- Кимни – тили, тиши онглу, кимни – къолу, иши онглу.
- Юре билмеген ит, къонакъ келтирир.
- Ойнай-ойнай кёз чыгъар.
- Къарыусузгъа кюлме, онгсузгъа тийме.
- Кирсизни – саны таза, халалны – къаны таза.
- Тынгылагъан тынгы бузар.
- Ишге юренсин къоллары, халкъ бла болсун джоллары.
- Акъыл аздырмаз, билим тоздурмаз.
- Намыс сатылыб алынмайды.
- Тюзлюк шохлукъну бегитир.
- Аманны тукъумуна къарама, игини тукъумун сорма.
- Къулакъдан эсе, кёзге ышан.
- Сабий болмагъан джерде, мёлек болмаз.
- Аз сёлеш, кёб ишле.
- Ойнаб айтсанг да, эслеб айт.
- Къанны къан бла джуума, аманны аман бла къуума.
- Къоркъакъны кёзю экили кёрюр.
- Билимден уллу байлыкъ джокъду.
- Киштикге къанат битсе, чыпчыкъ къалмаз эди.
- Къатыны харакетли болса, эри къымсыз болур.
- Кёзюнде тереги болгъан, чёбю болгъаннга кюле эди.
- Тамбла алтындан бюгюн багъыр ашхы.
- Ёлюк кебинсиз къалмаз.
- Хар адамгъа кеси миннген тау кибик.
- Ариу сёз – къылычдан джити.
- Ичимден чыкъды хата, къайры барайым сата?
- Уллу сёлешме да, уллу къаб.
- Къонакъ аз олтурур, кёб сынар.
- Кесине оноу эте билмеген, халкъына да эте билмез.
- Тилсиз миллет джокъ болур.
- Джюрекден джюрекге джол барды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чакъырылмагъан джерге барма, чакъырылгъан джерден къалма.
- Башланнган иш битер, къымылдагъан тиш тюшер.
- Таякъ этден ётер, тил сюекден ётер.
- Зар адамны насыбы болмаз.
- Аджашханны ызындагъы кёреди, джангылгъанны джанындагъы биледи.
- Ат басханны джер билед.
- Ишленмеген джаш – джюгенсиз ат, ишленмеген къыз – тузсуз хант.
- Ойнай билмеген, уруб къачар.
- Къумурсхала джыйылсала, пилни да джыгъадыла.
- Орундукъ тюбюнде атылсам да, орта джиликме, де да айлан.
- Танг атмайма десе да, кюн къоярыкъ тюйюлдю.
- Ач, тоймам, дейди, тойгъан, ач болмам, дейди.
- Кийиминг бла танылма, адамлыкъ бла таныл.
- Кесинг сынамагъан затны, адамгъа буюрма.
- Гитче джилтин уллу элни джандырыр.
- Аманны къуугъан, аманлыкъ табар.
- Чыбыкълыкъда бюгюлмеген, къазыкълыкъда бюгюлмей эди.
- Бал чибинни ургъаны – ачы, балы – татлы.
