- Аджашханны ызындагъы кёреди, джангылгъанны джанындагъы биледи.
- Сютден ауузу кюйген, суугъа юфгюре эди.
- Чомарт къонакъ юй иесин сыйлар.
- Тойгъан джерден туугъан джер игиди.
- Адеб джокъда, намыс джокъ.
- Эллинг бла джау болсанг да, юйюнг бла джау болма.
- Тёгюлген тюгел джыйылмайды.
- Арба аугъандан сора, джол кёргюзтюучю кёб болур.
- Термилгенинги табмазса, кюлгенинге тюберсе.
- Ышармагъан – кюлмез, кюлмеген – къууанчны билмез.
- Ач, тоймам, дейди, тойгъан, ач болмам, дейди.
- Атынг аманнга чыкъгъандан эсе, джанынг тамагъынгдан чыкъсын.
- Аууз сакълагъан – джан сакълар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къонакъ кёб келюучю юйню, къазаны отдан тюшмез.
- Душманны тышы – акъ, ичи – къара.
- Адамны аты башхача, акъылы да башхады.
- Юреннген ауруу къалмаз.
- Чомартха Тейри да борчлуду.
- Уллу атлама – абынырса, уллу къабма – къарылырса.
- Аш кетер да бет къалыр.
- Тура эдим джата, къайдан чыкъды хата?
- Азыкъ аз болса, эртде орун сал.
- Ойнай билмеген, оюн бузар.
- Окъугъан озар, окъумагъан тозар.
- Ишге юренсин къоллары, халкъ бла болсун джоллары.
- Джолда аягъынга сакъ бол, ушакъда тилинге сакъ бол.
- Джумушакъ сёз къаты таякъны сындырыр.
- Элге къуллукъ этмеген, элге ие болмаз.
- Иши джокъну, сыйы джокъ.
- Тойну къарнашы – харс, джырны къарнашы – эжиу.
- Джаханимни кёрмей, джандетге кёл салмазса.
- Юре билмеген ит, къонакъ келтирир.
- Ётюрюкчюню шагъаты – къатында.
- Ашыкъгъанны этеги бутуна чырмалыр.
- Ашарыкъда сайлагъаннга – чий гырджын.
- Кёкдеги болмаса, джердегин кёрмейди.
- Байлыкъ болгъан джерде, тынчлыкъ джокъду.
- Эли джокъну – кёлю джокъ.
- Тау башында, тау болмаз, джангыз терек, бау болмаз.
- Тай асырагъан, атха минер.
- Кютгени беш эчки, сызгъыргъаны уа, джерни джарады.
- Бек анасы джыламаз.
- Къанны къан бла джуума, аманны аман бла къуума.
- «Ёгюз, джаргъа джууукъ барма, меннге джюк боллукъса», - дегенди эшек.
- Тамырсыз терекге таянма – джыгъылырса.
- Къарнынг тойгъунчу аша да, белинг талгъынчы ишле.
- Тулпарлыкъ, билекден тюл – джюрекден.
- Элни кючю – эмеген.
- Ётюрюкню башын керти кесер.
Ошибка!
Для просмотра темы введите ваши логин и пароль.Пожалуйста, авторизуйтесь: