- Адам сёзюнден белгили.
- Чоюнну башы ачыкъ болса, итге уят керекди.
- Ашатыргъа иш – ашхы, ишлетирге аш – ашхы.
- Бал чибинни ургъаны – ачы, балы – татлы.
- Урама да – ёледи, сатама да – келеди.
- Иги болса, тамадама – махтау, аман болса, меннге – айыб.
- Айырылмаз джууугъунга, унутмаз сёзню айтма.
- Ишленмеген джаш – джюгенсиз ат, ишленмеген къыз – тузсуз хант.
- Кёбден умут этиб, аздан къуру къалма.
- Суугъа – чабакъ, къаягъа – ыргъакъ.
- Къарнынг къанлынга кийирир.
- Къоркъакъны кёзю экили кёрюр.
- Аман адамны тепсинге олтуртсанг, къызынгы тилер.
- Аман къатын сабий табса, бий болур…
- Билимли ёлмез, билимсиз кёрмез.
- Ач – эснер, ат – кишнер.
- Чомартха Тейри да борчлуду.
- Кирсизни – саны таза, халалны – къаны таза.
- Сакъ юйюне сау барыр.
- Аууз сакълагъан – джан сакълар.
- Ёлген аслан – сау чычхан.
- Джетген къыз джерли эшекни танымаз.
- Адеб этмеген, адеб кёрмез.
- Кийиминг бла танылма, адамлыкъ бла таныл.
- Малны кют, джерни тюрт.
- Джарлыны тону джаз битер.
- Аманнга да, игиге да оноусуз къатышма.
- Сакъламагъан затынга джолукъсанг, не бек къууанаса, не бек ачыйса.
- Адамны артындан къара сабан сюрме.
- Ушамагъан – джукъмаз.
- Хаухну атма, ёнгкючню сатма.
- Аманнга алтын чыдамаз.
- Ойнаб айтсанг да, эслеб айт.
- Ханнга да келеди хариблик.
- Билген билмегенни юретген адетди.
- Аманнга игилик этсенг, юйюнге сау бармазса.
- Артына баргъанны, къатына барма.
- Рысхы джалгъанды: келген да этер, кетген да этер.
- Акъыл аздырмаз, билим тоздурмаз.
- Акъыл сабырлыкъ берир.
- Аш берме да, къаш бер.
- Ачлыкъ отха секиртир.
- Хар ишни да аллы къыйынды.
- Аман эсирсе, юйюн ояр.
- Эл ауузу – элек, анга ийнаннган – халек.
- Билим – акъылны чырагъы.
- Гугук кесини атын айтыб къычыргъанча, мен, мен деб нек тураса?
- Юйюнгден чыкъдынг – кюнюнгден чыкъдынг.
- Къазанны башы ачыкъ болса, итге уят керекди.
- Кёл – къызбай, къол – батыр.
Ошибка!
Для просмотра темы введите ваши логин и пароль.Пожалуйста, авторизуйтесь: