- Ач – эснер, ат – кишнер.
- Къартны сыйын кёрмеген, къартлыгъында сыйлы болмаз.
- Аякъларынгы джууургъанынга кёре узат.
- Аууз сакълагъан – джан сакълар.
- Бозанг болмагъан джерге, къалагъынгы сукъма.
- Ишленмеклик адамлыкъды.
- Хар сёзню орну барды.
- Ишни аллы бла къууанма да, арты бла къууан.
- Бир онгсуз адам адет чыгъарды, деб эштирик тюлсе.
- Алтыда кюлмеген, алтмышда кюлмез.
- Кёб джашагъан – кёб билир.
- Джиби бир къат джетмей эди да, эки къат тарта эди.
- Кёлсюзден сёзсюз тууар.
- Ётюрюкчюню шагъаты – къатында.
- Тулпарлыкъ, билекден тюл – джюрекден.
- Кесине оноу эте билмеген, халкъына да эте билмез.
- Айтханы чапыракъдан ётмеген.
- Намыс сатылыб алынмайды.
- Акъдан къара болмаз.
- Шапа кёб болса, аш татымсыз болур.
- Окъумагъан сокъурду, сокъур ташха абыныр!
- Эки ойлашыб, бир сёлешген.
- Эшекни не къадар тюйсенг да, ат болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Ариу сёз аурууунгу алыр.
- Байдан умут эте, джарлыдан ёгюз багъасы къорады.
- Булут кёкге джарашыу, уят бетге джарашыу.
- Къарнынг тойгъунчу аша да, белинг талгъынчы ишле.
- Чомартны къолун джокълукъ байлар.
- Тешик этген тынчды, аны джамагъан къыйынды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къыз чыгъаргъан – къызыл къымжа.
- Къонакъ хазыр болгъанлыкъгъа, къонакъбай хазыр тюлдю.
- Чомарт джарлы болмаз.
- Тилде сюек болмаса да, сюек сындырыр.
- Мадар болса, къадар болур.
- Ашда уялгъан – мухар, ишде уялгъан – хомух.
- Адеб джокъда, намыс джокъ.
- Арпа, будай – ащды, алтын, кюмюш а – ташды.
- Илму – джашауну джолу.
- Мал ёлсе, сюек къалыр, адам ёлсе, иши къалыр.
- Адам боллукъ, атламындан белгили болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Тойгъа барсанг, тоюб бар, эски тонунгу къоюб бар.
- Кёзден кетген, кёлден да кетеди.
- Чалманны аллы къалай башланса, арты да алай барады.
- Окъдан джара эртде-кеч болса да бителир, сёз джара, ёмюрге къалыр.
- Уруну арты – къуру.
- Ауругъан – джашаудан умутчу.
- Сагъышы джокъ – джукъучу, акъылы джокъ – къаугъачы.
Ошибка!
Для просмотра темы введите ваши логин и пароль.Пожалуйста, авторизуйтесь: