- Кесине оноу эте билмеген, халкъына да эте билмез.
- Ишлегенде эринме, ишде чолакъ кёрюнме.
- Тёрени джагъы джокъ.
- Чалманны аллы къалай башланса, арты да алай барады.
- Джаш къарыу бла кючлю, къарт акъыл бла кючлю.
- Мадар болса, къадар болур.
- Насыб бютеу халкъны юлюшюдю.
- Ёлген аслан – сау чычхан.
- Бети къызарыучу адамны, джюреги харам болмаз.
- Чакъырылмагъан джерге барма, чакъырылгъан джерден къалма.
- Хантына кёре тузу, юйюне кёре къызы.
- Рысхы – насыбха къор.
- Хазыр ашха – терен къашыкъ.
- Ашха уста, юйюнде болсун
- Керек ташны ауурлугъу джокъ.
- Тюзню ётмеги тюзде къалса да, тас болмаз.
- Къатыны харакетли болса, эри къымсыз болур.
- Биреу къой излей, биреу той излей.
- Баш – акъыл ючюн, акъылман – халкъ ючюн.
- Таула не мийик болсала да, аууш табылыр.
- Бозанг болмагъан джерге, къалагъынгы сукъма.
- Мал кёб болса, джууукъ кёб болур.
- Хата – гитчеден.
- Керилген да, ургъан кибикди.
- Тели турса – той бузар.
- Онгсузну – джакъла, тенгликни – сакъла.
- Къонагъы джокъну – шоху джокъ.
- Тамбла алтындан бюгюн багъыр ашхы.
- Иши джокъну, сыйы джокъ.
- Огъурлуну сёзю – суу, огъурсузну сёзю – уу.
- Адеб джокъда, намыс джокъ.
- Кийимни бичсенг, кенг бич, тар этген къыйын тюлдю.
- Сабийни джумушха джибер да, ызындан бар.
- Аз сёлешген, къайгъысыз турур.
- Болджал ишни бёрю ашар.
- Ариу сёз – джаннга азыкъ, аман сёз – башха къазыкъ.
- Аджал соруб келмез, келсе, къайтыб кетмез.
- Мухар, кеси тойса да, кёзю тоймаз.
- Къатын къылыкъсыз, эр тынчлыкъсыз.
- Эркишини аманы тиширыуну джылатыр.
- Урунуу – насыбны анасы.
- Къонакъ аман болса, къонакъбай джунчур
- Ишни аллы бла къууанма да, арты бла къууан.
- Телини эшигин, махтау джабар.
- Къоркъакъны кёзю экили кёрюр.
- Билим ат болуб да чабар, къуш болуб да учар.
- Ашыкъгъан cуу, тенгизге джетмез.
- Билимден уллу байлыкъ джокъду.
- Ишленмеклик адамлыкъды.
- Нарт сёз – тилни бети.
Ошибка!
Для просмотра темы введите ваши логин и пароль.Пожалуйста, авторизуйтесь: