден, кесинги эшик артынг игиди.
- Ариу сёз аурууунгу алыр.
- Чёбню кёлтюрсенг, тюбюнден сёз чыгъар.
- Чомарт бергенин айтмаз.
- Юйюнгден чыкъдынг – кюнюнгден чыкъдынг.
- Джырчы джырчыгъа – къарнаш.
- Тюзлюк шохлукъну бегитир.
- Аман адамны тепсинге олтуртсанг, къызынгы тилер.
- Биреу къой излей, биреу той излей.
- Кимни – тили, тиши онглу, кимни – къолу, иши онглу.
- Биреуге аманлыкъны тилеме да, кесинге ашхылыкъны тиле.
- Тенгни тенглиги джашай барсанг билинир.
- Бюгюн дуния кибик, тамбла ахыратды.
- Кесине оноу эте билмеген, халкъына да эте билмез.
- Чомартха Тейри да борчлуду.
- Ата Джуртча джер болмаз, туугъан элча эл болмаз.
- Аманнга да, игиге да оноусуз къатышма.
- Ёзденликни кёбю ётюрюк.
- Керек ташны ауурлугъу джокъ.
- Халкъны джырын джырласанг, халкъ санга эжиу этер.
- Тулпарлыкъ, билекден тюл – джюрекден.
- Тамчы таш тешер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Намыс болмагъан джерде, насыб болмаз.
- Башы джабылгъан челекге, кир тюшмез.
- Агъач халкъгъа алтынды, иссиликге салкъынды.
- Тили узунну, намысы – къысха.
- Aдам боллукъ, сыфатындан белгили.
- Адамны сабийин сюйген джюреги, бычакъча, джитиди.
- Окъугъан озар, окъумагъан тозар.
- Чомарт джарлы болмаз.
- Ана кёлю – балада, бала кёлю – талада.
- Къызбайны юйюне дери сюрсенг, батыр болур.
- Къарыусузгъа кюлме, онгсузгъа тийме.
- Эр абынмай, эл танымаз.
- Уясында не кёрсе, учханында аны этер.
- Суугъа – таянма, джаугъа – ийнанма.
- Билген билмегенни юретген адетди.
- Къозулугъунда тоймагъан, къойлугъунда тоймаз.
- Ишин билген, аны сыйын чыгъарады.
Танцевальная студия Эльбрусоида открывает новый сезон.
Читают тему (гостей: 1)