- Ханы къызы буюгъа-буюгъа киштик болду.
- Экеу тутушса, биреу джыгъылыр.
- Азыкъ аз болса, эртде орун сал.
- Тамчы таш тешер.
- Дуния мал дунияда къалады.
- Чомартха Тейри да борчлуду.
- Кёл – къызбай, къол – батыр.
- Эр абынмай, эл танымаз.
- Айырылмаз джууугъунга, унутмаз сёзню айтма.
- Атлыны кёрсе, джаяуну буту талыр.
- Таула не мийик болсала да, аууш табылыр.
- Аз айтсам, кёб ангылагъыз.
- Тойгъан антын унутур.
- Таукел адам тау тешер.
- Къазанчы аман болса, къазаны къайнамаз.
- Сормай – алма, чакъырылмай – барма.
- Рысхысына кёре, джаш ёсер, къышлыгъына кёре, мал ёсер.
- Ата – баланы уясы.
- Сютден ауузу кюйген, суугъа юфгюре эди.
- Тил бла келеди джыр да.
- Урама да – ёледи, сатама да – келеди.
- Агъач халкъгъа алтынды, иссиликге салкъынды.
- Терслик кетер, тюзлюк джетер.
- Туз, гырджын аша, тюзлюк бла джаша.
- Ёнгкюч къууана барыр, джылай келир.
- Тюкюрюк баш джармаз, налат кёз чыгъармаз!
- Эли джокъну – кёлю джокъ.
- Мал тутхан – май джалар.
- Ишлегенден, къарагъан уста.
- Кесине гебен этелмеген, биреуге черен эте эди.
- Ётюрюкден тюбю джокъ, кёлтюрюрге джиби джокъ.
- Хазыр ашха – терен къашыкъ.
- Кёбню кёрген – кёб билир.
- Эрни эр этерик да, къара джер этерик да, тиширыуду.
- Аман адам этегингден тутса, кес да къач.
- Бал ашаргъа сюе эсенг, чибин ургъаннга тёз.
- Кийиминг бла танылма, адамлыкъ бла таныл.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Илму – джашауну джолу.
- Ашхы сёз таш тешер.
- Кюн кёрмеген, кюн кёрсе, кюндюз чыракъ джандырыр.
- Ауузу бла къуш тута айланады.
- Чёбню кёлтюрсенг, тюбюнден сёз чыгъар.
- Атадан ёксюз – бир ёксюз, анадан ёксюз – эки ёксюз.
- Адам туугъан джеринде, ит тойгъан джеринде.
- Гугук кесини атын айтыб къычыргъанча, мен, мен деб нек тураса?
- Къулакъдан эсе, кёзге ышан.
- Джиби бир къат джетмей эди да, эки къат тарта эди.
- Аманны эки битли тону болур, бирин сеннге кийдирир, бирин кеси киер.
- Ариу сёзде ауруу джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: