- Соргъан айыб тюлдю, билмеген айыбды.
- Айтхан сёзюне табылгъан.
- Айныгъанлы алты кюн, тогъайгъанлы тогъуз кюн.
- Баргъанынга кёре болур келгенинг.
- Экеу тутушса, биреу джыгъылыр.
- Къралынгы – душмандан, башынгы от бла суудан сакъла.
- Атынг аманнга чыкъгъандан эсе, джанынг тамагъынгдан чыкъсын.
- Окъумагъан сокъурду, сокъур ташха абыныр!
- Эркиши – от, тиширыу – суу.
- Джашлыкъ этмеген, башлыкъ этмез.
- Ашыкъгъан cуу, тенгизге джетмез.
- Джюрекге ариу – кёзге да ариу.
- Накъырданы арты керти болур.
- Зарда марда джокъ.
- Къыз чыгъаргъан – къызыл къымжа.
- Ашыкъгъанны этеги бутуна чырмалыр.
- Халкъгъа джарагъан, джарлы къалмаз.
- Кёбден умут этиб, аздан къуру къалма.
- Мени джылытмагъан кюн, меннге тиймесин!
- Билеги кючлю, бирни джыгъар, билими кючлю, мингни джыгъар.
- Уруну арты – къуру.
- Ата – баланы уясы.
- Тёзген – тёш ашар!
- Ашха уста, юйюнде болсун
- Адеб этмеген, адеб кёрмез.
- Тюзню ётмеги тюзде къалса да, тас болмаз.
- Татлы тилде – сёз ариу, чемер къолда – иш ариу.
- Ышармагъан – кюлмез, кюлмеген – къууанчны билмез.
- Ашын ашагъанынгы, башын да сыйла.
- Джюрек кёзден алгъа кёрюр.
- Аз сёлешген, къайгъысыз турур.
- Джолунга кёре – джюрюшюнг, джагъанга кёре – юлюшюнг.
- Аш кетер да бет къалыр.
- Ишин билген, аны сыйын чыгъарады.
- Аллахдан тилесенг, кёб тиле.
- Адамгъа аман кюн соруб келмейди.
- Келинни – келгинчи, бёркню кийгинчи кёр.
- Бети къызарыучу адамны, джюреги харам болмаз.
- Игини сыйлагъан адетди.
- Ойнай билмеген, оюн бузар.
- Ашхы болсанг, атынг чыгъар, аман болсанг, джанынг чыгъар.
- Кёл ашады да, кеси ашады.
- Таш ата билмеген, башына урур.
- Суу кетер, таш къалыр.
- Арыгъан къош чамчы болур.
- Аман адам элни бир-бирине джау этер.
- Тойгъа алгъа да барма, тойда артха да къалма.
- Тёрде – темир таякълы, къаяда – чыпчыкъ аякълы.
- Кёб джат да, бек чаб.
- Ойнай-ойнай кёз чыгъар.
СРОЧНО КУПЛЮ (ДВУХ) комнатную квартиру в МСК
|
Есть 3-х.комнатная в баксане,и дешевле и воздух чище)
|
||||
|
|
|
|||
Читают тему (гостей: 1)