- Эки ойлашыб, бир сёлешген.
- Ачыкъ джюрекге джол – ачыкъ.
- Татлы сёз – балдан татлы.
- Сескекли кесин билдирир.
- Тешигини къатында, чычхан да батыр болур.
- Хазыр ашха – терен къашыкъ.
- Джыйырма къойну юч джыйырма эбзе кюте эди.
- Айтхан сёзюне табылгъан.
- Сёз къанатсыз учар.
- Эринчекни аурууу – кёб.
- Байлыкъ тауусулур, билим тауусулмаз.
- Къарт бла баш аша, джаш бла аякъ аша.
- Сабийни джумушха джибер да, ызындан бар.
- Бал – татлы, балдан да бала – татлы.
- Кёб ант этген, кёб ётюрюк айтыр.
- Айтхан – тынч, этген – къыйын.
- Тёрде – темир таякълы, къаяда – чыпчыкъ аякълы.
- Баш болса, бёрк табылыр.
- Айранын берсенг, челегин да къызгъанма.
- Таш ата билмеген, башына урур.
- Суугъа – чабакъ, къаягъа – ыргъакъ.
- Ичимден чыкъды хата, къайры барайым сата?
- Зар адамны насыбы болмаз.
- Ёмюрлюк шохлукъну джел элтмез.
- Ата джурт – алтын бешик.
- Иги – алгъыш этер, аман – къаргъыш этер.
- Ётюрюкню къуйругъу – бир тутум.
- Джол бла сёзню къыйыры джокъ.
- Ач бёрюге мекям джокъ.
- Дженгил джетерикме деб, узун джолну къоюб, къысхасын барма.
- Дуния аламаты сен эсенг да, игиме деб айтма.
- Къарт айтханны этмеген, къартаймаз.
- Джаным-тиним – окъуу, билим.
- Ата – баланы уясы.
- Махтаннган къыз, тойда джукълар.
- Битмегеннге сакъал – танг.
- Акъылсызны джууукъгъа алма, акъыллыны кенгнге салма.
- Къатын къылыкъсыз, эр тынчлыкъсыз.
- Джылар джаш, атасыны сакъалы бла ойнар.
- Итли къонакъ джарашмаз.
- Кёзюнде тереги болгъан, чёбю болгъаннга кюле эди.
- Кийимни бичсенг, кенг бич, тар этген къыйын тюлдю.
- Сагъышы джокъ – джукъучу, акъылы джокъ – къаугъачы.
- Ашын ашагъанынгы, башын да сыйла.
- Аякъларынгы джууургъанынга кёре узат.
- Ёксюзню тилеги къабыл болур.
- Ойнай билмеген, оюн бузар.
- Кёбню кёрген – кёб билир.
- Билимли ёлмез, билимсиз кёрмез.
- Тил бла келеди джыр да.
Ошибка!
Для просмотра темы введите ваши логин и пароль.Пожалуйста, авторизуйтесь: