- Арба аугъандан сора, джол кёргюзтюучю кёб болур.
- Билим – акъылны чырагъы.
- Телиге от эт десенг, юйюнге от салыр.
- Бюгюн дуния кибик, тамбла ахыратды.
- Къаллай салам берсенг, аллай джууаб алырса.
- Къарыусузгъа кюлме, онгсузгъа тийме.
- Башсыз урчукъ тюзюне айланмаз.
- Джырчы ёлсе, джыры къалыр.
- Ётюрюк хапар аякъ тюбю бла джюрюйдю.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны сабийин сюйген джюреги, бычакъча, джитиди.
- Окъуу – билимни ачхычы, окъуу – дунияны бачхычы.
- Байдан умут эте, джарлыдан ёгюз багъасы къорады.
- Зар адам ашынгы ашар, кесинги сатар.
- Сангырау къулакъ эл бузар.
- Хар зат кесини орнуна иги.
- Арбаз къынгырды да, ийнек сауалмайма.
- Кёб къычыргъандан – къоркъма, тынч олтургъандан – къоркъ.
- Тилчи тилден къаныкъмаз.
- Аман адам элни бир-бирине джау этер.
- Тойну къарнашы – харс, джырны къарнашы – эжиу.
- Ким бла джюрюсенг, аны кёзю бла кёрюнюрсе.
- Чабакъсыз кёлге къармакъ салгъанлыкъгъа, чабакъ тутмазса.
- Ашхы тенг джолгъа салыр, аман тенг джолдан тайдырыр.
- Кёбге таш атма.
- Уллу къашыкъ эрин джыртар.
- Къызбайны юйюне дери сюрсенг, батыр болур.
- Къатын байлыкъны сюер, эр саулукъну сюер.
- Тас болгъан бычакъны сабы – алтын.
- Адеб этмеген, адеб кёрмез.
- Байлыкъ тауусулур, билим тауусулмаз.
- Сибиртки да сыйлы болду, кюрек да кюнлю болду.
- Ауругъанны сау билмез, ач къарынны токъ билмез.
- Адам къаллай бир ишленмесе, аллай бир кесин уллу кёреди.
- Башы джабылгъан челекге, кир тюшмез.
- Бастасын ашагъан, хантусун да ичер.
- Дуния малгъа сатылма, кесингден телиге къатылма.
- Къыйынлы джети элни къайгъысын этер.
- Кёкдеги болмаса, джердегин кёрмейди.
- Элни кючю – эмеген.
- Бек ашыкъгъан меннге джетсин, дегенди аракъы.
- Тил – кесген бычакъ, сёз – атылгъан окъ.
- Баш – акъыл ючюн, акъылман – халкъ ючюн.
- Таукел тауну аудурур.
- Тойгъан антын унутур.
- Тамчы таш тешер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джангызны оту джарыкъ джанмаз!
- Келлик заман – къартлыкъ келтирир, кетген заман – джашлыкъ ёлтюрюр.
- Эм ашхы къайын ана мамукъ бла башынгы тешер.
МАГАМЕТ ДЗЫБОВ СОЛЬНЫЙ КОНЦЕРТ
Читают тему (гостей: 1)