- Термилгенинги табмазса, кюлгенинге тюберсе.
- Арыгъан къош чамчы болур.
- Ачыу алгъа келсе, акъыл артха къалады.
- Сормай – алма, чакъырылмай – барма.
- Адамны джюреги нени кёрюрге сюйсе, кёзю да аны кёрюрге ёч болады.
- Тилде сюек болмаса да, сюек сындырыр.
- Керек ташны ауурлугъу джокъ.
- Джол бла сёзню къыйыры джокъ.
- Тюкюрюк баш джармаз, налат кёз чыгъармаз!
- Ушамагъан – джукъмаз.
- От кюйдюрген, сау болса да, тот кюйдюрген, сау болмаз.
- Бек анасы джыламаз.
- Хата – гитчеден.
- Сакъ юйюне сау барыр.
- Гырджын – тепсини тамадасы.
- Эртде тургъан джылкъычыны эркек аты тай табар.
- Уллу къашыкъ эрин джыртар.
- Чакъырылмагъан къонакъ – орунсуз.
- Джарлы эскисин джамаса, къууаныр.
- Эрине къаргъыш этген къатын, эрнин къабар.
- Кимни – тили, тиши онглу, кимни – къолу, иши онглу.
- Кёпюр салгъан кеси ётер, уру къазгъан кеси кетер.
- Джюрекге ариу – кёзге да ариу.
- Джыланны къуйругъундан басарынг келсе, аны башы болгъанын унутма.
- Адеб базарда сатылмаз.
- Келгинчи, къонакъ уялыр, келгенден сора, къонакъбай уялыр.
- Къарнынг тойгъунчу аша да, белинг талгъынчы ишле.
- Къартны сыйын кёрмеген, къартлыгъында сыйлы болмаз.
- Кенгеш болса, уруш болмаз.
- Тыш элде солтан болгъандан эсе, кесинги элде олтан болгъан игиди!
- Баланы адам этген анады.
- Ата – билек, ана – джюрек!
- Эки элинги тыйсанг, джети элде махталырса.
- Чомартха Тейри да борчлуду.
- Абынмазлыкъ аякъ джокъ, джангылмазлыкъ джаякъ джокъ.
- Орну джокъну – сыйы джокъ.
- Адамны адамлыгъы къыйынлыкъда айгъакъланады.
- Мадар болса, къадар болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Айтханы чапыракъдан ётмеген.
- Ариу джол аджал келтирмез.
- Тюзлюк шохлукъну бегитир.
- Адамны аты башхача, акъылы да башхады.
- Кёлю джокъну – джолу джокъ.
- Аманнга алтын чыдамаз.
- Джашлыкъ этмеген, башлыкъ этмез.
- Ана къойну – балагъа джандет.
- Биреуню эскиси биреуге джангы болмайды.
- Аурууну келиую тынч, кетиую – къыйын.
- Аман къатын сабий табса, бий болур…
Ошибка!
Для просмотра темы введите ваши логин и пароль.Пожалуйста, авторизуйтесь: