- Чарсда алчыны эл кёреди.
- Къыйынлы джети элге оноу этер.
- Ашда – бёрю, ишде – ёлю.
- Тилчи тилден къаныкъмаз.
- Тамырсыз терекге таянма – джыгъылырса.
- Адебсиз адам – джюгенсиз ат.
- Ашын ашагъанынгы, башын да сыйла.
- Туз, гырджын аша, тюзлюк бла джаша.
- Эшекге миннген – биринчи айыб, андан джыгъылгъан – экинчи айыб.
- Чакъырылгъанны аты, чакъырылмагъанны багъасы болур.
- Къазанчы аман болса, къазаны къайнамаз.
- Тилчиден кери бол.
- Эте билген, этген этеди, эте билмеген, юретген этеди!
- Сескекли кесин билдирир.
- Ач да бол, токъ да бол – намысынга бек бол.
- Кёбден умут этиб, аздан къуру къалма.
- Эркишини аманы тиширыуну джылатыр.
- Баш – акъыл ючюн, акъылман – халкъ ючюн.
- Къартны бурнун сюрт да, оноугъа тут.
- Чомартха хар кюн да байрамды.
- Сагъыш – къартлыкъгъа сюйюмчю.
- Ёнгкюч къууана барыр, джылай келир.
- Мал кёб болса, джууукъ кёб болур.
- Суугъа – чабакъ, къаягъа – ыргъакъ.
- Айран тёгюлсе, джугъусу къалыр.
- Къартха ушагъан джаш – акъыллы, джашха ушагъан къарт – тели.
- Кёб ант этген, кёб ётюрюк айтыр.
- Бал чибинни ургъаны – ачы, балы – татлы.
- Оюмсуз атлагъан, аджалсыз ёлюр.
- Урама да – ёледи, сатама да – келеди.
- Рысхысына кёре, джаш ёсер, къышлыгъына кёре, мал ёсер.
- Адамны аманы адамны бети бла ойнар.
- Ойнаб айтсанг да, эслеб айт.
- Гырджын – тепсини тамадасы.
- Джарлыны эшигин махтагъан джабар.
- Ачлыкъ отха секиртир.
- Хар ишни да аллы къыйынды.
- Къоркъакъны кёзю экили кёрюр.
- Эл бла кёргенинг эрелей.
- Къарнынг ауруса, ауузунгу тый
- Кёзю сокъурдан – къоркъма, кёлю сокъурдан – къоркъ.
- Къан бла кирген, джан бла чыгъар.
- Ачылгъан эт джабылыр, кёрген кёз унутмаз.
- Окъуусуз билим – джокъ, билимсиз кюнюнг – джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къатыны харакетли болса, эри къымсыз болур.
- Азыкъ аз болса, эртде орун сал.
- Ашхы тенг джолгъа салыр, аман тенг джолдан тайдырыр.
- Халкъны джырын джырласанг, халкъ санга эжиу этер.
- Мал ёлсе, сюек къалыр, адам ёлсе, иши къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: