- Чомартны къолу берекет.
- Эки итни арасына сюек атма, эки адамны арасында сёз чыгъарма.
- Джарлы тюеге минсе да, ит къабар.
- Джуртун къоругъан озар.
- Азыгъы аз, алгъа къабар, аты аман, алгъа чабар.
- Окъугъанны бети джарыкъ.
- Ёксюзню тилеги къабыл болур.
- Ашаса, ашамаса да, бёрюню ауузу – къан.
- Джогъун бар этген, барын бал этген.
- Таула не мийик болсала да, аууш табылыр.
- Хансыз джомакъ болмаз.
- Окъдан джара эртде-кеч болса да бителир, сёз джара, ёмюрге къалыр.
- Эм ашхы къайын ана мамукъ бла башынгы тешер.
- Берекет берсин деген джерде, берекет болур.
- Сибиртки да сыйлы болду, кюрек да кюнлю болду.
- Ёлюр джаннга, ёкюл джокъ.
- Гырджын – тепсини тамадасы.
- Къыйынлы джети элни къайгъысын этер.
- Къызгъанчдан ычхыныр, мухардан ычхынмаз.
- Гитче джилтин уллу элни джандырыр.
- Джолунга кёре – джюрюшюнг, джагъанга кёре – юлюшюнг.
- Кечеси – аяз, кюню – къыш, джарлы къаргъагъа бир аш тюш!
- Аман адамны тепсинге олтуртсанг, къызынгы тилер.
- Ёлюк кебинсиз къалмаз.
- Дуния малгъа сатылма, кесингден телиге къатылма.
- Ашхы – джыяр, аман – джояр.
- Айраннга суу къош, телиге джол бош.
- Аш хазыр болса, иш харам болур.
- Аман киши кеси юйюнде – къонакъ.
- Тойну къарнашы – харс, джырны къарнашы – эжиу.
- Сакъалы текени да бар, мыйыгъы киштикни да бар.
- Нёгер болсанг, тенг бол, тенг болмасанг, кенг бол.
- Тынгылагъан тынгы бузар.
- Джюрекге ариу – кёзге да ариу.
- Ариу сёзде ауруу джокъ.
- Аджашханны ызындагъы кёреди, джангылгъанны джанындагъы биледи.
- Окъуу – билимни ачхычы, окъуу – дунияны бачхычы.
- Джылкъыдан – ат чыгъар, тукъумдан – джаш чыгъар.
- Ана къойну – балагъа джандет.
- Тойгъандан сора, ашны сёкме.
- Атлыны кёрсе, джаяуну буту талыр.
- Мураты болгъанны джюрек тебюую башхады.
- Дженгил джетерикме деб, узун джолну къоюб, къысхасын барма.
- Хантына кёре тузу, юйюне кёре къызы.
- Чакъырылмагъан къонакъ къачан кетерин сормаз.
- Хоншуну тауугъу къаз кёрюнюр, келини къыз кёрюнюр.
- Адебни адебсизден юрен.
- Абынмазлыкъ аякъ джокъ, джангылмазлыкъ джаякъ джокъ.
- Чалманны аллы къалай башланса, арты да алай барады.
- Байма, деб да, къууанма, джарлыма, деб да, джылама.
Танцевальная студия Эльбрусоида открывает новый сезон.
Читают тему (гостей: 1)