- Аман къатын сабий табса, бий болур…
- Тюз сёз баргъан сууну тыяр.
- Джаш къарыу бла кючлю, къарт акъыл бла кючлю.
- Кёл – къызбай, къол – батыр.
- Дуния аламаты сен эсенг да, игиме деб айтма.
- Эллинг бла джау болсанг да, юйюнг бла джау болма.
- Ишленмеклик адамлыкъды.
- Эринчекни аурууу – кёб.
- Асхат ашлыкъ сата, юйдегиси ачдан къата.
- Айраннга суу къош, телиге джол бош.
- Арба аугъандан сора, джол кёргюзтюучю кёб болур.
- Джюрекге ариу – кёзге да ариу.
- Гыдай эчки суугъа къараб, мюйюзле кёрмесе, джашма алкъын, дегенди.
- Сютден ауузу кюйген, суугъа юфгюре эди.
- Ётюрюкден тюбю джокъ, кёлтюрюрге джиби джокъ.
- Къазанда болса, чолпугъа чыгъар.
- Зарда марда джокъ.
- Къаллай салам берсенг, аллай джууаб алырса.
- Ашыкъгъанны этеги бутуна чырмалыр.
- Чабакъгъа акъыл, табагъа тюшсе келеди.
- Ойнаб айтсанг да, эслеб айт.
- Дуния малгъа сатылма, кесингден телиге къатылма.
- Ана кёлю – балада, бала кёлю – талада.
- Кёб къычыргъандан – къоркъма, тынч олтургъандан – къоркъ.
- Башы джабылгъан челекге, кир тюшмез.
- Аякъларынгы джууургъанынга кёре узат.
- Кёкдеги болмаса, джердегин кёрмейди.
- Сагъышы джокъ – джукъучу, акъылы джокъ – къаугъачы.
- Кёпюр салгъан кеси ётер, уру къазгъан кеси кетер.
- Бозаны арты дауур болур.
- Уллу атлама – абынырса, уллу къабма – къарылырса.
- Намысы джокъну – дуниясы джокъ.
- Къралынгы – душмандан, башынгы от бла суудан сакъла.
- Аман адам элни бир-бирине джау этер.
- Игилик игилик бла сингдирилиучю затды.
- Байлыкъ болгъан джерде, тынчлыкъ джокъду.
- Юйюнг бла джау болгъандан эсе, элинг бла джау бол.
- Тас болгъан бычакъны сабы – алтын.
- Уясында не кёрсе, учханында аны этер.
- Акъылсызны джууукъгъа алма, акъыллыны кенгнге салма.
- Танг атмайма десе да, кюн къоярыкъ тюйюлдю.
- Биреу къой излей, биреу той излей.
- Кесинге джетмегенни, кёб сёлешме.
- Джылар джаш, атасыны сакъалы бла ойнар.
- Ашарыкъда сайлагъаннга – чий гырджын.
- Кёзюнде тереги болгъан, чёбю болгъаннга кюле эди.
- Билим – акъылны чырагъы.
- Эки къатын алгъанны къулагъы тынгнгаймаз.
- Ач келгенни – тойдур, кеч келгенни – къондур.
- Ишин билген, аны сыйын чыгъарады.
Ошибка!
Для просмотра темы введите ваши логин и пароль.Пожалуйста, авторизуйтесь: