- «Ма», - дегенни билмесенг, «бер», - дегенни билмезсе.
- Ашхы адам – халкъ байлыгъы, ашхы джер – джашау байлыгъы.
- Тюзню ётмеги тюзде къалса да, тас болмаз.
- Иши джокъну, сыйы джокъ.
- Гугук кесини атын айтыб къычыргъанча, мен, мен деб нек тураса?
- Джырчы джырчыгъа – къарнаш.
- Ашыкъгъан cуу, тенгизге джетмез.
- Тёрени джагъы джокъ.
- Къыз чыгъаргъан – къызыл къымжа.
- Тойгъан джерден туугъан джер игиди.
- Ашда – бёрю, ишде – ёлю.
- Хатерли къул болур.
- Бермеген къол, алмайды.
- Сютню башын джалагъан къутулур, тюбюн ичген тутулур.
- Баш – акъыл ючюн, акъылман – халкъ ючюн.
- Ариу сёз джыланны орнундан чыгъарыр.
- Кёз – сюйген джерде, къол – ауругъан джерде.
- Джол бла сёзню къыйыры джокъ.
- Дуния аламаты сен эсенг да, игиме деб айтма.
- Ишлерге уял да, ашаргъа табма.
- Намыс болмагъан джерде, насыб болмаз.
- Элни кючю – эмеген.
- Окъ къызбайны джокълайды.
- Накъырданы арты керти болур.
- Билмезни кёзю кёрмез, этмезни къулагъы эшитмез.
- Ышармагъан – кюлмез, кюлмеген – къууанчны билмез.
- Адамны сабийин сюйген джюреги, бычакъча, джитиди.
- Тамчы таш тешер.
- Биреуню тёрюнден, кесинги эшик артынг игиди.
- Ашхы атаны – джашы ашхы, ашхы ананы – къызы ашхы.
- Эте билген, этген этеди, эте билмеген, юретген этеди!
- Аджаллыгъа окъсуз шкок атылыр.
- Сёлеш деб шай берген, тохта деб, сом берген.
- Хазыр ашха – терен къашыкъ.
- Накъырда – кертини келечиси.
- Рысхы – насыбха къор.
- Намыс сатылыб алынмайды.
- Телиге акъыл салгъандан эсе, ёлгеннге джан салырса.
- Эринчекни эр алмаз, эр алса да, кёл салмаз, кёл салса да, кёб бармаз!
- Таякъ этден ётер, тил сюекден ётер.
- Айтылгъан буйрукъ, сёгюлмез
- Тура эдим джата, къайдан чыкъды хата?
- Аууз сакълагъан – джан сакълар.
- Джырчы ёлсе, джыры къалыр.
- Айтылгъан сёз ызына къайтмаз.
- Элиб деген, элге болушур.
- Мухарны эси – ашарыкъда.
- Сескекли кесин билдирир.
- Аякъларынгы джууургъанынга кёре узат.
- Ата – билек, ана – джюрек!
Ошибка!
Для просмотра темы введите ваши логин и пароль.Пожалуйста, авторизуйтесь: