- Аджалсыз ёлюм болмаз.
- Къралынгы – душмандан, башынгы от бла суудан сакъла.
- Таякъ этден ётер, тил сюекден ётер.
- Чакъырылмагъан къонакъ къачан кетерин сормаз.
- Ашлыкъ – бюртюкден, джюн – тюкден.
- Къуру гыбыт бек дыгъырдар.
- Махтаннган къыз, тойда джукълар.
- Ач бёрюге мекям джокъ.
- Битмегеннге сакъал – танг.
- Акъылсызны джууукъгъа алма, акъыллыны кенгнге салма.
- Ишни аллы бла къууанма да, арты бла къууан.
- Атлыны ашхысы, ат тизгининден билинир
- Гугурук къычырмаса да, тангны атары къалмаз.
- Уллу суу бла уллу ауруудан башынгы сакъла.
- Адамны аты башхача, акъылы да башхады.
- Ата джурт – алтын бешик.
- Aдам боллукъ, сыфатындан белгили.
- Билген билмегенни юретген адетди.
- Терслик кетер, тюзлюк джетер.
- Джаш болсун, къыз болсун, акъылы, саны тюз болсун.
- Ачыкъ джюрекге джол – ачыкъ.
- Ач къарным, тынч къулагъым.
- Джиби бир къат джетмей эди да, эки къат тарта эди.
- Къонакъ кёб келюучю юйню, къазаны отдан тюшмез.
- Къартны сыйын кёрмеген, къартлыгъында сыйлы болмаз.
- Ёлген аслан – сау чычхан.
- Бозаны арты дауур болур.
- Сыфатында болмагъаны, суратында болмаз.
- Джан саулукъ бермей, сан саулукъ бермезсе.
- Джашлыкъ этмеген, башлыкъ этмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чабар ат – джетген къыз.
- Сангырау къулакъ эл бузар.
- Атлыны кёрсе, джаяуну буту талыр.
- Ашлыкъны арба юйге келтирир, чана базаргъа элтир.
- Болджал ишни бёрю ашар.
- Адебсиз адам – джюгенсиз ат.
- Айыбны суу бла джууалмазса.
- Байма, деб да, къууанма, джарлыма, деб да, джылама.
- Ата – билек, ана – джюрек!
- Айтылгъан буйрукъ, сёгюлмез
- Тил – кесген бычакъ, сёз – атылгъан окъ.
- Джол бла сёзню къыйыры джокъ.
- Тил – миллетни джаны.
- Кенгеш болса, уруш болмаз.
- Къазанчы аман болса, къазаны къайнамаз.
- Ашатыргъа иш – ашхы, ишлетирге аш – ашхы.
- Бек анасы джыламаз.
- Ана кёлю – балада, бала кёлю – талада.
- Билим ат болуб да чабар, къуш болуб да учар.
Ошибка!
Для просмотра темы введите ваши логин и пароль.Пожалуйста, авторизуйтесь: