- Эли джокъну – кёлю джокъ.
- Рысхы – насыбха къор.
- Дууулдаса – бал чибин, къонса – къара чибин.
- Къан бла кирген, джан бла чыгъар.
- Аз сёлеш, кёб ишле.
- Тойгъа барсанг, тоюб бар, эски тонунгу къоюб бар.
- Кийиминг бла танылма, адамлыкъ бла таныл.
- Азыкълы ат арымаз, къатыны аман джарымаз.
- Къызгъанчдан ычхыныр, мухардан ычхынмаз.
- Терслик кетер, тюзлюк джетер.
- Сагъыш – къартлыкъгъа сюйюмчю.
- Намыс болмагъан джерде, насыб болмаз.
- Къатыны харакетли болса, эри къымсыз болур.
- Айныгъанлы алты кюн, тогъайгъанлы тогъуз кюн.
- Къонакъ кёб келюучю юйню, къазаны отдан тюшмез.
- Сыфатында болмагъаны, суратында болмаз.
- Къарнынг ауруса, ауузунгу тый
- Джыйырма къойну юч джыйырма эбзе кюте эди.
- Ашхы болсанг, атынг чыгъар, аман болсанг, джанынг чыгъар.
- Нёгер болсанг, тенг бол, тенг болмасанг, кенг бол.
- Джылыгъа джылан илешир.
- Кёб къычыргъандан – къоркъма, тынч олтургъандан – къоркъ.
- Джаз бир кюнню джатсанг, къыш талай кюнню абынырса.
- Ёмюрлюк шохлукъну джел элтмез.
- Сёз сёзню айтдырыр.
- Чабакъгъа акъыл, табагъа тюшсе келеди.
- Къызны минг тилер, бир алыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къартны сыйын кёрмеген, къартлыгъында сыйлы болмаз.
- Ишленмеклик адамлыкъды.
- Адам туугъан джеринде, ит тойгъан джеринде.
- Къумурсхала джыйылсала, пилни да джыгъадыла.
- Ёлген ийнек сютлю болур.
- Мал тутхан – май джалар.
- Джаралыны джастыгъында сау ёлюр.
- Акъдан къара болмаз.
- Ойнай билмеген, оюн бузар.
- Аман адамны тепсинге олтуртсанг, къызынгы тилер.
- Кесинге джетмегенни, кёб сёлешме.
- Ашаса, ашамаса да, бёрюню ауузу – къан.
- Эки къатын алгъан – эки ташны ортасына башын салгъан.
- Къайгъы тюбю – тенгиз.
- Юй ишлеген балта эшикде къалыр.
- Ёлмесенг да, къарт дамы болмазса?
- Ач уят къоймаз.
- Бир абыннган – минг сюрюнюр.
- Айран ичген – къутулду, джугъусун джалагъан – тутулду.
- Телиге акъыл салгъандан эсе, ёлгеннге джан салырса.
- Ариу сёз – джаннга азыкъ, аман сёз – башха къазыкъ.
- Ауузу аманнга «иги», деме.
Подработка. Няня на 2 час 3 дня в неделю. Митино.
Читают тему (гостей: 1)