- Аууз сакълагъан – джан сакълар.
- Ачыкъ джюрекге джол – ачыкъ.
- Къолу уллу – асыу, аягъы уллу – джарсыу.
- Аман къатын сабий табса, бий болур…
- Абынмазлыкъ аякъ джокъ, джангылмазлыкъ джаякъ джокъ.
- Кёзюнде тереги болгъан, чёбю болгъаннга кюле эди.
- Эркиши – от, тиширыу – суу.
- Адам сёзюнден белгили.
- Ойнай билмеген, уруб къачар.
- Насыб бютеу халкъны юлюшюдю.
- Кёл – къызбай, къол – батыр.
- Ашхы сёз таш тешер.
- Билим насыб берир, билим джолну керир.
- Аджал соруб келмез, келсе, къайтыб кетмез.
- Джаш къарыу бла кючлю, къарт акъыл бла кючлю.
- Юй ишлеген балта эшикде къалыр.
- Намыс сатылыб алынмайды.
- Хазыр ашха – терен къашыкъ.
- Ашхы атаны – джашы ашхы, ашхы ананы – къызы ашхы.
- Сабыр джетер муратха, сабырсыз къалыр уятха.
- Эрине къаргъыш этген къатын, эрнин къабар.
- Къызны минг тилер, бир алыр.
- Джарашыу сюйген – джалынчакъ.
- Эски джаугъа ышанма.
- Ата Джуртуму башы болмасам да, босагъасында ташы болайым.
- Сакъламагъан затынга джолукъсанг, не бек къууанаса, не бек ачыйса.
- Ач уят къоймаз.
- Къарны аманнга къазан такъдырма, къолу аманнга от джакъдырма.
- Юйюнгден чыкъдынг – кюнюнгден чыкъдынг.
- Душманны тышы – акъ, ичи – къара.
- Эм ашхы къайын ана мамукъ бла башынгы тешер.
- Кийим тукъум сордурур.
- Ёзденликни кёбю ётюрюк.
- Тойгъан джерден туугъан джер игиди.
- Джашны джигитлиги сорулур, къызны джигерлиги сорулур.
- Ургъан суудан башынгы сакъла.
- Джылкъыдан – ат чыгъар, тукъумдан – джаш чыгъар.
- Керилген да, ургъан кибикди.
- Бек ашыкъгъан меннге джетсин, дегенди аракъы.
- Айныгъанлы алты кюн, тогъайгъанлы тогъуз кюн.
- Хансыз джомакъ болмаз.
- Аш хазыр болса, иш харам болур.
- Ашаса, ашамаса да, бёрюню ауузу – къан.
- Кюн – узун, ёмюр – къысха.
- Арыгъан къош чамчы болур.
- Ёлген эшек бёрюден къоркъмайды.
- Таула не мийик болсала да, аууш табылыр.
- Ашхы – джыяр, аман – джояр.
- Тил джюрекге джол ишлейди.
- Арба аугъандан сора, джол кёргюзтюучю кёб болур.
Ошибка!
Для просмотра темы введите ваши логин и пароль.Пожалуйста, авторизуйтесь: