- Къартха ушагъан джаш – акъыллы, джашха ушагъан къарт – тели.
- Мен да «сен», дейме, сен да «кесим», дейсе.
- Кёз – сюйген джерде, къол – ауругъан джерде.
- Чакъырылгъанны аты, чакъырылмагъанны багъасы болур.
- Къарнынг къанлынга кийирир.
- Джарлы джети элни сёзюн этер.
- Джуртун къоругъан озар.
- Джолунга кёре – джюрюшюнг, джагъанга кёре – юлюшюнг.
- Олтуруб кёрюнмей эди да, ёрге туруб кёрюне эди.
- Байлыкъ келсе, акъыл кетер.
- Айырылмаз джууугъунга, унутмаз сёзню айтма.
- Аманны къуугъан, аманлыкъ табар.
- Адам сёзюнден белгили.
- Айтханы чапыракъдан ётмеген.
- Байлыкъ адамны сокъур этер.
- Билимсиз иш бармаз.
- Аууз сакълагъан – джан сакълар.
- Аш иеси бла татлыды.
- Эркишини аманы тиширыуну джылатыр.
- Къонакъ кёб келюучю юйню, къазаны отдан тюшмез.
- Джолда аягъынга сакъ бол, ушакъда тилинге сакъ бол.
- Сёлеш деб шай берген, тохта деб, сом берген.
- Терслик кетер, тюзлюк джетер.
- Ачлыкъ отха секиртир.
- Адеб джокъда, намыс джокъ.
- Сёз – кюмюш, джыр – алтын.
- Чыбыкълыкъда бюгюлмеген, къазыкълыкъда бюгюлмей эди.
- Баш – акъыл ючюн, акъылман – халкъ ючюн.
- Киштикге къанат битсе, чыпчыкъ къалмаз эди.
- Сакъламагъан затынга джолукъсанг, не бек къууанаса, не бек ачыйса.
- Гырджын – тепсини тамадасы.
- Ауругъан – джашаудан умутчу.
- Биреуге аманлыкъ этиб, кесинге игилик табмазса.
- Бек ашыкъгъан меннге джетсин, дегенди аракъы.
- Мухарны эси – ашарыкъда.
- Магъанасыз сёз – тауушсуз сыбызгъы.
- Кёбден умут этиб, аздан къуру къалма.
- Джарлыны тону джаз битер.
- Къызын тута билмеген, тул этер, джашын тута билмеген, къул этер.
- Къарын къуру болса, джюрек уру болур.
- Кесинг сынамагъан затны, адамгъа буюрма.
- Чомарт къонакъ юй иесин сыйлар.
- Эл ауузу – элия.
- Кечеси – аяз, кюню – къыш, джарлы къаргъагъа бир аш тюш!
- Этек чакъмакълары баш джаргъан, сёлешген сёзлери таш джаргъан.
- Суугъа – таянма, джаугъа – ийнанма.
- Кесине оноу эте билмеген, халкъына да эте билмез.
- Эки къатын алгъанны къулагъы тынгнгаймаз.
- Аман адамны тепсинге олтуртсанг, къызынгы тилер.
- Акъыл неден да кючлюдю.
Ошибка!
Для просмотра темы введите ваши логин и пароль.Пожалуйста, авторизуйтесь: