- Тойгъа алгъа да барма, тойда артха да къалма.
- Дууулдаса – бал чибин, къонса – къара чибин.
- Кёрмегеннге кебек – танг, битмегеннге сакъал – танг.
- Кюн кёрмеген, кюн кёрсе, кюндюз чыракъ джандырыр.
- Суугъа – чабакъ, къаягъа – ыргъакъ.
- Махтаннган къыз, тойда джукълар.
- Тойгъан антын унутур.
- Аджалсыз ёлюм болмаз.
- Чабар ат – джетген къыз.
- Бермеген къол, алмайды.
- Ата Джуртун танымагъан, атасын да танымаз.
- Бал – татлы, балдан да бала – татлы.
- Байма, деб да, къууанма, джарлыма, деб да, джылама.
- Ётюрюк хапар аякъ тюбю бла джюрюйдю.
- Ётюрюкден тюбю джокъ, кёлтюрюрге джиби джокъ.
- Сибиртки да сыйлы болду, кюрек да кюнлю болду.
- Кёзю сокъурдан – къоркъма, кёлю сокъурдан – къоркъ.
- Ётген ёмюр – акъгъан суу.
- Къыйынлы джети элге оноу этер.
- Тил – кесген бычакъ, сёз – атылгъан окъ.
- Ата джурт – алтын бешик.
- Къулакъдан эсе, кёзге ышан.
- Татлы сёз – балдан татлы.
- Атадан ёксюз – бир ёксюз, анадан ёксюз – эки ёксюз.
- Айтханы чапыракъдан ётмеген.
- Эри аманны, къатыны – аман.
- Элни кючю – эмеген.
- Рысхы – сют юсюнде кёмюк кибикди.
- Чыкълы кюнде чыкъмагъан, чыкъса къуру кирмеген.
- Джолунга кёре – джюрюшюнг, джагъанга кёре – юлюшюнг.
- Ётюрюкню башын керти кесер.
- Тулпарлыкъ, билекден тюл – джюрекден.
- Азыкъ аз болса, эртде орун сал.
- Къарны аманнга къазан такъдырма, къолу аманнга от джакъдырма.
- Къанны къан бла джуума, аманны аман бла къуума.
- Зар адам ашынгы ашар, кесинги сатар.
- Кимни – тили, тиши онглу, кимни – къолу, иши онглу.
- Ариу сёз аурууунгу алыр.
- Тюзню ётмеги тюзде къалса да, тас болмаз.
- Биреуге аманлыкъ этиб, кесинге игилик табмазса.
- Ата – баланы уясы.
- Иги сеники эсе да, сюйген кесимикин этеме.
- Джыйырма къойну юч джыйырма эбзе кюте эди.
- Адамны сыфатына къарама, сёзюне къара.
- Аууз сакълагъан – джан сакълар.
- Керти сёзге тёре джокъ.
- Ёлмесенг да, къарт дамы болмазса?
- Гитче джилтин уллу элни джандырыр.
- Бал чибинни ургъаны – ачы, балы – татлы.
- Терслик кетер, тюзлюк джетер.
Ошибка!
Для просмотра темы введите ваши логин и пароль.Пожалуйста, авторизуйтесь: