- Ауругъанны сау билмез, ач къарынны токъ билмез.
- Аллахха ийнаннган кишини, Аллах онгдурур ишин.
- Ишленмеген джаш – джюгенсиз ат, ишленмеген къыз – тузсуз хант.
- Уллу къазанда бишген эт, чий къалмаз.
- Акъыл аздырмаз, билим тоздурмаз.
- Ата Джуртун танымагъан, атасын да танымаз.
- Ана – юйню кюн джарыгъы.
- Минг тенг да азды, бир джау да кёбдю.
- Ариу сёз аурууунгу алыр.
- Атлыны кёрсе, джаяуну буту талыр.
- Эм ашхы къайын ана мамукъ бла башынгы тешер.
- Бети бедерден, намыс сакълама.
- Ашатыргъа иш – ашхы, ишлетирге аш – ашхы.
- Огъурлуну сёзю – суу, огъурсузну сёзю – уу.
- Кёзюнде тереги болгъан, чёбю болгъаннга кюле эди.
- Чарсда алчыны эл кёреди.
- Хата – гитчеден.
- Къыйынлы джети элни къайгъысын этер.
- Хоншуну тауугъу къаз кёрюнюр, келини къыз кёрюнюр.
- Кёз – сюйген джерде, къол – ауругъан джерде.
- Ач, тоймам, дейди, тойгъан, ач болмам, дейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тил джюрекге джол ишлейди.
- Тынгылагъан тынгы бузар.
- Билим насыб берир, билим джолну керир.
- Кесинг сынамагъан затны, адамгъа буюрма.
- Юй ишлеген балта эшикде къалыр.
- Джетген къыз джерли эшекни танымаз.
- Биреу ашаб къутулур, биреу джалаб тутулур.
- Уруну арты – къуру.
- Адамны артындан къара сабан сюрме.
- Билмейме деген – бир сёз
- Бозаны арты дауур болур.
- Аз сёлеш, кёб ишле.
- Мухарны эси – ашарыкъда.
- Чыкълы кюнде чыкъмагъан, чыкъса къуру кирмеген.
- Таукел къуру къалмаз.
- Къайгъыны сюйген, къайгъы табар.
- Байны оноуу, джарлыгъа джарамаз.
- Биреуню къыйынлыгъы бла кесинге джол ишлеме.
- Аманны тукъумуна къарама, игини тукъумун сорма.
- Сёз – кюмюш, джыр – алтын.
- Ауругъан – джашаудан умутчу.
- Къан бла кирген, джан бла чыгъар.
- Aдам боллукъ, сыфатындан белгили.
- Гыдай эчки суугъа къараб, мюйюзле кёрмесе, джашма алкъын, дегенди.
- Мураты болгъанны джюрек тебюую башхады.
- Адамны аты башхача, акъылы да башхады.
- Намыс сатылыб алынмайды.
- Джан саулукъ бермей, сан саулукъ бермезсе.
Ошибка!
Для просмотра темы введите ваши логин и пароль.Пожалуйста, авторизуйтесь: