- Берекет берсин деген джерде, берекет болур.
- Адам туугъан джеринде, ит тойгъан джеринде.
- Иги сеники эсе да, сюйген кесимикин этеме.
- Тиширыусуз юй – отсуз от джагъа.
- Ашына кёре табагъы, балына кёре къалагъы.
- Тау башында, тау болмаз, джангыз терек, бау болмаз.
- Адамны сыфатына къарама, сёзюне къара.
- Тойгъан джерден туугъан джер игиди.
- Джарлы тюеге минсе да, ит къабар.
- Эки ойлашыб, бир сёлешген.
- Къарнынг къанлынга кийирир.
- Киштикге къанат битсе, чыпчыкъ къалмаз эди.
- Юй кюйдю да, кюйюз чыкъды, ортасындан тюйюш чыкъды.
- Уллу сёзде уят джокъ.
- Ётюрюкню башын керти кесер.
- Джаз бир кюнню джатсанг, къыш талай кюнню абынырса.
- Этни бети бла шорпасы.
- Туз, гырджын аша, тюзлюк бла джаша.
- Иги болса, тамадама – махтау, аман болса, меннге – айыб.
- Аманны къуугъан, аманлыкъ табар.
- Ким бла джюрюсенг, аны кёзю бла кёрюнюрсе.
- Кёб къычыргъандан – къоркъма, тынч олтургъандан – къоркъ.
- Чакъырылмагъан къонакъ – орунсуз.
- Тамбла алтындан бюгюн багъыр ашхы.
- Танг атмайма десе да, кюн къоярыкъ тюйюлдю.
- Сангырау къулакъ эл бузар.
- Иги адамны бир сёзю эки болмаз.
- Тойгъа алгъа да барма, тойда артха да къалма.
- Акъыл аздырмаз, билим тоздурмаз.
- Ичимден чыкъды хата, къайры барайым сата?
- Кийимни бир кюнню аясанг, минг кюннге джарар.
- Кёб ант этген, кёб ётюрюк айтыр.
- Къазанны башы ачыкъ болса, итге уят керекди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъугъан озар, окъумагъан тозар.
- Келгинчи, къонакъ уялыр, келгенден сора, къонакъбай уялыр.
- Джуртун къоругъан озар.
- Алма терегинден кери кетмез.
- Керти сёзге тёре джокъ.
- Ата Джуртун танымагъан, атасын да танымаз.
- Чабакъсыз кёлге къармакъ салгъанлыкъгъа, чабакъ тутмазса.
- Джигер – джаннга къыйынлыкъ.
- Чабар ат – джетген къыз.
- Нафысынгы айтханын этме, намысынгы айтханын эт.
- Сютню башын джалагъан къутулур, тюбюн ичген тутулур.
- Татлы сёз – балдан татлы.
- Джумушакъ сёз къаты таякъны сындырыр.
- Ётген ёмюр – акъгъан суу.
- Кюн – узун, ёмюр – къысха.
- Гыдай эчки суугъа къараб, мюйюзле кёрмесе, джашма алкъын, дегенди.
СРОЧНО КУПЛЮ (ДВУХ) комнатную квартиру в МСК
|
Есть 3-х.комнатная в баксане,и дешевле и воздух чище)
|
||||
|
|
|
|||
Читают тему (гостей: 1)