- Къонакъ кёб келюучю юйню, къазаны отдан тюшмез.
- Кёб ант этген, кёб ётюрюк айтыр.
- Джаным-тиним – окъуу, билим.
- Аш кетер да бет къалыр.
- Къазанны башы ачыкъ болса, итге уят керекди.
- Мураты болгъанны джюрек тебюую башхады.
- Ач – эснер, ат – кишнер.
- Ачлыкъ отха секиртир.
- Тынгылагъан тынгы бузар.
- Ач уят къоймаз.
- Джангыз терек къынгыр ёсер.
- Юй кюйдю да, кюйюз чыкъды, ортасындан тюйюш чыкъды.
- Тил – кесген бычакъ, сёз – атылгъан окъ.
- Аманнга алтын чыдамаз.
- Адамны аты башхача, акъылы да башхады.
- Айныгъанлы алты кюн, тогъайгъанлы тогъуз кюн.
- Элге къуллукъ этмеген, элге ие болмаз.
- Ушамагъан – джукъмаз.
- Ёгюзню мюйюзлери ауурлукъ этмейдиле.
- Чакъырылмагъан джерге барма, чакъырылгъан джерден къалма.
- Ачлыкъда тары гырджын халыуадан татлы.
- Рысхы джалгъанды: келген да этер, кетген да этер.
- Келгинчи, къонакъ уялыр, келгенден сора, къонакъбай уялыр.
- Къонакъ аз олтурур, кёб сынар.
- Айранны сюйген, ийнек тутар.
- Магъанасыз сёз – тауушсуз сыбызгъы.
- Хантына кёре тузу, юйюне кёре къызы.
- Чыкълы кюнде чыкъмагъан, чыкъса къуру кирмеген.
- Джаш къарыу бла кючлю, къарт акъыл бла кючлю.
- Бетинги сатма, малынгы сат.
- Бал чибинни ургъаны – ачы, балы – татлы.
- Адам сёзге тынгыла, акъыл сёзню ангыла.
- Ана – юйню кюн джарыгъы.
- Ашха уста, юйюнде болсун
- Джангыз торгъай джырламаз.
- Билими азны – ауузунда кирит.
- Уллу атлама – абынырса, уллу къабма – къарылырса.
- Къазанда болса, чолпугъа чыгъар.
- Аман къатын алгъан, арыр, иги къатын алгъан джарыр.
- Къарнынг бла ёч алма.
- Ата Джуртун танымагъан, атасын да танымаз.
- Окъугъан – асыу, окъумагъан – джарсыу.
- Ариу сёз – джаннга азыкъ, аман сёз – башха къазыкъ.
- Адамны артындан къара сабан сюрме.
- Орну джокъну – сыйы джокъ.
- Ёнгкюч къууана барыр, джылай келир.
- Иги сеники эсе да, сюйген кесимикин этеме.
- Эки итни арасына сюек атма, эки адамны арасында сёз чыгъарма.
- Мен да «сен», дейме, сен да «кесим», дейсе.
- Джыланны къуйругъундан басарынг келсе, аны башы болгъанын унутма.
Ошибка!
Для просмотра темы введите ваши логин и пароль.Пожалуйста, авторизуйтесь: