- Ач отунчуну ачыуу – бурнунда.
- Джан саулукъ бермей, сан саулукъ бермезсе.
- Джырчы джырчыгъа – къарнаш.
- Ачыкъ джюрекге джол – ачыкъ.
- Уллу атлама – абынырса, уллу къабма – къарылырса.
- Къайгъы тюбю – тенгиз.
- Джолда аягъынга сакъ бол, ушакъда тилинге сакъ бол.
- Ёлмесенг да, къарт дамы болмазса?
- Аууздан келген, къолдан келсе, ким да патчах болур эди.
- Айырылмаз джууугъунга, унутмаз сёзню айтма.
- Тилчи тилден къаныкъмаз.
- Аш иеси бла татлыды.
- Аджал соруб келмез, келсе, къайтыб кетмез.
- Бети бедерден, намыс сакълама.
- Сёз къанатсыз учар.
- Сыфатында болмагъаны, суратында болмаз.
- Тил – миллетни джаны.
- Чыкълы кюнде чыкъмагъан, чыкъса къуру кирмеген.
- Иги сёз – джаннга азыкъ, аман сёз башха – къазыкъ.
- Азыгъы аз, алгъа къабар, аты аман, алгъа чабар.
- Къошда джокъгъа – юлюш джокъ.
- Уллу къашыкъ эрин джыртар.
- Къайгъыны сюйген, къайгъы табар.
- Адеб базарда сатылмаз.
- Кёб джашагъан – кёб билир.
- Таугъа чыгъаллыкъ эсенг, тюзде къалма.
- Эм уллу байлыкъ – джан саулукъ.
- Эртде тургъан бла эртде юйленнген сокъуранмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Шапа кёб болса, аш татымсыз болур.
- Айырылгъанланы айю ашар, бёлюннгенлени бёрю ашар.
- Халкъгъа джарагъан, джарлы къалмаз.
- Насыб бютеу халкъны юлюшюдю.
- Мал кёб болса, джууукъ кёб болур.
- Ач, тоймам, дейди, тойгъан, ач болмам, дейди.
- Ашын ашагъанынгы, башын да сыйла.
- Чакъырылгъанны аты, чакъырылмагъанны багъасы болур.
- Эли джокъну – кёлю джокъ.
- Чакъырылмай келген къонакъ сыйланмай кетер.
- Экеулен сёлеше тура эселе, орталарына барыб кирме.
- Джаз бир кюнню джатсанг, къыш талай кюнню абынырса.
- Ёгюзню мюйюзюнден тутадыла, адамны сёзюнден тутадыла.
- Тешигини къатында, чычхан да батыр болур.
- Урама да – ёледи, сатама да – келеди.
- Ишленмеклик адамлыкъды.
- Тили узунну, намысы – къысха.
- Телиге от эт десенг, юйюнге от салыр.
- Акъыллы – эл иеси, тели – эл баласы.
- Ашхы атаны – джашы ашхы, ашхы ананы – къызы ашхы.
- Аш хазыр болса, иш харам болур.
Ошибка!
Для просмотра темы введите ваши логин и пароль.Пожалуйста, авторизуйтесь: