- Хар адамгъа кеси миннген тау кибик.
- Уллу атлама – абынырса, уллу къабма – къарылырса.
- Тойгъа барсанг, тоюб бар, эски тонунгу къоюб бар.
- Тёрени джагъы джокъ.
- Юйлю уругъа ит чабмаз.
- Алтыннга тот къонмаз.
- Мухарны эси – ашарыкъда.
- Миллетни бойну – базыкъ, аны бла кюрешген – джазыкъ.
- Онгсузну – джакъла, тенгликни – сакъла.
- Узун джолну барсанг, бюгюн келирсе, къысха джолну барсанг, тамбла келирсе.
- Адам къыйынлыгъын кёлтюрюр, зауукълугъун кёлтюрмез.
- Джангыз торгъай джырламаз.
- Адамны аты башхача, акъылы да башхады.
- Ач, тоймам, дейди, тойгъан, ач болмам, дейди.
- Билимсиз иш бармаз.
- Адамгъа аман кюн соруб келмейди.
- Адеб базарда сатылмаз.
- Ёзденликни джайгъан – джокълукъ.
- Сабыр джетер муратха, сабырсыз къалыр уятха.
- Дууулдаса – бал чибин, къонса – къара чибин.
- Кюн кёрмеген, кюн кёрсе, кюндюз чыракъ джандырыр.
- Тюзню ётмеги тюзде къалса да, тас болмаз.
- Алгъанда – джууукъ, бергенде – джау.
- Башланнган иш битер, къымылдагъан тиш тюшер.
- Юй ишлеген балта эшикде къалыр.
- Эринчекни аурууу – кёб.
- Мен да «сен», дейме, сен да «кесим», дейсе.
- Джуртун къоругъан озар.
- Иши джокъну, сыйы джокъ.
- Къатын байлыкъны сюер, эр саулукъну сюер.
- Эллинг бла джау болсанг да, юйюнг бла джау болма.
- Кеси юйюмде мен да ханма.
- Джаным-тиним – окъуу, билим.
- Ишлерге уял да, ашаргъа табма.
- Аз сёлешген, къайгъысыз турур.
- Джарлы тюеге минсе да, ит къабар.
- Тиширыусуз юй – отсуз от джагъа.
- Орну джокъну – сыйы джокъ.
- Ойнай билмеген, уруб къачар.
- Бир абыннган – минг сюрюнюр.
- Къазанчы аман болса, къазаны къайнамаз.
- Урама да – ёледи, сатама да – келеди.
- Бет бетге къараса, бет да джерге къарар.
- Ышармагъан – кюлмез, кюлмеген – къууанчны билмез.
- Ашда – бёрю, ишде – ёлю.
- Гырджын – тепсини тамадасы.
- Аллахдан тилесенг, кёб тиле.
- Иги сёз – джаннга азыкъ, аман сёз башха – къазыкъ.
- Тойну къарнашы – харс, джырны къарнашы – эжиу.
- Джюз элде джюз ёгюзюм болгъандан эсе, джюз джууугъум болсун.
Ошибка!
Для просмотра темы введите ваши логин и пароль.Пожалуйста, авторизуйтесь: