- Ишге юренсин къоллары, халкъ бла болсун джоллары.
- Бёрю да ач къалмасын, эчки да ашалмасын.
- Кенгеш болса, уруш болмаз.
- Кесине гебен этелмеген, биреуге черен эте эди.
- Байдан умут эте, джарлыдан ёгюз багъасы къорады.
- Джашда акъыл джокъ, къартда къарыу джокъ.
- Ышармагъан – кюлмез, кюлмеген – къууанчны билмез.
- Онгсузну – джакъла, тенгликни – сакъла.
- Алим болгъандан эсе, адам болгъан къыйынды.
- Джашынгы кесинг юретмесенг, джашау юретир.
- Къызны минг тилер, бир алыр.
- Къумурсхала джыйылсала, пилни да джыгъадыла.
- Къарт айтханны этмеген, къартаймаз.
- Насыблы элин сюер, насыбсыз кесин сюер.
- Чомарт джарлы болмаз.
- Ашын ашагъанынгы, башын да сыйла.
- Джюз элде джюз ёгюзюм болгъандан эсе, джюз джууугъум болсун.
- Джангыз терек къынгыр ёсер.
- Тюзлюк шохлукъну бегитир.
- Чалманны аллы къалай башланса, арты да алай барады.
- Айырылгъанланы айю ашар, бёлюннгенлени бёрю ашар.
- Тамырсыз терекге таянма – джыгъылырса.
- Ата Джуртча джер болмаз, туугъан элча эл болмаз.
- Ана къойну – балагъа джандет.
- Бал чибинни ургъаны – ачы, балы – татлы.
- Тилчи бир сагъатха айлыкъ хата этер.
- Битмегеннге сакъал – танг.
- Башы джабылгъан челекге, кир тюшмез.
- Тойну къарнашы – харс, джырны къарнашы – эжиу.
- Аллахха ийнаннган кишини, Аллах онгдурур ишин.
- Бир абыннган – минг сюрюнюр.
- Тилде сюек болмаса да, сюек сындырыр.
- Ёлюк кебинсиз къалмаз.
- Илму – джашауну джолу.
- Къонакъ кёб келюучю юйню, къазаны отдан тюшмез.
- Юйюнгден чыкъдынг – кюнюнгден чыкъдынг.
- Сормай – алма, чакъырылмай – барма.
- Байлыкъ тауусулур, билим тауусулмаз.
- Ашда – бёрю, ишде – ёлю.
- Тынгылагъан тынгы бузар.
- Ашхылыкъ джерде джатмайды, аманлыкъ суугъа батмайды.
- Окъдан джара эртде-кеч болса да бителир, сёз джара, ёмюрге къалыр.
- Иги сеники эсе да, сюйген кесимикин этеме.
- Бюгюн дуния кибик, тамбла ахыратды.
- Адамны сыфатына къарама, сёзюне къара.
- Къайгъыны сюйген, къайгъы табар.
- Тойгъан антын унутур.
- Бичгенде ашыкъма, тикгенде ашыкъ.
- Окъуу – билимни ачхычы, окъуу – дунияны бачхычы.
- Чабакъгъа акъыл, табагъа тюшсе келеди.