- Ариу сёз аурууунгу алыр.
- Эрине къаргъыш этген къатын, эрнин къабар.
- Зар адамны насыбы болмаз.
- Айныгъанлы алты кюн, тогъайгъанлы тогъуз кюн.
- Аманнга алтын чыдамаз.
- Къалгъан ишге къар джауар.
- Аманны эки битли тону болур, бирин сеннге кийдирир, бирин кеси киер.
- Кесинг сынамагъан затны, адамгъа буюрма.
- Къатыны харакетли болса, эри къымсыз болур.
- Къуру гыбыт бек дыгъырдар.
- Окъуусуз билим – джокъ, билимсиз кюнюнг – джокъ.
- Аллахдан тилесенг, кёб тиле.
- Джерни букъусу кёкге къонмаз.
- Ачыу алгъа келсе, акъыл артха къалады.
- Дууулдаса – бал чибин, къонса – къара чибин.
- Аман адам этегингден тутса, кес да къач.
- Элни кючю – эмеген.
- Ёнгкюч къууана барыр, джылай келир.
- Аз сёлеш, кёб ишле.
- Чабакъ башындан чирийди.
- Сакъ юйюне сау барыр.
- Гугук кесини атын айтыб къычыргъанча, мен, мен деб нек тураса?
- Айырылмаз джууугъунга, унутмаз сёзню айтма.
- Терслик кетер, тюзлюк джетер.
- Ач къалгъандан, кеч къалгъан къолай.
- Билмейме деген – бир сёз
- Телиге от эт десенг, юйюнге от салыр.
- Чабакъгъа акъыл, табагъа тюшсе келеди.
- Тамбла алтындан бюгюн багъыр ашхы.
- Кесинге джетмегенни, кёб сёлешме.
- Къарын къуру болса, джюрек уру болур.
- Кёпюр салгъан кеси ётер, уру къазгъан кеси кетер.
- Къарны аманнга къазан такъдырма, къолу аманнга от джакъдырма.
- Сабийни джумушха джибер да, ызындан бар.
- Бети – къучакълар, джюреги – бычакълар.
- Адам къаллай бир ишленмесе, аллай бир кесин уллу кёреди.
- Кюн – узун, ёмюр – къысха.
- Рысхысына кёре, джаш ёсер, къышлыгъына кёре, мал ёсер.
- Махтаннган къыз, тойда джукълар.
- Кийимни бичсенг, кенг бич, тар этген къыйын тюлдю.
- Джылкъыдан – ат чыгъар, тукъумдан – джаш чыгъар.
- Туз, гырджын аша, тюзлюк бла джаша.
- Къар – келтирди, суу – элтди.
- Къарнынг ауруса, ауузунгу тый
- Джаш къарыу бла кючлю, къарт акъыл бла кючлю.
- Киштикге къанат битсе, чыпчыкъ къалмаз эди.
- Кёзден кетген, кёлден да кетеди.
- Берекет берсин деген джерде, берекет болур.
- Къонакъ аз олтурур, кёб сынар.
- Чомарт къонакъ юй иесин сыйлар.
Ошибка!
Для просмотра темы введите ваши логин и пароль.Пожалуйста, авторизуйтесь: