- Алтыда кюлмеген, алтмышда кюлмез.
- Сабыр джетер муратха, сабырсыз къалыр уятха.
- Элге къуллукъ этмеген, элге ие болмаз.
- Чоюнну башы ачыкъ болса, итге уят керекди.
- Ким бла джюрюсенг, аны кёзю бла кёрюнюрсе.
- Ата – билек, ана – джюрек!
- Адамны аманы адамны бети бла ойнар.
- Акъыл къартда, джашда тюйюлдю – башдады.
- Эл ауузу – элия.
- Гыдай эчки суугъа къараб, мюйюзле кёрмесе, джашма алкъын, дегенди.
- Соргъан айыб тюлдю, билмеген айыбды.
- Телиге от эт десенг, юйюнге от салыр.
- Адамны джюреги нени кёрюрге сюйсе, кёзю да аны кёрюрге ёч болады.
- Чыбыкълыкъда бюгюлмеген, къазыкълыкъда бюгюлмей эди.
- Кюлме джашха – келир башха.
- Джиби бир къат джетмей эди да, эки къат тарта эди.
- Бастасын ашагъан, хантусун да ичер.
- Эки къатын алгъан – эки ташны ортасына башын салгъан.
- Аманнга игилик этсенг, юйюнге сау бармазса.
- Этни бети бла шорпасы.
- Халкъгъа джарагъан, джарлы къалмаз.
- Сагъыш – къартлыкъгъа сюйюмчю.
- Мухардан ач ычхынмаз.
- Аз сёлешген, къайгъысыз турур.
- Джангыз торгъай джырламаз.
- Ана – юйню кюн джарыгъы.
- Кийиминг бла танылма, адамлыкъ бла таныл.
- Юйлю уругъа ит чабмаз.
- Туз, гырджын аша, тюзлюк бла джаша.
- Къонагъы джокъну – шоху джокъ.
- Ариу сёзде ауруу джокъ.
- Сыфатында болмагъаны, суратында болмаз.
- Къолунгдан къуймакъ ашатсанг да, атаны борчундан къутулмазса.
- Аякъларынгы джууургъанынга кёре узат.
- Ёлюр джаннга, ёкюл джокъ.
- Биреуге аманлыкъны тилеме да, кесинге ашхылыкъны тиле.
- Адеб джокъда, намыс джокъ.
- Эрине къаргъыш этген къатын, эрнин къабар.
- Бал чибинни ургъаны – ачы, балы – татлы.
- Зарда марда джокъ.
- Тилчиден кери бол.
- Джюрек кёзден алгъа кёрюр.
- Къарнынг тойгъунчу аша да, белинг талгъынчы ишле.
- Аурууну келиую тынч, кетиую – къыйын.
- Керек ташны ауурлугъу джокъ.
- Айран ичген – къутулду, джугъусун джалагъан – тутулду.
- Арыгъан къош чамчы болур.
- Кёлсюзден сёзсюз тууар.
- Аманны къуугъан, аманлыкъ табар.
- Атынг аманнга чыкъгъандан эсе, джанынг тамагъынгдан чыкъсын.
Ошибка!
Для просмотра темы введите ваши логин и пароль.Пожалуйста, авторизуйтесь: