- Ач къалгъандан, кеч къалгъан къолай.
- Тил джюрекге джол ишлейди.
- Эри аманны, къатыны – аман.
- Тенгни тенглиги джашай барсанг билинир.
- «Ёгюз, джаргъа джууукъ барма, меннге джюк боллукъса», - дегенди эшек.
- Айтылгъан сёз ызына къайтмаз.
- Ишни аллы бла къууанма да, арты бла къууан.
- Эки элинги тыйсанг, джети элде махталырса.
- Ариу джол аджал келтирмез.
- Билгенни къолу къарны джандырыр.
- Сибиртки да сыйлы болду, кюрек да кюнлю болду.
- Нафысынгы айтханын этме, намысынгы айтханын эт.
- Окъугъан – асыу, окъумагъан – джарсыу.
- Хар зат кесини орнуна иги.
- Джылыгъа джылан илешир.
- Эл тойса, тоймагъан, эл къойса, къоймагъан.
- Тёрдеги кюлсе, эшикдеги ышарыр.
- Берекет берсин деген джерде, берекет болур.
- Чоюнну башы ачыкъ болса, итге уят керекди.
- Кёл ашады да, кеси ашады.
- Сёз садакъдан кючлюдю.
- Этим кетсе да, сюегим къалыр.
- Ашхы тенг джолгъа салыр, аман тенг джолдан тайдырыр.
- Чакъырылмай келген къонакъ сыйланмай кетер.
- Кеси юйюмде мен да ханма.
- Иги адам абынса да, джангылмаз.
- Дженгил джетерикме деб, узун джолну къоюб, къысхасын барма.
- Бермеген къол, алмайды.
- Чыбыкълыкъда бюгюлмеген, къазыкълыкъда бюгюлмей эди.
- Уллу къашыкъ эрин джыртар.
- Борчунг бар эсе, хурджунунга ойлаб узал.
- Джерни букъусу кёкге къонмаз.
- Атынг аманнга чыкъгъандан эсе, джанынг тамагъынгдан чыкъсын.
- Тюкюрюк баш джармаз, налат кёз чыгъармаз!
- Ариу сёз джыланны орнундан чыгъарыр.
- Келинин тута билмеген, къул этер, къызын тута билмеген, тул этер.
- Бек ашыкъгъан меннге джетсин, дегенди аракъы.
- Айтхан – тынч, этген – къыйын.
- Ётюрюкден тюбю джокъ, кёлтюрюрге джиби джокъ.
- Ашатыргъа иш – ашхы, ишлетирге аш – ашхы.
- Биреуге аманлыкъны тилеме да, кесинге ашхылыкъны тиле.
- Садакъачыны джаны – къапчыгъында.
- Ач, тоймам, дейди, тойгъан, ач болмам, дейди.
- Къуллукъчума, деб махтанма, къуллукъ – хаух джамчыды!
- Тойгъандан сора, ашны сёкме.
- Къыйынлы джети элге оноу этер.
- Джаным-тиним – окъуу, билим.
- Юйюнг бла джау болгъандан эсе, элинг бла джау бол.
- Аджашханны ызындагъы кёреди, джангылгъанны джанындагъы биледи.
- Тил – кесген бычакъ, сёз – атылгъан окъ.
Ошибка!
Для просмотра темы введите ваши логин и пароль.Пожалуйста, авторизуйтесь: