- Гугурук къычырмаса да, тангны атары къалмаз.
- Тилчи тилден къаныкъмаз.
- Сескекли кесин билдирир.
- Суу кетер, таш къалыр.
- Эрине къаргъыш этген къатын, эрнин къабар.
- Аман киши кеси юйюнде – къонакъ.
- От кюйдюрген, сау болса да, тот кюйдюрген, сау болмаз.
- Мухардан ач ычхынмаз.
- Ойнай билмеген, уруб къачар.
- Башланнган иш битер, къымылдагъан тиш тюшер.
- Джырына кёре эжиую.
- Къолу уллу – асыу, аягъы уллу – джарсыу.
- Аджалсыз ёлюм болмаз.
- Тил бла келеди джыр да.
- Душманны тышы – акъ, ичи – къара.
- Эки къатын алгъан – эки ташны ортасына башын салгъан.
- Джан саулукъ бермей, сан саулукъ бермезсе.
- Байны къызы баймакъ болса да, юйде къалмаз!
- Битмегеннге сакъал – танг.
- Билим – акъылны чырагъы.
- Джарлы тюеге минсе да, ит къабар.
- Игиге айтсанг – билир, аманнга айтсанг – кюлюр.
- Ач бёрюге мекям джокъ.
- Айтханы чапыракъдан ётмеген.
- Ётюрюкден тюбю джокъ, кёлтюрюрге джиби джокъ.
- Арбаз къынгырды да, ийнек сауалмайма.
- Иги сёз – джаннга азыкъ, аман сёз башха – къазыкъ.
- Ким бла джюрюсенг, аны кёзю бла кёрюнюрсе.
- Башсыз урчукъ тюзюне айланмаз.
- Минг тенг да азды, бир джау да кёбдю.
- Бир абыннган – минг сюрюнюр.
- Ёксюзню къалачы уллу кёрюнюр.
- Акъыллы – эл иеси, тели – эл баласы.
- Туз, гырджын аша, тюзлюк бла джаша.
- Ач келгенни – тойдур, кеч келгенни – къондур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къалгъан ишге къар джауар.
- Ариу джол аджал келтирмез.
- Кимни – тили, тиши онглу, кимни – къолу, иши онглу.
- Тамырсыз терекге таянма – джыгъылырса.
- Чакъырылмагъан къонакъ тёрге атламаз.
- Этни бети бла шорпасы.
- Этек чакъмакълары баш джаргъан, сёлешген сёзлери таш джаргъан.
- Ишленмеген джаш – джюгенсиз ат, ишленмеген къыз – тузсуз хант.
- Нарт сёз къарт болмаз.
- Аджаллыгъа окъсуз шкок атылыр.
- Юре билмеген ит, къонакъ келтирир.
- От этилмеген джерден тютюн чыкъмайды.
- Чомарт бергенин айтмаз.
- Джумушакъ сёз къаты таякъны сындырыр.
Ошибка!
Для просмотра темы введите ваши логин и пароль.Пожалуйста, авторизуйтесь: